جاڭا حابارلار

«بانكە مەن باجىنىڭ ءبىرىن-ءبىرى جەبەۋى» ـــــ سەنىمدى كاسىپورىنداردىڭ قارجى اينالىمى ونىمدىلىگىن مۇمكىندىگىنشە جوعارلاتتى

    كەلۋ قاينارى: شينجياڭ حالىق راديو ىستانسياسى    2018-09-10 16:16:08  
ستانسيامىزدىڭ ءتىلشىسى ديڭ شياۋداننىڭ حابارى: مەملەكەتتىك باجى باس مەكەمەسىنىڭ شينجياڭ باجى مەكەمەسى «بانكە مەن باجىنىڭ ءبىرىن-ءبىرى جەبەۋى» ارقىلى، بانكە مەن كاسىپورىن اراسىنا دانەكەر بولىپ، باجى تاپسىرۋداعى سەنىمدىلىگىن بانكەدەن قارىز اقشا الۋداعى سەنىمدىلىككە اينالدىرىپ، سەنىمدى كاسىپورىنداردىڭ قارجى اينالىمى ونىمدىلىگىن مۇمكىندىگىنشە جوعارلاتتى.
جاقىندا، ءۇرىمجى شۇي-تىڭ كاسىپتى دامىتۋ شەكتى سەرىكتەستىگىنىڭ باجى تاپسىرۋداعى سەنىمدىلىك دارەجەسى جوعارى بولعاندىقتان، بانكەدەن قارىز اقشا الۋعا ءساتتى ءوتىنىش بەرىپ، سەرىكتەستىكتىڭ قيىنشىلىق قىسپاعىندا قالعان جاعدايىن وڭادى. سەرىكتەستىكتىڭ باس مەڭگەرۋشىسى جاۋ جى-يۋان قۋانىشتى سەزىممەن تىلشىگە، سەرىكتەستىك باجى تاراۋلارى جاعىنان «2018-جىلعى باجى تاپسىرۋداعى A دارەجەلى سەنىمدى كاسىپورىن» بولىپ باعالانعانىن، 8-ايدىڭ 21-كۇنى «توراپتاعى بانكە مەن باجىنىڭ ءبىرىن-ءبىرى جەبەۋ تەكشەسى» ارقىلى بانكەدەن قارىز اقشا الۋ ءوتىنىشىن بەرىپ، سول كۇنى ءبىر ميلليون يۋان قارىز اقشا العانىن ايتا كەلىپ، بىلاي دەدى: «وسى قارجى مەن جونىنەن العاندا، قينشىلىق قىسپاعىندا قالعاندا بەرىلگەن ۇلكەن كومەك بولدى، مۇنى سەرىكتەستىكتىڭ نىسانىنا جۇمسادىق، كاسىپورىننىڭ دامۋىنا سەپتىگى وتە زور بولدى. ۇزاق ۋاقىتتان بەرى، زاڭدى تيجارات جۇرگىزىپ، ەرەجەگە ساي باجى تاپسىرىپ، سەنىمدىلىگىمىزدى ويداعىداي قورعادىق، ال قازىر سونىڭ پايداسىن كوردىك».
2008-جىلدان باستاپ، رايونىمىزدىڭ باجى تاراۋلارى جىل سايىن رايونىمىزداعى باجى تاپسىراتىن كاسىپورىنداردىڭ سول جىلعى باجى تاپسىرۋ احۋالى سياقتى ينفورماتسيالارعا ساي كاسىپورىننىڭ سەنىمدىلىگىن باعالادى. 2014-جىلدان باستاپ، باجى تاراۋى ادام كۇشى مەن جابدىقتى ۇشتاستىرۋ فورماسى ارقىلى، كاسىپورىنداردىڭ باجى تاپسىرۋداعى سەنىمدىلىگىن بۇرىنعىدان دا عىلىمي تاسىلمەن ءادىل باعالادى، ءارى ىقپالدى توراپ بەكەتى جانە رايونىمىزداعى بارلىق باجى ىستەرىن ءبىتىرۋ قىزمەت ەتۋ زالى ارقىلى قوعامعا اشىق جاريالادى، سونىمەن قاتار باجى تاپسىرۋدا A دارەجەلى سەنىمدىلىككە يە بولعان كاسىپورىندارعا جاسىل ءداليز اشۋ، جاي تالونمەن قامداۋدى شەكتەمەۋ سياقتى ءتيىمدى قىزمەت ەتۋ شاراسىن اتقاردى. 2015-جىلى 4-ايدا، رايونىمىزدىڭ باجى تاراۋلارى بانكە ىستەرىن باقىلاۋ تاراۋىمەن، ساۋدا بانكەلەرىمەن بىرلەسىپ، «سەنىمدىلىگىن ءوزارا مويىنداۋ، بانكە مەن باجىنىڭ ءبىرىن-ءبىرى جەبەۋى» سياقتى سەنىمدىلىگىن ارتتىرۋ قىزمەت ەتۋدى جولعا قويىپ، باجى تاپسىرۋداعى سەنىمدى كاسىپورىنداردى باجى تاپسىرۋداعى سەنىمدىلىگى ارقىلى، «بانكە مەن باجىنىڭ ءبىرىن-ءبىرى جەبەۋى» كەلىسىمىنە قول قويىسقان 14 بانكەدەن كەپىلسىز سەنىمدى قارىز اقشا الۋعا ءوتىنىش بەرۋىنە مۇمكىندىك جاسادى. بيىل مەملەكەتتىك باجى باس مەكەمەسىنىڭ شينجياڭ باجى مەكەسى تاعى قۇرىلىس بانكەسىنىڭ شينجياڭداعى بولىمشەسى جانە ءۇرىمجى بانكەسىمەن «توراپتا باجى مەن بانكەنىڭ ءبىرىن-ءبىرى جەبەۋى تەكشەسىن» قۇردى، سونىمەن سەنىمدى كاسىپورىندار سەرىكتەستىكتە وتىرىپ-اق، تەز ارادا قارىز اقشا الۋعا ءوتىنىش بەرە الاتىن بولدى.
بيىل 6-ايدىڭ سوڭىنا دەيىن، رايونىمىزدىڭ باجى تاراۋلارى بانكە ىستەرىن باقىلاۋ تاراۋىنا ادالدىقپەن باجى تاپسىرعان 116 مىڭنان ارتىق ادامنىڭ سەنىمدىلىگىن باعالاۋ ينفورماتسياسىن جىبەرىپ، جيىنى ءبىر مىڭ 652 سەنىمدى قارىز اقشا تالونىن جازىپ، 3 ميلليارد 463 ميلليون يۋان سەنىمدى قارىز اقشا بوساتتى، مۇندا شاعىن-ۇساق كاسىپورىندارعا ءبىر مىڭ 537 سەنىمدى قارىز اقشا تالونىن جازىپ، 859 ميلليون يۋان قارىز اقشا بوساتتى. مەملەكەتتىك باجى باس مەكەمەسى شينجياڭ باجى مەكەمەسىنىڭ باجى تاپسىرۋعا قىزمەت ەتۋ باسقارماسىنىڭ ورىنباسار باستىعى شۇي شياۋبين بىلاي دەدى: «ءبىز تاعى توراپتاعى بانكە مەن باجى سالاسى بويىنشا ءبىر-ءبىرىمىزدى جەبەدىك، 8-ايدىڭ سوڭىنا دەيىن، ءۇرىمجى بانكەسى 108 كاسىپورىنعا جيىنى 30 ميلليون يۋاننان ارتىق قارىز اقشا تاراتسا، قۇرىلىس بانكەسى 2 مىڭ 100 دەن ارتىق كاسىپورىنعا ءبىر ميلليارد 50 ميلليون يۋان قارىز اقشا تاراتتى. مۇنداي سەنىمدىلىكتىڭ دالدىك دارەجەسى وتە جوعارى، مۇندا قىزمەتكەرلەر ارلى-بەرلى شاپقىلامايدى، تەك سەنىمدىلىك ينفورماتسياسى عانا جوتكەپ بەرىلەدى، مۇنىڭ سەنىمدى قوعام قۇرۋعا اسا زور پايداسى بار».

بەرىپ كەت ورامالىڭدى

دوستار

الىستاعى اق ەركە