جاڭا حابارلار

بيىلعى «تيانشان نوقاتى ساۋىتى» اتىنداعى باۋ-باقشالى موريداعى جارىم ارالىق مارافون جارىسى وتكىزىلدى

    كەلۋ قاينارى: شينجياڭ حالىق راديو ىستانسياسى    2018-09-10 16:07:43  

ستانسيامىزدىڭ ءتىلشىسى جيڭ لەيدىڭ، پراكتيكانت ءتىلشى لي مىڭنىڭ جانە سانجى راديو ستانسياسىنىڭ ءتىلشىسى جۋ ليجۇننىڭ حابارى: 2018-جىلعى «تيانشان نوقاتى ساۋىتى» اتىنداعى باۋ-باقشالى موريداعى جارىم ارالىق مارافون جارىسى 9-ايدىڭ 9-كۇنى موريدا وتكىزىلىپ، ەلىمىزدىڭ جەر-جەرىنەن ءبىر مىڭ 500 گە جۋىق جۇگىرۋ اۋەسكەرىن جارىسقا قاتىناسۋعا باۋرادى.
تۇستەن بۇرىن ساعات 10 دا، جارىس باستالۋ بەلگىسى بەرىلگەننەن كەيىن، جەر-جەردەن بارعان، تۇرلىشە جاستاعى شەبەرلەر موري وزەنى الاڭىنان شىعىپ، جوبالانعان جارىس جولىن بويلاپ جۇگىردى، ايگىلى ۇزاققا جۇگىرۋ شەبەرى سۇن يىڭجيە باستاپ جۇگىردى. جارىس جولىنىڭ ەكى جاعالاۋى كوركەم ەگىس اتىزى كورىنىسى، قاراپايىم ۇلتتىق سالت-سانا قىستاعى ۇلگىسىندە اشەكەيلەنگە قىستاقتار بولسا، تاعى جەرگىلىكتى ورىنداعى ەگىنشى-مالشىلار وزدىكتەرىنەن ۇيىمداسىپ ءماشىراپ، قاراجورعا، ياڭگى ءبيىن بيلەپ، بارابان اترەتىن، شابىت بەرۋ اترەتىن قۇراپ، جارىسقا ءسان قوستى. سۇڭ يىڭجيە بىلاي دەدى: مۇنداي تاماشا اۋارايى، جانعا جايلى اۋا، كوركەم جارىس جولىندا شەبەرلەر ءوز كەرەمەتىن ايگىلەيدى. جارىس وتكىزۋ ارقىلى، ەلىمىزدىڭ جەر-جەرىندەگى اناعۇرلىم كوپ شەبەردىڭ موريعا كەلىپ، موريدىڭ ساياحات مادەنيەتىن سەزىنۋىنە مۇمكىندىك جاسايمىز.
وسى رەتكى جارىس ەر-ايەل جارىم ارالىق مارافون جارىسى، ءسىزدى قىزىقتىرعان مارافون جارىسى سياقتى 4 جارىس تۇرىنە ءبولىندى. قيان-كەسكى جارىستان كەيىن، ءدوربىلجىن اۋداندىق ورتا مەكتەپتىڭ دەنە-تاربيە وقىتۋشىسى رايحان يماش قىزى ايەلدەر جارىم ارالىق مارافون جارىسىنىڭ اعا جۇلدەگەرلىگىن جەڭىپ الدى. ول: «ءۇش-ءتورت جىلدىڭ الدىندا، 100 كيلومەترلىك مارافون جارىسىنا قاتىناسقام، مەنىڭشە موري اۋدانى مارافون جارىسىن وتكىزۋدىڭ تاماشا جەرى ەكەن. وسى ارانىڭ كورىنىسى كوركەم، تاماشا جارىس ورىنى بار، بۇدان بىلاي دا وسى تەكتەس جارىستى كوپتەپ وتكىزىپ، ءبىزدىڭ ۇنەمى كەلىپ تۇرۋىمىزعا وراي جاراتۋىن ءۇمىت ەتەمىن،-دەدى».

سوڭعى جىلداردان بەرى، موري اۋدانى «مادەنيەت، دەنە-تاربيە جانە ساياحات» فورماسىمەن، ساياحات كاسىبىن بارىنشا دامىتىپ، حالىقتىق دەنە شىنىقتىرۋ قيمىلىن جەبەۋدەن سىرت، مادەنيەت، دەنە-تاربيە، ساياحات كاسىبىنىڭ ىشكەرىلەي توعىسىپ دامۋىن ىلگەرىلەتتى. موري اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ايگۇل ءشارىپقان قىزى بىلاي دەدى: بيىلدان باستاپ، موري اۋدانى مارافون جارىسىن ۇزاق مەرزىمدىك، تيىپتىك جارىس رەتىندە ىلگەرىلەتىپ، ساياحاتشىلاردىڭ جارىسقا قاتىناسۋدان سىرت، تاعى موريدى ارالاپ، وسى ارانىڭ كوركەم كورىنسىن تاماشالاپ، جەرگىلىكتى تاعامدارىنىڭ ءدامىن تاتۋىنا مۇمكىندىك جاساپ، حالىقتى اۋقاتتاندىرىپ اۋداندى قۇدىرەتتەندىرۋدى ساياحاتپەن ۇشتاستىرۋ تەبىنىن بارىنشا ارتتىرادى.


بەرىپ كەت ورامالىڭدى

دوستار

الىستاعى اق ەركە