جاڭا حابارلار

حالىق اقشاسىنىڭ تەڭگەگە سىندىرىلىمىن ەل ارالىق تىكە قالىپتاستىرۋ مەحانيزمى رەسمي اتقارىلدى

    كەلۋ قاينارى: شينجياڭ حالىق راديو ىستانسياسى    2018-09-06 11:40:59  
ستانسيامىزدىڭ ءتىلشىسى لەي ميڭنىڭ حابارى: 9-ايدىڭ 5-كۇنى حالىق بانكەسىنىڭ ءۇرىمجى سەنترلى تارماق بانكەسى، حالىق اقشاسىنىڭ تەڭگەگە سىندىرىلىمىن ەل ارالىق تىكە قالىپتاستىرۋ مەحانيزمىنىڭ جانە ەلىمىز بويىنشا تۇڭعىش توپتاعى شەتەل بانكەسىنىڭ جۇڭگو بانكەلەرى ارا شەتەل اقشاسى بازارىنىڭ شينجياڭ وڭىرىنە ىرگە تەۋىپ ساۋدا جاساۋىنىڭ باستالۋ سالتىن وتكىزدى. اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ باستالۋ سالتىنا قاتىناستى.
بيىل 1-ايدا، ەلىمىزدىڭ بانكەلەر ارا شەتەل اقشا بازارى شەتەلدەگى حالىق اقشاسى كاسىبىنە قاتىناساتىن بانكەلەرگە وڭىرلىك ساۋدا بازارىن اشتى. بيىل 8-ايدا، جۇڭگو حالىق بانكەسى باس بانكەسىنىڭ ارحيۆ تۇرعىزىپ، جۇڭگو شەتەل اقشاسى ساۋدا ورتالىعىنىڭ بەكىتىپ، حالىق بانكەسى ءۇرىمجى سەنترلى تارماق بانكەسىنىڭ رۋحسات ەتۋىمەن، جۇڭگو ونەركاسىپ-ساۋدا بانكەسىنىڭ الماتى جارنا سەرىكتەستىگى مەن ونەركاسىپ ساۋدا ولشەمدى بانكەسىنىڭ الەۋمەتتىك شەكتى سەرىكتەستىگى ەلىمىزدىڭ بانكەلەر ارا شەتەل اقشاسى بازارىنىڭ رەسمي مۇشەسى بولدى، ولار بيىل 9-ايدىڭ 3-كۇنىنەن باستاپ، حالىق اقشاسىنىڭ تەڭگەگە سىندىرىلىمىنىڭ وڭىرلىك ساۋدا كاسىبىن ىستەپ، ەلىمىز بويىنشا ەلىمىزدىڭ بانكەلەر ارا شەتەل اقشاسى بازارىنىڭ وڭىرلىك ساۋداسىنا قاتىناسقان تۇڭعىش توپتاعى شەتەلدىڭ بانكە قۇرىلىمدارىنا اينالدى، بۇل حالىق اقشاسىنىڭ تەڭگەگە سىندىرىلىمى باعاسىن ەل ارالىق مالىمدەۋ ساۋداسىنداعى ءار كۇنگى ورتاشا شەتەل اقشاسى سىندىرىلىمىن تىكە قالىپتاستىرۋ مەحانيزمىنىڭ رەسمي اينالىمعا تۇسكەندىگىن اڭعارتادى. جۇڭگو ونەركاسىپ-ساۋدا بانكەسى الماتى جارنا سەرىكتەستىگىنىڭ باس مەڭگەرۋشىسى ۋي شياۋگاڭ بىلاي دەدى: « بۇرىن حالىق اقشاسى مەن تەڭگە ساۋداسى 3-ەلدىڭ اقشاسىمەن جاسالاتىن، بۇل بەينە توعانعا ورناتىلعان توسپا سياقتى بولاتىن، ال حالىق اقشاسى مەن تەڭگەنىڭ تىكە ساۋداسى وسى كەدەرگىنىڭ جويىلعانىن اڭعارتادى، ونىڭ حالىق اقشاسىنىڭ حالىقارالانۋىندا جانە شينجياڭنىڭ جىبەك جولى ەكونوميكالىق بەلدەۋ وزەكتى رايونىندا وڭىرلىك فينانس ورتالىعىن قۇرۋدا كەلەلى ماڭىزى بار».
ونەركاسىپ بانكەسىنىڭ الماتىداعى بولىمشەسى، قازاقستان باعالى قاعاز ساۋدا ورىنى مەن ەلىمىزدىڭ بانكەلەر ارا شەتەل اقشاسى بازارىنىڭ شينجياڭداعى وڭىرلىك ساۋدا ورنىندا حالىق اقشاسىنىڭ تەڭگەگە سىندىرىلعانداعى باعاسىن تىكەلەي جاريالاپ، ساۋداعا سالادى، بۇل جۇڭگو مەن قازاقستاننىڭ شەتەل اقشا بازارىن تۇتاستىرىپ، حالىق اقشاسىن تەڭگەگە تىكەلەي اۋستىرۋداعى قازاقستان مەن جۇڭگونىڭ شينجياڭنىڭ ءبىر تۇتاس اقشا سىندىرىلىمىن قالىپتاستىرۋمەن بىرگە، بازار قاجەتىنە ءتىپتى جۋىق تىكە سىندىرىلىمدى قالىپتاستىرىپ، ا ق ش دوللارىنىڭ اۋىتقۋىنان تۋىلعان جاناما سىندىرىلىم وزگەرىسىنىڭ، جۇڭگو مەن قازاقستاننىڭ ەكى جاقتىلى ساۋداسىنا جاسايتىن ىقپالىن ازايتۋعا ءتيىمدى؛ شينجياڭ سانباۋ كاسىپ توبىنىڭ قازىنا باس باقىلاۋشىسى جاڭ يۇڭمەي بىلاي دەدى: «ەندى اقشا اۋستىرۋ بارىسىندا قاتە ەسەپتەۋ جاعدايى ازاياتىن بولدى، كاسىپ توبى شەتەلگە ىرگە تەپكەننەن كەيىن، شەتەلمەن سەلبەستىك جاساۋ جانە كاسىپتى كەڭەسۋ ءتىپتى تەزدەيدى».وسى كۇنى «جۇڭگو شينجياڭ ـــ جىبەك جولى اقشا ءوڭىرى ساۋدا ينفورماتسيا تەكشەسى» وندىرىسكە قوسىلىپ، وڭىرلىك اقشا ساۋداسىن جوعارى ءونىمدى ينفورماتسيامەن قولدايتىن بولدى.

بەرىپ كەت ورامالىڭدى

دوستار

الىستاعى اق ەركە