جاڭا حابارلار

قاعىلىق اۋدانى جاڭعاق كاسىبىن ۇلعايتىپ، قۇدىرەتتەندىرىپ، ديقانداردىڭ قالتاسىن قامپيتتى

    كەلۋ قاينارى: شينجياڭ حالىق راديو ىستانسياسى    2018-09-10 16:15:21  

ستانسيامىزدىڭ ءتىلشسى سۇن ۋي دىڭ حابارى: سوڭعى جىلدارى، قاعىلىق اۋدانى ساپالى، جوعارى ءونىمدى جاڭعاق ەگۋ بازاسىنا سۇيەنىپ، جاڭعاق كاسىبنىڭ قۇنتتاپ مانەرلەۋ قۋاتىن ۇزدىكسىز جوعارىلاتىپ، جاڭعاق كاسىبىنىڭ جالپى كاسىپ تىزبەگىن كولەمدەندىرىپ، ابزالداندىردى. بۇگىنگى كۇنى، جاڭعاق قاعىلىق اۋدانىنداعى ديقانداردىڭ كىرىسىن ارتتىرىپ، اۋقاتتانۋعا باستايتىن «جاسىل ءتۇستى بانكەگە » اينالدى.
التىن كۇزدىڭ ارايى توگىلگەن 9-ايدا، قاعىلىق اۋدانىنىڭ جاڭعاعى مول ءونىم الاتىن مەزگىلگە ءوتتى. بىرنەشە كۇننەن بەرى، قاعىلىق اۋدانى جەتىملىقۇم اۋىلى گۇلباع قىستاعىنداعى جاڭعاق ەگۋشىلەر ءبىر-بىرىنە كومەكتەسىپ جاڭعاق ءۇزىسىپ، قاربالاستىقتان مۇرىندارىنا سۋ جەتپەدى. قىستاق تۇرعىنى نيازگۇل ماحمۇت تىلشىگە، قاشقار ايماعى بەلگىلەگەن جاڭعاقتىڭ ەڭ تومەنگى قورعاپ ساتىپ الۋعا جەتەكشىلىك ەتۋ باعاسى بويىنشا ەسەپتەگەندە، بيىل جاڭعاقتان تۇسەتىن پايدانى ءبىر ەسەگە تاياۋ ارتتىرا الاتىندىعىن ايتا كەلىپ بىلاي دەدى: «قىستاعىمىز جاڭعاق مانەرلەۋ زاۆودىن قۇردى، ءار كۇنگى ۇزگەن جاڭعاقتى سول كۇنى ساتىپ جاتىرمىز. ۇكىمەت جاڭعاقتى ساتىپ الۋدى قورعاۋ باعاسىن شىعاردى، بۇل وتكەن جىلعى باعادان ءبىر ەسە جوعارى، وتباسىمىزدىڭ كىرىسى دە ەكى ەسە ارتتى».
قاشقار ايماعىنىڭ جاڭعاقتى ەڭ تومەنگى قورعاپ ساتىپ الۋعا جەتەكشىلىك ەتۋ باعاسىنا نەگىزدەلگەندە، ساپاسى ەڭ جاقسى جاڭعاقتىڭ ءار كيلوگرامىنىڭ ەڭ تومەنگى ساتىپ الۋ باعاسى 15 يۋان، ساپاسى ەڭ ناشارىنىڭ ءار كيلوگرامىنىڭ باعاسى 10 يۋان بولسا، جاسىل قابىقتى جاڭعاقتىڭ كيلوگرامىنىڭ باعاسى 3 يۋاننان تومەن بولمايدى، ال جاڭعاق ءدانىنىڭ ءار كيلوگرامىنىڭ ەڭ تومەنگى قورعاپ ساتىپ الۋ باعاسى 30 يۋاننان تومەن بولمايدى. وسى بويىنشا ەسەپتەگەندە، بيىل قاعىلىق اۋدانىنداعى جاڭعاقتىڭ ءونىم قۇنى ءبىر ميلليارد 400 ميلليون يۋاننان اسادى، جاڭعاق ەگۋشىلەردىڭ كىسى باسىنا تۋرا كەلەتىن كىرىسى دە 4 مىڭ 500 يۋاننان اسىپ، وتكەن جىلداعىداعى كىسى باسىندىق كىرىستەن 830 يۋاننان جوعارى بولادى. قاعىلىق اۋداندىق پارتكومنىڭ ورىنباسار شۋجيى لياڭ يۇڭجۇن تانىستىرا كەلىپ بىلاي دەدى: «جاڭعاقتىڭ بازارداعى باعاسى ءبىز شىعارعان ەڭ تومەنگى قورعاۋ باعاسىنان تومەن بولسا، ۇكىمەت دەرەۋ تومەنگى باعانى قورعاۋ باعاسى بويىنشا ساتىپ الۋدى ىسكە قوسىپ، قاعىلىق اۋدانىنداعى جاڭعاقتىڭ ءار كيلوگرامىنىڭ 11 يۋاننان تومەن بولماۋعا كەپىلدىك ەتەدى. سونىمەن بىرگە، قاعىلىق اۋدانى بيىل تاعى 1-دارەجەلى جاڭعاقتىڭ ءار كيلوگرامىن 25 يۋاننان ساتىپ الۋ ساياساتىن ارناۋلى شىعارىپ، بۇقارانى ءتۇيىندى تۇردە جاڭعاقتى تۇرگە، دارەجەگە ايىرىپ ساتۋعا باستايدى».
سونىمەن بىرگە، قاعىلىق اۋدانى كاسىپورىنداردى ءارقايسى اۋىل-قىستاقتا شاعىن زاۆود قۇرۋعا بەلسەنە باستاپ، تۇتاس اۋدان كولەمىندە جەمىس اعاشى كاسىبىنىڭ قۇنىتتاپ مانەرلەۋ باعىتىنا قاراي دامۋىن ىلگەرىلەتتى. قازىر، ءار قايسى اۋىل-قىستاقتاعى وسى «شاعىن زاۆودتار» ءتۇرلى مانەرلەۋ ءتاسىلى ارقىلى، جاڭعاقتىڭ ءار كيلوگرامنىڭ باعاسىن 5 يۋاننان 8 يۋانعا جوعارلاتىپ، جاڭعاقتى ءداستۇرلى كەپتىرۋدەگى ءىشىنارا قينشىلىقتاردى شەشۋدەن سىرت، جاقىن ماڭداعى قىستاق ديحاندارىن كاسىپتەندىردى. قاعىلىق اۋدانى جەتىلىقۇم اۋىلىنداعى جاڭعاق شاعىن زاۆودتىنىڭ جۇمىسشىسى پاتيما ماحمۇت: «ەڭبەكاقىمىز نەگىزىنەن مىڭ 500 دە ءبىر مىڭ 800 يۋان ارالىعىندا، زاۆود ءۇيىمىزدىڭ قاسىندا، ءار كۇنى سەگىز ساعات قىزمەت ىستەيمىز، ءۇي شارۋاسىن ىستەۋدەن سىرت، تاعى وسى اراعا كەلىپ قىزمەت ىستەپ اقشا تابامىز»،-دەدى.
قازىر، قاعىلىق اۋدانىنداعى جەمىس اعاشى ەگىلگەن جەردىڭ اۋماعى 580 مىڭ مۋعا جەتىپ، ءونىم مولشەرى 2010-جىلعى 50 مىڭ توننادان 120 مىڭ تونناعا ارتىپ، ءونىم مولشەرى ۇزبەي 8 جىل تاريحتاعى تىڭ دەڭگەيدى جاراتتى. لياڭ يۇڭجۇن بىلاي دەدى: «قاعىلىق اۋدانىنداعى جاڭعاق كاسىبى قازىر ءبىرىنشى، ەكىنشى، ءۇشىنشى كاسىپ ءوزارا ۇشتاسقان كەمەلدى كاسىپ تىزبەگىن قالىپتاستىرىپ، جاڭعاقتى مانەرلەۋدىڭ تۇتاس بارىسىن ورىندادى. بيىل ساۋداگەر شاقىرىپ قارجى ەنگىزۋ ارقىلى، شينجياڭ جەمىس كاسىبى توبىن ەنگىزىپ، 120 ميلليون يۋان قارجى قوسىپ، قاعىلىق اۋدانىنان شينجياڭ جاڭعاق ساۋدا ورتالىعىن قۇرىپ، قاعىلىق اۋدانىنىڭ جاڭعاق بازارىن سىرتقا بەتالدىرۋعا باستايمىز».


بەرىپ كەت ورامالىڭدى

دوستار

الىستاعى اق ەركە