جاڭا حابارلار

شي جينپيڭ كونگو دەموكراتيالىق رەسپۋبليكاسىنىڭ زۇڭليى چيبالامەن كەزدەستى

    كەلۋ قاينارى: شينجياڭ گازەتى    2018-09-08 22:50:03  
   شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ  9 - ايدىڭ 6 - كۇنى حالىق سارايىندا كونگو دەموكراتيالىق رەسپۋبليكاسىنىڭ زۇڭليى چيبالامەن كەزدەستى.
شي جينپيڭ مىنانى باسا دارىپتەدى: جۇڭگو كونگونىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتورياسىنىڭ تۇتاستىعىن قورعاۋىن ەجەلدەن باتىل قولداپ كەلەدى، كونگونىڭ ەل ءىشىنىڭ ساياسي اياق الىسىن دەربەس ىلگەرىلەتىپ، سىرتتىڭ كيلىگۋىنە قارسى تۇرۋىن قولدايدى. جۇڭگو كونگو دەموكراتيالىق رەسپۋبليكاسى ۇكىمەتىنىڭ مەملەكەتتىڭ بەيبىتشىلىگى مەن ورنىقتىلىعىن قورعاۋ، ەكونوميكالىق، قوعامدىق دامۋدى ىسكە اسىرۋ جولىنداعى قۇلشىنىسىن قولدايدى، كونگومەن بىرگە ءارقايسى سالاداعى قارىم - قاتىناس جاساپ ۇلگى الۋدى جانە ءوزارا تيىمدىلىك جەتكىزىپ، سەلبەستىك ورناتۋدى ۇزدىكسىز تەرەڭدەتىپ، كونگونىڭ بايلىق ابزالدىلىعىن دامۋ ابزالدىلىعىنا بارىنشا ويداعىداي اينالدىرۋىنا كومەكتەسىپ، كونگونىڭ 2030 - جىلعا بارعاندا بازارى جاڭادان گۇلدەنگەن مەملەكەت ورناتۋ نىساناسىن ىسكە اسىرۋىن جەبەۋدى قالايدى. جۇڭگو كونگونىڭ بەيبىتشىلىكتى قورعاۋ، ورنىقتىلىقتى قورعاۋ قابىلەتىن جوعارىلاتۋىنا ۇزدىكسىز كومەكتەسىپ، ب م ۇ - نىڭ كونگو دەموكراتيالىق رەسپۋبليكاسىنداعى بەيبىتشىلىكتى قورعاۋ قيمىلىنا بەلسەنە ات سالىسۋدى قالايدى.
  چيبالا مىنانى ءبىلدىردى: جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى جۇڭگونىڭ افريكاعا باسا ءمان بەرەتىندىگىن تولىق ايگىلەپ، افريكا مەن جۇڭگونىڭ تاعدىرلاس ورتاق تۇلعا ورناتا الاتىندىعىن دالەلدەدى. افريكا مەن جۇڭگونىڭ سەلبەستىگى جوعارى دەڭگەيدەگى ءوزارا تولىقتايتىن، ءوزارا تيىمدىلىك جەتكىزەتىن، تەڭ يگىلىككە كەنەلەتىن سەلبەستىك. كونگو قاشاندا جۇڭگومەن قارىم - قاتىناسقا كوڭىل بولەدى، جۇڭگونىڭ كونگونىڭ ۇلت تاۋەلسىزدىگى مەن مەملەكەتتى دامىتۋىنا كورسەتكەن قولداۋىنا، كوپ جاقتى قۇرىلىمداردا ادىلەتتى جاقتاعانىنا العىس ايتادى. كونگو جۇڭگومەن كەڭ سالالى سەلبەستىكتى تەرەڭدەتۋدى قالايدى، «ءبىر بەلدەۋ، ءبىر جولدى» بىرگە قۇرۋعا قولداۋ كورسەتەدى .
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.

بەرىپ كەت ورامالىڭدى

دوستار

الىستاعى اق ەركە