جاڭا حابارلار

ىستىق قانىمەن ەلەۋلى ەڭبەك سىڭىرگەن ــــ جوۋ ي-لي

    كەلۋ قاينارى: شينجياڭ حالىق راديو ىستانسياسى    2018-09-08 13:22:58  
جوۋ ي-لي، 1897-جىلى 10-ايدا، حۋنان ولكەسى چاڭشا اۋدانىنىڭ چياۋتوۋي جيۋفۋ اۋىلىندا دۇنيەگە كەلگەن، 1924-جىلى، جۇڭگو كوممۋنيستىك پارتياسىنا كىرگەن.
1925-جىلى كوكتەمدە، جوۋ ي-لي گومينداڭ مەن كوممۋنيستىك پارتيا سەلبەستىگىندەگى گومينداڭ حۋنان ولكەلىك پارتيا ءبولىمىنىڭ ءبىرىنشى كەزەكتى اتقارۋشى مۇشەسىنە، ولكەلىك پارتيا ءبولىم ج ك پ پارتيا وداعىنىڭ شۋجيلىعىنا تاعايىندالىپ، بىرلىكساپ پەن جۇمىسشى-ديحان توڭكەرىستىك قوزعالىسىنىڭ باسشىلىق قىزمەتىنە قاتىناسادى. 1927-جىلدىڭ سوڭىندا، جوۋ ي-لي ج ك پ حۋنان ولكەلىك پارتكومنىڭ شۋجيلىعىنا تاعايىندالادى. كۇردەلى اق ءتۇستى لاڭكەستىك جاعدايدا، ول قاتەردەن تايساقتاماي، پارتيا ۇيىمىن كۇش سالا قالپىنا كەلتىرىپ دامىتىپ، اۋىل-قىستاقتاردا قارۋلى ارەكەتتەرگە باسشىلىق ەتىپ جانە ونى قوزعاپ، ورتا جازىق ساحاراسىندا گومينداڭ كەرتارتپاشىلارىنا قارۋلى قارسى تۇرۋ كۇشتى تولقىنىن كوتەرەدى.
1931-جىلى 11-ايدا، جۇڭحۋا سوۆەت رەسپۋبليكاسىنىڭ ءبىرىنشى رەتكى مەملەكەتتىك جۇمسشى-ديحان-اسكەرلەر قۇرىلتايى جياڭشيدىڭ رۇيجينىندە اشىلدى. جوۋ ي-لي ورتالىق كوميتەتتىڭ اتقارۋشى مۇشەلىگىنە سايلانادى، سونىمەن بىرگە قىزىل ارميا باس الدىڭعى شەپ كوميتەتىنىڭ ۇيىمداستىرۋ باستىعى، قىزىل ارميا ورتالىق اسكەري ىستەر ساياسي مەكتەبى ساياسي ءبولىمىنىڭ مەڭگەرۋشىسى، توڭكەرىستىك جۇڭحۋا اگەنتتىگىنىڭ جاۋاپتىسى، ورتالىق ۇكىمەتتىڭ ۋاقىتتىق ورگان گازەتى «توڭكەستىك جۇڭحۋانىڭ» باس رەداكتورى سياقتى مىندەتتەردى قوسىمشا اتقارادى.
1934-جىلى 10-ايدا، ورتالىق قىزىل ارمياسى ۇزاق جورىققا اتتانىپ، جوۋ ي-لي ناۋقاستان نەگىزگى اسكەري ءبولىمنىڭ ارەكەتىنە ىلەسە المايدى، پارتيا ۇيىمى ونى شاڭحايعا ەمدەلۋگە جىبەرەدى. 11-ايدا، بارا جاتقان جولىندا گومينداڭ ارمياسى قورشاپ الىپ، قورشاۋدى جويىپ شىعۋ بارىسىندا ول ەرلىكپەن قۇربان بولادى، سول كەزدە ول 37 جاستا بولاتىن.

بەرىپ كەت ورامالىڭدى

دوستار

الىستاعى اق ەركە