جاڭا حابارلار

قاناس كورىنىس رايونىءتۇرلى شارالار ارقىلى كورىنىس رايونىنىڭ ەكولوگيالىق ورتاسىن قالپىنا كەلتىرىپ، ەكولوگيالىق ساياحاتتىڭ پايداسىن كوردى

    كەلۋ قاينارى: شينجياڭ حالىق راديو ىستانسياسى    2018-09-08 14:07:02  

ستانسيامىزدىڭ ءتىلشىسى ءلان تياننىڭ حابارى: قاناس كورىنىس رايونى بەلگىلەمەگە قايشى سالىنعان قۇرىلىستاردى شاعۋ، اعاش ەگىپ، ورمان وتىرعىزۋ، لاس زاتتاردى ىعىستىرۋ، جاڭالاۋ سياقتى شارالار ارقىلى ساياحات كاسىبىن جالاڭ ارتتىرۋدان تىڭعىلىقتى اينالىمعا سالۋعا قاراي بۇرىلىس جاساپ، ەكولوگيالىق ساياحاتتىڭ پايداسىن كوردى.
بىرنەشە كۇننەن بەرى، قاناس كورىنىس رايونىندا سەبەزگى جاڭبىر جاۋعانىمەن، ساياحاتشىلاردىڭ كورىنىستى تاماشالاۋ ىنتاسىنا ىقپال جاساي قويعان جوق. كوركەم قاناس كولى مەن اقشا بۇلت اراسىندا ءالسىن-ءالسىن كورىنگەن تاۋ شوقىلارىن جەر-جەردەگى ساياحاتشىلار اۋىز جاپپاي القاسىپ بىلاي دەدى: «تۇمان دا، اقشا بۇلت تا كورىنەدى، تاۋ، سۋ، كوگىلدىر وزەن كوركەم كورىنىس قالىپتاستىرىپتى»، «كورىنىسى كوز تارتادى، بۇل جەردە مەيماندوس جاندار، ءدامدى تاعامدار كوپ ەكەن، وتە-موتە، قاناستىڭ ءتىلسىم تابيعاتى ەرەكشە مەنمۇندالاپتى، مەن 10 جىلدىڭ الدىندا-اق، وسى جەرگە ساياحاتتاي كەلۋدى جوسپارلاعام. بۇگىن قاناسقا كەلۋ ارمانىم اقىرى ورىندالدى».
ساياحاتشىلاردىڭ باستان وتكەرۋى ءۇشىن، قاناس كورىنىس رايونىن باسقارۋ كوميتەتى بيىل «كىرشىكسىز ورمان-توعاي» «جاسىل جەلەك جامىلعان 2018-جىل» سياقتى ارناۋلى ارەكەتتەردى ورىستەتىپ، ەكولوگيالىق ورتانى قورعاۋ تەبىنىن ارتتىردى، شينجياڭ كاڭحۇي ۇلى تابيعات حالىقارالىق ساياحات باسقارماسىنداعى ساياحات باستاۋشى ۋ ايگو ساياحات ۇيىرمەلەرىن قاناستى ساياحاتتاۋعا باستاعانىنا 10 جىلدان اسىپتى، ول بىلاي دەدى: «قاناس تابيعي كورىنىسىمەن قوناقتاردى باۋرايتىن جەر. بۇل ارانىڭ اۋەلگى ەكولوگياسى زور دارەجەدە قالپىنا كەلگەن، كەشە قوم قىستاعىنا باردىق، ول جەردە ەرەكشە تاماشا، ۇكىمەتتىڭ وسى شارالارى راسىندا وتە جاقسى بولىپتى».
شينجياڭنىڭ قاناسىنداعى دىبالاردىڭ ۇلتتىق عۇرىپ-ادەت وتباسىلىق ورنىندا، «سۋىر» مۋزىكا اسپابىندا سۋدىڭ سىلدىراعان داۋىسى مەن جەلدىڭ ازىناعان داۋىسىنا ەلىكتەپ ورىندالعان مۋزىكانى ەستىگەن ساياحاتشىلار بەينە كولدەر مەن كوك ورمان اراسىندا جۇرگەندەي سەزىنگەنىن ايتتى. تامىلجىتا ورىندالعان اسەم ءان اۋەنىنەن بايىرعى قىستاقتاعى اڭگىمەلەر بەينەلەنىپتى. ۇلتتىق عۇرىپ-ادەت وتباسىلىق ورنىنىڭ جاۋاپتىسى ەرىكبات تىلشىگە بىلاي دەدى: قاناس كورىنىس رايونىندا بىلتىر ورىستەتىلگەن بەلگىلەمەگە قايشى سالىنعان ۇيلەردى شاعىپ كوشىرۋ ارەكەتى بارىسىندا قوم قىستاعى، قاناس قىستاعى سياقتى ءتۇيىندى وڭىرلەردەگى بەلگىلەمەگە قايشى سالىنعان 100 مىڭ شارشى مەتردەن ارتىق كەلەتىن قۇرىلىس شاعىپ كوشىرىلىپ، بايىرعى ەكولوگيالىق بەت-بەينەسى قالپىنا كەلگەن قىستاقتار ساياحاتشىلاردى مولىنان باۋرادى. جازدا تاۋ، سۋلارىمەن كورىكتى، سىلدىراپ اققان وزەندى جانە ۇلتتىق عۇرىپ-ادەتكە باي ويىن نومەرلەرىن كورە الاسىز. كۇزدە قوڭىر كۇزدىڭ تاماشا كورىنىسىن، قايىڭ اعاشتاردى تاماشالايسىز، بال قاراعايدىڭ جاپىراقتارى بىرتىندەپ سارى تۇسكە ەنەدى، قىستا قارلى كورىنىستى تاماشالايسىز، التايدىڭ قاناسىنىڭ قارلى كورىنىسى وتە ءتىلسىم. بىلتىر، ساياحات كىرىسى ءبىر ميلليون يۋان بولعان، جىل سوڭىندا مۇنى 200 مىڭ يۋان ارتتىرۋدى جوسپارلادىق.
ساياحاتتى دامىتۋ مەن قۇندى بايلىقتى قورعاۋ اراسىنداعى تەپە-تەڭدىكتى قاراستىرۋ ءۇشىن، بيىل قاناس كورىنىس رايونىن باسقارۋ كوميتەتى تاعى 4 مىڭ ءتۇپ شىرشا، قايىڭ اعاشى، قاراقات ەكتى، 500 مىڭ يۋان قارجى شىعارىپ، سالبەن، جابايى بەدە سياقتى ەرەكشە وسىمدىكتەردى ەنگىزىپ، ەگۋ اۋماعى 50 مىڭ شارشى مەترگە جەتتى. قاناس كورىنىس رايونىن باسقار كوميتەتى حايۋاناتتار مەن وسىمدىكتەردى قورعاۋ ورتالىعىنىڭ مەڭگەرۋشىسى سۇن جيجوۋ بىلاي دەدى: بىرنەشە جىلدان بەرى، كورىنىس رايونى ەكولوگيانى قورعاۋ، جاسىلداندىرۋ نەمەسە كوركەيتۋ تەبىنىن ارتتىرۋدىڭ ناتيجەسىندە، كورىنىس رايونىندا بىرنەشە جىلدان بەرى ساياحاتشىلار ۇزدىكسىز مولايدى، الايدا، قورشاعان ورتانى تەكسەرۋ-ولشەۋ ارقىلى حايۋاناتتاردى 3، 4 جىل باقىلاۋ-تەكسەرۋ ساندى مالىمەت سالىستىرماسىنان بۇل ارادا زور وزگەرىس بولماعانىن بايقادىق.


بەرىپ كەت ورامالىڭدى

دوستار

الىستاعى اق ەركە