جاڭا حابارلار

 6- كەزەكتى جۇڭگو ـــــ ازيا ەۆروپا كورمەسى جانە جۇڭگو ـــ ازيا - ەۆروپا ەكونوميكانى دامىتۋ سەلبەستىك تالقى مىنبەرى اشىلدى

    كەلۋ قاينارى: شينجياڭ حالىق راديو ىستانسياسى    2018-08-31 10:30:52  

 ستانسيامىزدىڭ حابارى :8-ايدىڭ 30-كۇنى تۇستەن بۇرىن، 6 - كەزەكتى جۇڭگو ــــ ازيا - ەۆروپا كورمەسى ۇرىمجىدە اشىلدى.  

   ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا اشىلۋ سالتىنا جانە جۇڭگو ـــــ ازيا - ەۆروپا ەكونوميكانى دامىتۋ سەلبەستىگى تالقى مىنبەرىنە قاتىناستى ءارى باستى ماقساتتاعى لەكسياسىن جاسادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو اشىلۋ سالتىنا جانە نەگىزگى تالقى مىنبەرىنە قاتىناستى ءارى ءسوز سويلەدى. اۋعانستان پارلامەنتى اقساقالدار قوعامىنىڭ ءتوراعاسى مۇسليميار، گرۋزيانىڭ ورىنباسار زۇڭليى  ستيكيشۆيلي، جۇڭگو مەملەكەتتىك كەڭەس دامۋدى زەرتتەۋ ورتالىعىنىڭ ورىنباسار مەڭگەرۋشىسى لۇڭ گوچياڭ سياقتىلار اشىلۋ سالتىنا جانە نەگىزگى تالقى مىنبەرىنە قاتىناستى  ءارى لەكسيا جاسادى، ساۋدا مينيسترلىگىنىڭ حالىقارالىق ساۋدا كەلىسسوز ۋاكىلى، قوسىمشا ورىنباسار مينيسترى فۋ زىيىڭ ارناۋ ءسوز سويلەدى. مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت ۇسىنىس بويىنشا قاتىناستى. 6 - كەزەكتى جۇڭگو ــــ ازيا - ەۆروپا كورمەسىن ۇيىمداستىرۋ كوميسسياسىنىڭ مەڭگەرۋشىسى، اۆتونوميالى رايوننىڭ ءتوراعاسى شوكىرات زاكىر اشىلۋ سالتىن جانە نەگىزگى تالقى مىنبەرىن باسقاردى. اۆتونوميالى رايوننىڭ باسشىلارىنان شاۋكەت ءيمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشيندەر اشىلۋ سالتىنا جانە نەگىزگى تالقى مىنبەرىنە قاتىناستى.  وسى كەزەكتى كورمەنىڭ باستى تاقىرىبى ـــ «ءبىر بەلدەۋ، ءبىر جولدا، ورتاق اقىلداسۋ، ورتاق قۇرۋ، ورتاق يگىلىكتەنۋ».   تۇستەن بۇرىن ساعات 11 دە، 6 - كەزەكتى جۇڭگو ــــ ازيا - ەۆروپا كورمەسىنىڭ اشىلۋ سالتى جانە  جۇڭگو ـــــ ازيا - ەۆروپا ەكونوميكانى دامىتۋ سەلبەستىگى تالقى مىنبەرى رەسمي باستالدى. شينجياڭ حالىقارالىق كورمە ورتالىعىنىڭ كوپ يقۋاتتى زالى سيلى كىسىلەرگە لىق تولىپ، ەلىمىزدىڭ ءىشى - سىرتىنان كەلگەن ساياسي قايراتكەرلەر مەن سيلى قوناقتار وسى جەردە كەڭەسىپ، اۋىس - كۇيىس جاساپ، «ءبىر بەلدەۋ، ءبىر جول» حالىقارالىق سەلبەستىگىن بىرگە اقىلداستى.  حۋ چۇنحۋا باستى ماقساتتاعى لەكسيانى جاساعاندا بىلاي دەپ اتاپ كورسەتتى: ءتوراعا شي جينپيڭ 2013 - جىلى «ءبىر بەلدەۋ، ءبىر جولدى» ورتاق قۇرۋ دارىپتەمەسىن العا قويعاننان بەرى، جۇڭگونىڭ «ءبىر بەلدەۋ، ءبىر جول» بويىنداعى ەلدەرمەن «ءبىر بەلدەۋ، ءبىر جول» جوباسىنداعى ناقتىلى سەلبەستىگى ۇزدىكسىز تەرەڭدەپ، مول جەتىستىككە قول جەتكىزدى. جۇڭگو ءار قايسى ەلمەن ستراتەگيالىق سايكەسۋدى اناعۇرلىم كۇشەيتىپ، سەلبەسۋ ءورىسىن كەڭەيتىپ، ساۋدانىڭ جاڭا ارتۋ ءتۇيىنىن تاۋىپ، قارجى قوسۋ مەن كاسىپ سەلبەستىگىن كەڭەيتىپ، تەمىر جول، تاس جول، پورت، ەنەرگيا، تەلەگراف سياقتى نەگىزگى قۇرىلعىلاردى ءوزارا بىرلەستىرىپ تۇتاستىرۋدى قالايدى. فينانس قۇرالى مەن سەلبەسۋ ۇلگىسىندە جاڭالىق اشىپ، كاسىپورىنداردىڭ قارجى اينالىمى جولىن كەڭەيتىپ، كاسىپ نىسانىن، نەگىزگى قۇرىلعىنى فينانس جاعىندا قولداۋدى كۇشەيتەدى. جۇڭگو رەفورمانى جاپپاي تەرەڭدەتۋدەن جانە ەسىك اشۋ كولەمىن كەڭەيتۋدەن اۋىتقىماي، ساۋدا مەن قارجى قوسۋدى ەركىندەتۋدى، قولايلىلاندىرۋدى جەبەيدى، ازيا مەن  ەۆروپاداعى   ەلدەردىڭ ءتيىمدى ورايدى مىقتى يگەرىپ، جۇڭگو كاسىپورىندارىمەن تىزە قوسا سەلبەسىپ قۇلشىنىس جاساپ، سەلبەسۋ ءورىسىن كەڭ كولەمدە، ىشكەرىلەي ۇزدىكسىز كەڭەيتۋىن قارسى الادى. جۇڭگو ۇكىمەتى شينجياڭنىڭ ورايدى مىقتى يگەرىپ، ەسىك اشۋ قادامىن جەدەلدەتىپ، جۇڭگونىڭ سىرتقا ەسىك اشۋىندا اناعۇرلىم زور رول اتقارۋىن قولدايدى. چىن چۋانگو قارسى الۋ سوزىندە بىلاي دەدى: ءتوراعا شي جينپيڭنىڭ «ءبىر بەلدەۋ، ءبىر جولدى» ورتاق قۇرۋ دارىپتەمەسىن العا قويۋى جەر شارى جۇيەسى وزگەرىسىنىڭ ىشكى تالابىنا سايكەسىپ، ءار ەلدىڭ دامۋدى جەدەلدەتۋ ورتاق تىلەگىن ءبىلدىردى. «ءبىر بەلدەۋ، ءبىر جول» دارىپتەمەسىنىڭ العا قويىلعاندىعىنىڭ 5 جىلدىعى بايلانىسىمەن، ءتوراعا شي جينپيڭ كەڭەسىپ اقىلداسۋعا تاباندى بولىپ، ورتاق قۇرىپ، ورتاق يگىلىكتەنىپ، سەلبەسۋدەن ورتاق تيىمدىلىككە جەتىپ، «ءبىر بەلدەۋ، ءبىر جول» بويىنداعى ەلدەرمەن سەلبەستىك جاساۋدى قاراستىرۋدى ەڭ زور ورتاق بولگىش ەتۋ كەرەكتىگىن ايقىن العا قويدى،  بۇل «ءبىر بەلدەۋ، ءبىر جولدى» ورتاق قۇرۋدى ىلگەرىلەتۋدى ىشكەرىلەي، تىڭعىلىقتى جۇرگىزۋ، ءار ەل حالقىنا اناعۇرلىم ويداعىداي باقىت جاراتۋ ءۇشىن العا باسۋ باعدارىن كورسەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ءار ەلمەن بىرگە،  جۇڭگو ــــ ازيا - ەۆروپا كورمەسى سىندى وسى ماڭىزدى تەكشەدەن ويداعىداي پايدالانىپ، «ءبىر بەلدەۋ، ءبىر جول» جاعىنداعى حالىقارالىق سەلبەستىكتى بەلسەنە جەبەپ، «بەستى تۇتاستىرۋدى» قۇلشىنا جۇزەگە اسىرىپ، ەكونوميكانىڭ جەر شارىلانۋىنىڭ اناعۇرلىم ەسىك اشقان، كەشىرىمشىل، تيىمدىلىكتى جالپىلاستىرعان، ءبىر كەلكى، ورتاق تيىمدىلىككە يە بولعان  باعدارعا قاراي دامۋىن ىلگەرىلەتىپ، ادامزات تاعدىرى ورتاق تۇلعاسىن بىرگە ازىرلەپ، تاماشا دۇنيەنى تىزە قوسا وتىرىپ، ويداعىداي قۇرۋ كەرەك.   فۋ زىيىڭ ءسوز سويلەپ بىلاي دەدى: شينجياڭ ازيا- ەۆروپا ۇلى قۇرىلعىنىڭ ورتالىعىنا ورنالاسقان،  ول -جىبەك جولى ەكونوميكالىق بەلدەۋىنىڭ وزەكتى رايونى. جۇڭگو ساۋدا ىستەرى مينيسترلىگى شينجياڭنىڭ ەسىكتى ايقارا اشىپ، توڭىرەكپەن ءوزارا سايكەسىپ، قارىم -قاتىناس جاساۋدى كۇشەيتىپ، ساۋدالىق قارجى قوسۋدى جەبەۋ مەحانيزمىن كەمەلدەندىرىپ، اشىق ەكونوميكالىق جۇيەنىڭ دەڭگەيىن جوعارىلاتۋىن بۇرىنعىداي قولدايدى. دۇنيە جۇزىندەگى ءار قايسى سالا،  ءار قايسى جاق پەن قارجى قوسۋشىلارىنىڭ شينجياڭعا كەلىپ، كەڭەس وتكىزىپ سەلبەسۋىن، قارجى قوسىپ، كاسىپتى كوركەيتۋىن شىن پەيىلمەن قارسى الامىز. جۇڭگو ساۋدا ىستەرى مينيسترلىگى قىزمەت وتەۋدى قامتاماسىزداندىرۋ قىزمەتىن كۇش سالا جاقسى ىستەپ، « ءبىر بەلدەۋ، ءبىر جولدى» ورتاق قۇرۋدى ىشكەرلەي، نىق قاداممەن ىلگەرلەتىپ، حالىققا باقىت جاراتادى.     مۇسىليميار لەكسياسىندا بىلاي دەدى: اۋعانىستان جۇڭگونىڭ ەكونوميكاسى مەن قوعامىنىڭ دامۋ تابىستارىنا ءتانتى ، جۇڭگونىڭ اۋعانىستاننىڭ بەيبىتشىلىك ىستەرى مەن ەكونوميكالىق قۇرىلىسىن قولداعانىنا العىس ايتامىز. جىبەك جولى ەكونوميكالىق بەلدەۋى قۇرىلىسى اۋعانىستان- جۇڭگو سەلبەستىگى مەن رايوندىق ءوزارا سايكەسىپ، قارىم- قاتىناس جاساۋىن جەبەۋ جونىنەن العاندا اسا ماڭىزدى مانگە يە، ءبىز  جۇڭگو جاقتىڭ «ءبىر بەلدەۋ،ءبىر جول» دارىپتەمەسى مەن وڭىرلىك سەلبەستىكتى كۇشەيتۋ ماڭىزدى قۋاتتاماسىن جالعاستى قولداپ، ەكى جاقتىڭ ساۋدا، وقۋ- اعارتۋ، نەگىزگى قۇرىلعى، وڭىرلىك حاۋىپسىزدىك سياقتى سالالارداعى ناقتى ىستەر ىستەۋ سەلبەستىگىن بەلسەنە قولدايمىز.    سكيتيشۆيلي لەكسياسىندا بىلاي دەدى: شي جينپيڭ ءتوراعا ورتاعا قويعان «ءبىر بەلدەۋ، ءبىر جول» دارىپتەسى گرۋزيا جونىنەن ەرەكشە زور مانگە يە. گرۋزيا وزىندىك ەرەكشە جاعراپيالىق ورىن ابزالدىلىعىن تولىق ساۋلەلەندىرىپ، «ءبىر بەلدەۋ، ءبىر جول» جۇلگەسىندە، جۇڭگومەن ەنەرگيانى اشۋ، جاساۋ كاسىبى، وسىزامانعى قىزمەت وتەۋ كاسىبى، اۋىل شارۋاشىلىعىن كاسىپ سالالاندىرۋ سياقتى سالالارداعى سەلبەسۋدى، اۋىس- كۇيىس جاساۋدى تىزە قوسا تەرەڭدەتىپ، ازيا- ەۆروپا قۇرىلىعىنىڭ ءوزارا سايكەسىپ، قارىم- قاتىناس جاساۋىن جەدەلدەتىپ، ەكونوميكانىڭ ارتۋىن، قوعامنىڭ دامۋىن جانە باياندى ورنىقتىلىقتى ورتاق جۇزەگە اسىرۋدى قالايدى.   لۇڭ گوچياڭ لەكسياسىندا بىلاي دەدى: «ءبىر بەلدەۋ، ءبىر جول» جۇڭگودان باستالعان، ال ونىڭ سەلبەستىك تابىستارى دۇنيە جۇزىنە ءتان. بەس جىلدان بەرى، « ءبىر بەلدەۋ، ءبىر جول» دارىپتەسى تانىمنان ارەكەتكە،  ۇمىتتەن رەدالدىققا اينالىپ، دۇنيە ءجۇزى ەكونوميكاسىنىڭ دامۋىنا جاڭا، جالىندى كۇش قوستى. جۇڭگونىڭ شينجياڭى «ءبىر بەلدەۋ، ءبىر جول» سەلبەستىگىندە اسا ماڭىزدى رول اتقارىپ، ماڭىزدى ۇلەس قوسىپ، سۇبەلى تابىستارعا قول جەتكىزدى. شينجياڭنىڭ رەفورمانى ونان ارى تەرەڭدەتىپ، ەسىكتى ايقارا اشىپ،  رولىن ونان ارى جاقسى ساۋلەلەندىرىپ، «ءبىر بەلدەۋ، بىر جول » قۇرىلىسىن ىلگەرلەتۋىن ءۇمىت ەتەمىز.    ءىشىنارا ازيا- ەۆروپا ەلدەرى مەن حالىقارالىق ۇيىمداردان كەلگەن سيلى قوناقتار، اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، مەملەكەتتىڭ مينيسترلىك- كوميتەتتەرىنىڭ، تۋىسقان ولكە-قالالار مەن ءار سالاداعى قايراتكەرلەردىڭ ۋاكىلدەرى اشىلۋ سالتىنا جانە نەگىزگى تالقى مىنبەرىنە قاتىناستى.    اشىلۋ سالتىنان بۇرىن، حۋ چۇنحۋا، چىن چۋانگولار جۇڭگو ازيا- ەۆروپا كورمەسىنىڭ ءىشىنارا كورمە رايوندارىن ەكسكۋرتسيالادى.     8- ايدىڭ 29- كۇنى، حۋ چۇنحۋا، چىن چۋانگو جەكە- جەكە مۇسىليميارمەن جانە سكيتيشۆيليمەن كەزدەستى.
  


بەرىپ كەت ورامالىڭدى

دوستار

الىستاعى اق ەركە