جاڭا حابارلار

 6-كەزەكتى جۇڭگو ـــــــ ازيا-ەۆروپا كورمەسى  تابىسپەن جابىلدى

    كەلۋ قاينارى: شينجياڭ حالىق راديو ىستانسياسى    2018-09-02 10:02:17  

 ستانسيامىزدىڭ ءتىلشىسى لي لۇڭنىڭ حابارى :كەزەكتى جۇڭگو ـــــــ ازيا-ەۆروپا كورمەسى 9-كۇنى-ايدىڭ1-كۇنى تابىسپەن جابىلدى. بۇل رەتكى كورمەگە دۇنيە جۇزىندەگى 500 مىقتى كاسىپورىننىڭ 60 نەشەسى، جۇڭگوداعى 500 مىقتى، ءىشنارا كاسىپ 6-سالاسىنداعى كوشباسشى كاسىپورىندار قاتىناسىپ بۇرىنعى كەزەكتەردەگى كورمەگە قاراعاندا قاتىناسقان كاسىپورىن سانى ەڭ كوپ بولعان ءبىر رەتكى كورمە بولدى. جۇڭگو مەن شەتەلدەگى ايگىلى كاسىپورىندار وزدەرىنىڭ جاڭا ءونىم، جاڭا عىلىم-تەحنيكا، جاڭا كوزقاراستارىن الا كەلدى، بۇل رايونىمىز كاسىپورىندارىنىڭ ءتيىپ جاڭالاپ، دارەجەسىن جوعارىلاتۋىنا، جوعارى ساپالى دامۋدى جەبەۋىنە تىڭ قوزعاۋشى كۇش قوستى. 

      ـــ  بۇل مۇناي-حيميا كاسىپورنىنىڭ ارالاپ تەكسەرەتىن قۇلتەمىرى. 
    جۇڭشين اۋىر ونەركاسىپ ماشينا شەكتى جارنا سەرىكتەستىگى دۇنيە جۇزىندەگى 500 مىقتى كاسىپورىننىڭ ءبىرى جۇڭشين توبىنا قاراستى كاسىپورىن، ەلىمىزدەگى ەڭ ءىرى كەن ماشينالارى مەن سەمەنت جابدىعىن جاسايتىن كاسىپورىن. بيىل 4-ايدا، سەرىكتەستىكتىڭ ۇرىمجىدەگى ءوندىرىس بازارى سالىنىپ ىسكە قوسىلعان بولاتىن، وسى كەزەكتى كورمەگە ولار  ەڭ جاڭا ءبىر توپ ونەركاسىپتە پايدالانىلاتىن قۇلتەمىرىن الا كەلدى. جۇڭشين اۋىر ونەركاسىپ ماشينا شەكتى  جارنا سەرىكتەستىگىنىڭ ءۇرىمجىدەگى ەرەكشە قۇلتەمىر ءوندىرۋ بازاسىنىڭ باس مەڭگەرۋشىسى جاڭ جۇنباۋ بىلاي دەدى: « مۇنىڭ ابىزالدىلىعى ادام ورنىندا ءتۇرلى گاز قاشقان ورىنداردى تەكسەرىپ ولشەي الادى، مۇنى شينجياڭداعى حيميا ونەركاسىبى، مۇناي ايىرۋ، كومىر حيميا ونەركاسىبى سىندى ءتۇرلى حاۋىپتى حيميا ونەركاسىپ كاسىپورىندارى پايدالانا بەرەدى. ەرەكشە قۇلتەمىردى ءبىز « ادام كىرۋگە بولمايتىن، بارا المايتىن، ىستەي المايتىن» شۇعىل قاتەرلى جاعدايدى نەگىز ەتىپ، ادام ورنىندا  ەڭ حاۋىپتى، ەڭ جاپالى قىزمەتتەردى ىستەي الاتىن ەتىپ جوبالاپ وندىردىك. بۇل ءورتتەن ساقتانۋ حاۋىپسىزدىگىن عىلىم-تەحنيكالىق جاقتان قولداۋمەن بىرگە، شينجياڭنىڭ ەنەرگيا كاسىپورىندارىنىڭ قالىپتى ءوندىرىس حاۋىپسىزدىگىنە كەپىلدىك ەتۋىن قاناعاتتاندىرىپ، ونىمدىلىكتى جوعارىلاتۋ جاعىندا  اسا زور رول اتقارادى. » 
    وسى رەتكى كورمەدە، قۇمىل قالاسى چىڭدۋدىڭ «شيڭنىڭ » جاڭا ماتەريالدار شەكتى جارنا سەرىكتەستىگىمەن ليتي باتەرياسى ــ جاڭا ەنەرگيالى اۆتوكولىك نىسانىن بىرلىكتە اشۋ توقتامىن جاساسىپ، شينجياڭنىڭ وسى سالاداعى بوستىعىن تولتىردى، قۇمىل قالاسىنىڭ ورىنباسار باستىعى فۋ جيانۋي بىلاي دەدى: «ليتي باتەرياسى ــ مەملەكەت قارجى قوسقان لولي سەرىكتەستىگىنىڭ لوپنۇرداعى ەڭ ءىرى بازاسى، الايدا، لولي سەرىكتەستىگى بۇرىن نەگىزىنەن ليتي ايىرۋدى نەگىز ەتەتىندىكتەن قىرۋار ليتي ىسىراپ بولاتىن، سەلبەسۋ ارقىلى باركول كولى مەن اراتورىكتىڭ تۇز كولى بايلىعى قامتىلعان وسى جاراقسىز بايلىقتاردى تولىق اشتىق. وسى نىساننىڭ جارىققا شىعۋىنا وراي، كاسىپ تىزبەگى كەڭەيىپ، جاڭا ەنەرگيالى الەۋمەتتىك كوشە اۆتوبۋسى، جەڭىل اۆتوكولىك ءوندىرۋ سىندى نىسانداردىڭ شينجياڭداعى تاماشا كاسىپ تىزبەگىن قالىپتاستىرماق.

  ستراتەگيالىق جاڭادان كوركەيگەن كاسىپتەن سىرت، رايونىمىزدىڭ جەر-جەرى تاعى ءداستۇرلى كاسىپتە ىشكى ولكەدەگى كاسىپورىندارىمەن بەلسەنە سەلبەستىك جاساپ، كاسىپ تىزبەگىن ۇزارتىپ، قوسىمشا قۇندى ارتتىردى. سولتۇستىك شينجياڭداعى ماقتا ەگەتىن ءىرى اۋدان رەتىندە ـــ ساۋان اۋدانى وسى رەت جىجياڭ كاسىپورىنىمەن جيىنى 320 ميلليون يۋان قارجى قوسىلعان ماقتا ونىمدەرىن مانەرلەۋ جانە ساۋدا بازارى نىسانىنا قول قويدى. ساۋان اۋداندىق پارتكومنىڭ ورىنباسار شۋجيى فىڭ - ي بىلاي دەدى: ماقتانى تەرىپ العاننان كەيىنگى قالعان بۇرشىكتى اناعۇرلىم مانەرلەپ، تولىق پايدالانىلعاننان كەيىن، ودان كەزدەمە توقۋعا بولادى. مۇندا ونىمدەردىڭ پايدالانۋ مولشەرى ارتۋمەن بىرگە، قاتتى كۇيدەگى جاراقسىز زاتتار جويىلىپ، ورتاعا جاسايتىن قىسىم ازايادى. 
   جوعارى ساپالى دامۋ اياق الىسىن ىلگەرىلەتۋ ءۇشىن، ءسوزجوق، جاسىل دامۋ كوزقاراسىنا بويسۇنۋ كەرەك. وسى كەزەكتى كورمەدە، ۇلىقشات اۋدانى جياڭسۋ ولكەسىنىڭ چاڭجوۋىنداعى ءبىر كاسىپورىنمەن ەكولوگيانى جان-جاقتىلى قالپىنا كەلتىرۋ نىسانىنا قول قويدى، ۇلىقشات اۋداندىق پارتكومنىڭ ورىنباسار شۋجيى، ۇنەمىلىك ىستەرگە جاۋاپتى ورىنباسار اۋدان اكىمى حۋ جيڭجى بىلاي دەدى: ۇلىقشات اۋدانىنىڭ ەكولوگيالىق ورتاسى ەرەكشە ءالسىز، ءبىز قول قويعان جايىلىم ەكولوگياسىن قالپىنا كەلتىرۋ نىسانىنىڭ باستى ماقساتى ـــ وپتيكالىق كابەل ارقىلى ەگىستىك جەردى سۋارۋ سياقتى وسىزامانعى اۋىل شارۋاشىلىق عىلىم-تەحنيكاسىن پايدالانۋ سىناعىن جاساۋ، سونداي-اق ۇستىرتتەگى تاۋلى وڭىرگە ۇيلەسەتىن ەكونوميكالىق داقىلدار مەن كاسىپتى ەنگىزۋ، مۇندا نەگىزىنەن جوڭىشقا، جابايى شىرعاناق، تاعى قارا الاقات سياقتىلار بار، بۇل ەكولوگيالىق ورتانى جاقسارتىپ، ەكولوگيالىق ونىمدىلىكتى ارتتىرىپ، بۇقارانىڭ كىرىسىن ارتتىرۋ اياق الىسىن ىلگەرىلەتۋدە ماڭىزدى ءمان الادى. جۇڭگو ـــ ازيا - ەۆروپا كورمەسى تەكشەسى ارقىلى بۇرىنعىدان دا كوپ ۇزدىك كاسىپورىندى ەنگىزىپ، ۇلىقشات اۋدانىنىڭ جوعارى ساپالى دامۋىن ىلگەرىلەتۋدى ءۇمىت ەتەمىز.
 

 

 

 

 

 

 


 


بەرىپ كەت ورامالىڭدى

دوستار

الىستاعى اق ەركە