جاڭا حابارلار

نيڭدوۋ كوتەرىلىسىنىڭ باسشىسى ــــ جي جىنتۇڭ

    كەلۋ قاينارى: شينجياڭ حالىق راديو ىستانسياسى    2018-09-07 11:28:17  
جي جىنتۇڭ 1901-جىلى 5-ايدا، حىبەيدىڭ ساڭشيان اۋدانىندا دۇنيەگە كەلگەن. 1926-جىلى 9-ايدا، فىڭ يۇيشياڭ اسكەري ءبولىمىنىڭ ۋيۋانداعى سەرت بەرۋىنە قاتىناسىپ، ۇلتتىق بىرلەسكەن ارميا 14-شىسىنىڭ باستىعى مىندەتىن اتقارىپ، سولتۇستىككە جورىق سوعىسىنا قاتىناسادى. «18-قىركۇيەك» وقيعاسىنان كەيىن، لي جىنتۇڭ جياڭ جيەشىنىڭ جاپونعا قارسىلىق كورسەتپەۋ باعىتىنا جانە «كوممۋنيستىك پارتيانى جويۋ» ساياساتىنا ايقىن قارسى تۇرادى.
جۇڭگو كوممۋنيستىك پارتياسى ورتالىق كوميتەتىنىڭ باسشىلىعى مەن پارتيا ۇيىمىنىڭ جەبەۋىندە، 1931-جىلى 12-ايدىڭ 14-كۇنى، جي جىنتۇڭ جاۋ بوشىڭ، دۇڭ جىنتاڭ، حۋاڭ جۇڭيۋەلارمەن بىرلىكتە ايگىلى نيڭدوۋ كوتەرىلىسىن قوزعاپ، 26-باعىت ارمياسىنداعى 17 مىڭ وفيتسەر مەن اسكەردى باستاپ، كەرتارتپا شەپتەن قول ءۇزىپ، العا باسار جاققا بەت الىپ، مۇنى قىزىل ارميا 1-باعىت ارمياسىنىڭ 5-جۇنتۋانى دەپ وزگەرتەدى، ورتالىق توڭكەرىستىك اسكەري ىستەر كوميتەتى جي جىنتۇڭدى قىزىل ارميا 5-جۇنتۋانىنىڭ باس قولباسشىلىعىنا، شياۋ جينگۋاڭدى قىزىل ارميا 5-جۇنتۋانىنىڭ ساياسي كوميسسارلىعىنا تاعايىندايدى.
كوتەرىلىس بولىپ كوپ وتپەي، جي جىنتۇڭ پارتيا ورتالىق كوميتەتىنە جۇڭگو كوممۋنيستىك پارتياسىنا كىرۋ تالابىن العا قويادى. 1932-جىلى 1-ايدا، جۋدى مەن جوۋ ىنلايدىڭ تانىستىرۋىمەن، پارتيا ورتالىق كوميتەتى جي جىنتۇڭنىڭ جۇڭگو كوممۋنيستىك پارتياسىنا كىرۋىن بەكىتەدى. پارتيانىڭ باسشىلىعىندا، قايتا ۇيىمداستىرىلىپ جاتتىعۋ جاساۋدىڭ ناتيجەسىندە، قىزىل ارميا 5-جۋنتۋانى الدىڭعى شەپكە اتتانىپ، «قورشاپ جويۋعا» قارسى تۇرۋ سوعىسىنا ات سالىسىپ، سان رەت ەرەكشە ناتيجە جاراتادى.
1932-جىلى 8-ايدا، پارتيا ىشىندەگى «سولشىلداردىڭ» قاتە ىقپالىندا، جي جىنتۇڭ توڭكەرىسكە قارسى ەلەمەنت دەپ جاڭساق تانىلىپ تۇرمەگە جابىلادى. 1934-جىلى 10-ايدا، ورتالىق قىزىل ارميا ۇزاق جورىققا شىعاردىڭ الدىندا، جي جىنتۇڭ جياڭشي ولكەسىنىڭ رۇيجين اۋدانى يەپيڭ قىستاعىندا جاڭساق ءولتىرىلىپ، قۇربان بولعاندا نە ءبارى 33 جاستا-ەدى.

بەرىپ كەت ورامالىڭدى

دوستار

الىستاعى اق ەركە