جاڭا حابارلار

پارتيانىڭ ادال قورعاۋشىسى چىن شوۋچاڭ

    كەلۋ قاينارى: شينجياڭ حالىق راديو ىستانسياسى    2018-09-09 13:46:20  
چىن شوۋچاڭ 1906-جىلى 11-ايدا جىجياڭ ولكەسىنىڭ جىنحاي رايونىندا دۇنيەگە كەلگەن. 1922-جىلى اتا مەكەنىنەن الىستاپ، جىڭجوۋ تەلەگراف مەكەمەسىنە بارىپ قىزمەت ىستەيدى.
1923-جىلى 2-ايدا، بەيجيڭ-حانكوۋ تەمىرجول جۇمىسشىلارىنىڭ جۇمىس تاستاۋ قيمىلى كەزىندە، چىن شوۋچاڭ تەلەگراف مەكەمەسىنىڭ جۇمىسشى-قىزمەتكەرلەرىن تەمىرجول جۇمىسشىلارىنىڭ شايقاسىن قولداۋعا بەلسەنە قاتىناسىپ جانە ونى ۇيىمداستىرادى. 1924-جىلى جۇڭگو كوممۋنيستىك پارتياسىنا مۇشەسى بولادى.
زور توڭكەرىس جەڭىلىسكە ۇشىراعاننان كەيىن، چىن شوۋچاڭ شاڭحايعا بارىپ، ىلگەرىندى-كەيىندى ج ك پ ورتالىق كوميتەتى ورگانىنىڭ حاتشىسى، ج ك پ شاڭحاي قالا اكىمشىلىگى باس جۇمىسشى ۇيىمى پارتيا-وداق كوميتەتىنىڭ شۋجيى، ج ك پ جياڭسۋ ولكەلىك كوميتەتتىڭ مۇشەسى، ج ك پ شاڭحاي باتىس رايونى كوميتەتىنىڭ شۋجيى مىندەتتەردى وتەيدى. 1928-جىلى كۇزدە، ج ك پ ورتالىق كوميتەتى ەرەكشە بولىمىنە بارىپ، مالىمەت توپتاۋ جانە پارتيانىڭ قۇپيا ۇيىمدارىمەن بايلانىس جاساۋ قىزمەتىن ىستەدى.
1929-جىلى چىن شوۋچاڭ سوۆەت وداعىنا ۇيرەنۋگە جىبەرىلەدى. 1931-جىلى 12-ايدا، ول ورتالىق توڭكەرىستىك بازاعا بارىپ قىزمەت ىستەدى. 1932-جىلى 1-ايدا، جۇڭحۋا مەملەكەتتىك باس جۇمىسشى ۇيىمىنىڭ ورتالىق توڭكەرىستىك رايونىنىڭ اتقارۋ مەكەمەسىن ۇيىمداستىرىپ قۇرۋعا قاتىناسىپ، پارتيا-وداق كوميتەتىنىڭ شۋجيى، مەڭگەرۋشى بولادى. 1933-جىلى 2-ايدا، ج ك پ فۋجيان ولكەلىك كوميتەتتىڭ شۋجيى، 1933-جىلى 7-ايدا ج ك پ حۋنان-حۋبي-جياڭشي ولكەلىك كوميتەتتىڭ شۋجيى، قوسىمشا حۋنان-حۋبي-جياڭشي اسكەري رايونىنىڭ ساياسي كوميسسارى مىندەتىنە تاعايىندالادى، 1934-جىلى 2-ايدا جۇڭحۋا سوۆەتتىك رەسپۋبليكاسى ورتالىق اتقارۋ كوميتەتىنىڭ مۇشەسى، سول جىلى 6-ايدا قوسىمشا قىزىل ارميا 16-شىسىنىڭ ساياسي كوميسسارى بولادى.
1934-جىلى 10-ايدا، ورتالىق قىزىل ارميانىڭ نەگىزگى كۇشتەرى ۇزاق جورىققا اتتانعاننان كەيىن، چىن شوۋچاڭ ورتالىق توڭكەرىس بازادا قالىپ، تاباندىلىقپەن شايقاس جاسايدى.
1934-جىلى 11-ايدا، چىن شوۋچاڭنىڭ قولباسىلىعىنداعى اسكەري قوسىپ، حىبەيدىڭ چۇڭياڭ اۋدانى مەن توڭچىڭ اۋدانىنىڭ ارالىعىنداعى جولبارىس ۇڭگىرىندە جاسىرىنىپ جاتقان گومينداڭ ارمياسىنا جولىعىپ، باقىتقا قارسى اۋىر جارالانىپ، چۇڭياڭ اۋدانىنىڭ حىپيڭ قىستاعىندا نە ءبارى 28 جاسىندا ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە