جاڭا حابارلار

شي جينپيڭ تانزانيانىڭ زۇڭليى ماجاليۋامەن كەزدەستى

    كەلۋ قاينارى: شينجياڭ گازەتى    2018-09-08 22:49:07  
شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 9 - ايدىڭ 6 - كۇنى حالىق سارايىندا تانزانيانىڭ زۇڭليى ماجاليۋامەن كەزدەستى.
  شي جينپيڭ مىنانى اتاپ كورسەتتى: جۇڭگو مەن تانزانيا كونە دوستار. مەن 2013 - جىلى جۇڭگونىڭ مەملەكەت ءتوراعاسى بولىپ تاعايىندالعاننان كەيىن، افريكاداعى ەلدەردەن تۇڭعىش رەت تانزانياعا ساپارلاي باردىم. جۇڭگو جۇڭگو - تانزانيا قارىم - قاتىناسىنىڭ دامۋىنا باسا ءمان بەرەدى، ەكى ەلدىڭ ءتۇرلى سالاداعى دوستاسۋ، ءوزارا پايدا جەتكىزۋ سەلبەستىگىن ۇزدىكسىز تەرەڭدەتىپ، ەكى ەل حالقىن باقىتقا كەنەلتۋدى قالايدى. جۇڭگو تانزانيانىڭ ۇلتتىڭ ۇقىق - مۇددەسىن قورعاۋ، ەكونوميكانى دامىتۋ، حالىق تۇرمىسىن جاقسارتۋ جاعىنداعى قۇلشىنىسىن قولدايدى، تانزانيامەن بىرگە پارتيالار ارا قارىم - قاتىناس، ەل باسقارۋ، دامۋ، كەدەيلىكتى ازايتۋ سياقتى جاقتاردا تاجىريبە اۋىسۋدى كۇشەيتىپ، ءتۇيىندى نىسانداردىڭ اتقارىلۋىن بىرگە جەبەپ، گۋمانيتارلىق سالاداعى اۋىس - كۇيىستى، سەلبەستىكتى كۇشەيتىپ، كەلەلى حالىقارالىق ماسەلەلەردە بايلانىس پەن سايكەسۋدى نىعايتۋدى قالايدى. جۇڭگو تانزانيامەن بىرگە قۇلشىنىپ، جۇڭگو - افريكا ەلدەرى سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن تياناقتاندىرۋعا وراي، جۇڭگو - تانزانيا، جۇڭگو - افريكا ەلدەرى قارىم - قاتىناسىنىڭ ۇزدىكسىز العا ىلگەرىلەۋىن جەبەيدى.
ماجاليۋا بىلاي دەدى: ءتوراعا شي جينپيڭنىڭ بەيجيڭدەگى باسشىلار باس قوسۋىنىڭ اشىلۋ سالتىندا سويلەگەن ءسوزى − 21 - عاسىردا حالىقارالىق سەلبەستىك جونىندە جاسالعان ەڭ ۇلى لەكسيانىڭ ءبىرى. جۇڭگو جاقتىڭ العا قويعان سەلبەستىك ۇستانىمى مەن «سەگىز ءىرى ارەكەتى» افريكانىڭ دامۋ قاجەتىنە بۇكىلدەي ساي كەلەدى. تانزانيا باسشىلار باس قوسۋىنىڭ جەمىسىن تياناقتاندىرۋعا كۇش سالادى. تانزانيا جۇڭگونى ەڭ ماڭىزدى دوسى جانە سەرىگى دەپ بىلەدى، جۇڭگونىڭ ۇزاق ۋاقىتتان بەرگى قۇندى قولداۋىنا العىس ايتادى. تانزانيا ءبىر جۇڭگو ساياساتىنان جازبايدى، «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، مەملەكەتتىڭ نەگىزدىك قۇرىلعى قۇرىلىسى مەن ونەركاسىپتەندىرۋ اياق الىسىنا جەتەكشىلىك ەتىپ، تانزانيا - جۇڭگو قارىم - قاتىناسىن تىڭ ورەگە كوتەرۋدى قالايدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.

بەرىپ كەت ورامالىڭدى

دوستار

الىستاعى اق ەركە