جاڭا حابارلار

شي جينپيڭ لەسوتونىڭ باس ءۋازىرى تابانەمەن كەزدەستى

    كەلۋ قاينارى: شينجياڭ گازەتى    2018-09-08 22:48:14  
شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 9 - ايدىڭ 6 - كۇنى حالىق سارايىندا لەسوتونىڭ باس ءۋازىرى تابانەمەن كەزدەستى.
  شي جينپيڭ بىلاي دەپ اتاپ كورسەتتى: جۇڭگو - لەسوتو جاقسى دوس، جاقسى سەرىك، ەكى ەل قارىم - قاتىناسى ءىرى، شاعىن ەلدەردىڭ ءبىر - بىرىنە قۇرمەت ەتۋىنىڭ، تەڭ تۇرعىدا سەلبەسۋىنىڭ ۇلگىسى سانالادى. جۇڭگو لەسوتونىڭ ءبىر جۇڭگو پرينسيبىنە تاباندى بولعاندىعىن القايدى، لەسوتومەن بىرگە ەكى ەلدىڭ دوستىق تۇرعىدا ءوزارا تيىمدىلىك جاساپ سەلبەسۋىن ۇزبەي تەرەڭدەتىپ، ۇكىمەتتەردىڭ، ساياسي پارتيالاردىڭ، زاڭ شىعارۋ قۇرىلىمدارىنىڭ، قوعامداعى ءار سالانىڭ اۋىس - كۇيىسىن كۇشەيتىپ، ءبىر - ءبىرىنىڭ وزەكتى مۇددەسى جانە ءجىتى قاداعالاپ وتىرعان كەلەلى ىستەرى جونىندە ۇزبەي ءوزارا ءتۇسىنىپ، قولداۋ كورسەتىپ، حالىقارالىق جانە وڭىرلىك ىستەردە بايلانىس پەن سايكەسۋدى نىعايتىپ، ءبىر - ءبىرىنىڭ جانە وركەندەپ كەلە جاتقان ەلدەردىڭ ورتاق مۇددەسىن قورعاپ، ەكى ەل حالقىنا اناعۇرلىم باقىت جاراتۋدى قالايدى.
  تابانە بىلاي دەدى: جۇڭگونىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىن ءساتتى وتكىزگەندىگىن قىزۋ قۇتتىقتايمىن. وسى رەتكى باسشىلار باس قوسۋى قول جەتكىزگەن تاريحي تابىستار افريكا حالقىن يگىلىككە بولەيدى، تالقى مىنبەرىنىڭ بولاشاقتاعى دامۋىنا باعىت ايقىنداپ بەردى. جۇڭگو حالىقارانىڭ افريكامەن سەلبەستىگىنىڭ، وڭتۇستىك - وڭتۇستىك سەلبەستىگىنىڭ تۋىنا اينالدى. افريكانىڭ جۇڭگومەن ۇقساس تاريحي كەشۋى بار، جۇڭگو ەجەلدەن افريكانى وتارلامادى، شاپقىنشىلىق جاسامادى جانە قانامادى، قايتا افريكاعا ەجەلدەن جان اشىرلىق ءبىلدىرىپ، قولداۋ كورسەتىپ، كومەكتەسىپ كەلدى. افريكا حالقى كىمنىڭ ناعىز دوس ەكەنىن قانىق بىلەدى، ءبىزدىڭ ناعىز ادال دوسىمىز − جۇڭگو. لەسوتو ءتوراعا شي جينپيڭنىڭ بەيجيڭدەگى باسشىلار باس قوسۋىندا العا قويعان جۇڭگو - افريكا سەلبەستىگىنىڭ دامۋ بولاشاعىن قۇپتايدى، جۇڭگو العا قويعان «سەگىز ءىرى ارەكەتتى» القايدى، مۇنىڭ افريكا - جۇڭگو سەلبەستىگىن بارىنشا ىلگەرىلەتەتىندىگىنە سەنەدى. افريكانىڭ بولاشاعى جۇڭگودا. لەسوتو - جۇڭگو ءبىر - ءبىرىنىڭ ناعىز سەرىگى، جۇڭگونىڭ ۇزاق ۋاقىتتان بەرى قولداۋ كورسەتىپ كەلگەندىگىنە العىس ايتامىن. لەسوتو جۇڭگونىڭ رەفورما جاساپ، ەسىك اشۋدا قول جەتكىزگەن تابىستارىنا سۇيىنەدى، جۇڭگونىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن تابۋى افريكا ەلدەرىنىڭ دامۋدى جۇزەگە اسىرۋداعى سەنىمىن ارتتىردى. لەسوتو ءبىر جۇڭگو پرينسيبىنە تاباندى بولادى، جۇڭگومەن سەلبەستىگىن تەرەڭدەتىپ، حالىقارالىق ىستەردە پىكىر بايلانىس پەن سايكەسۋدى كۇشەيتۋدى قالايدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.

بەرىپ كەت ورامالىڭدى

دوستار

الىستاعى اق ەركە