جاڭا حابارلار

شي جينپيڭ بۋرۋنديدىڭ ەكىنشى ورىنباسار زۇڭتۇڭى بۋتورەمەن كەزدەستى

    كەلۋ قاينارى: شينجياڭ گازەتى    2018-09-08 22:50:47  

  شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى (ءتىلشى ليۋ حۋا). مەملەكەت ءتوراعاسى شي جينپيڭ 9 - ايدىڭ 6 - كۇنى حالىق سارايىندا بۋرۋنديدىڭ ەكىنشى ورىنباسار زۇڭتۇڭى بۋتورەمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو - بۋرۋندي قارىم - قاتىناسى تاريحتاعى ەڭ جاقسى مەزگىلدە تۇر، جۇڭگو بۋرۋنديدىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس قاراستىرۋىن بەلسەنە قولدايدى، ب م ۇ سياقتى كوپ جاقتى ورتادا بۋرۋنديدىڭ زاڭدى ۇقىق - مۇددەسىن ۇزبەي قورعاۋدى قالايدى. جۇڭگو بۋرۋنديدىڭ «ءبىر بەلدەۋ، ءبىر جول» قۇرىلىسىنا بەلسەنە قاتىناسۋىن قارسى الادى، بۋرۋنديمەن سەلبەسە قۇلشىنىپ، نەگىزدىك قۇرىلعىلار قۇرىلىسى، ەنەرگيا، اۋىل شارۋاشىلىعى سياقتى سالالاردا ءوزارا تيىمدىلىك جاساپ، سەلبەسۋدى ىشكەرىلەي ىلگەرىلەتىپ، بۋرۋنديدىڭ استىق ءوندىرىس قۋاتىن ارتتىرۋىنا كومەكتەسىپ، بۋرۋنديعا ۇزبەي ەمدەۋ قوسىنىن جىبەرەدى.
  بۋتورە نكۋرۋنزيزا زۇڭتۇڭنىڭ ءتوراعا شي جينپيڭگە جولداعان ىقىلاستى سالەمىن جانە ءتوراعا شي جينپيڭنىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا سويلەگەن سوزىنە بەرگەن جوعارى باعاسىن جەتكىزدى. بۋتورە بىلاي دەدى: بۋرۋندي وتكەندە دە، قازىردە دە جانە بولاشاقتا دا جۇڭگومەن ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا قولداۋ كورسەتۋدى قالايدى. بۋرۋنديدىڭ مەملەكەت دامۋ جوسپارى ءتوراعا شي جينپيڭ جاريالاعان «سەگىز ءىرى ارەكەتپەن» كوپ جاقتان قابىسادى، بۋرۋندي «ءبىر بەلدەۋ، ءبىر جولدى» بىرگە قۇرۋعا بەلسەنە قاتىناسىپ، جۇڭگومەن نەگىزدىك قۇرىلعىلار، ەنەرگيا، كەن، ەلەكتر ستانسياسى، حالىق تۇرمىسى سياقتى سالالارداعى سەلبەستىكتى كۇشەيتۋدى قالايدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.


بەرىپ كەت ورامالىڭدى

دوستار

الىستاعى اق ەركە