جاڭا حابارلار

شي جينپيڭ 20 - كەزەكتى جۇڭگو حالىقارالىق قارجى قوسۋ - ساۋدا كەڭەسىنە قۇتتىقتاۋ حاتىن جولدادى

    كەلۋ قاينارى: شينجياڭ گازەتى    2018-09-10 17:38:43  

 شينحۋا اگەنتتىگىنىڭ 9 - ايدىڭ 8 - كۇنى بەيجيڭنەن بەرگەن حابارى. 20 - كەزەكتى جۇڭگو حالىقارالىق قارجى قوسۋ - ساۋدا كەڭەسى 9 - ايدىڭ 8 - كۇنى فۋجيان ولكەسىنىڭ شيامىن قالاسىندا اشىلدى، مەملەكەت ءتوراعاسى شي جينپيڭ قارجى قوسۋ - ساۋدا كەڭەسىنە قۇتتىقتاۋ حاتىن جولدادى.
  شي جينپيڭ مىنالاردى اتاپ كورسەتتى: 20 نەشە جىلدان بەرى، جۇڭگو حالىقارالىق قارجى قوسۋ - ساۋدا كەڭەسى قوس باعىتتا قارجى قوسۋدى جەبەۋ، بەدەلدى ينفورماتسيالاردى جاريالاۋ جانە قارجى قوسۋ بەتالىسىن تالقىلاۋ سىندى ءۇش ۇلكەن تۇعىردى ورناتۋعا كۇش سالىپ، دۇنيە جۇزىندە ەڭ ىقپالعا يە حالىقارالىق قارجى قوسۋ جينالىستارىنىڭ بىرىنە اينالىپ، ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنا بەلسەندى ۇلەس قوستى.
  شي جينپيڭ مىنالاردى باسا دارىپتەدى: بيىل رەفورما جاساپ، ەسىك اشۋدىڭ 40 جىلدىعى. جۇڭگونىڭ ەسىگى سىرتقا بارعان سايىن ايقارا اشىلا بەرەدى، قارجى قوسۋ - ساۋدا كەڭەسىنىڭ قوس باعىتتا قارجى قوسۋدى جەبەۋدى نەگىزگى تاقىرىپ ەتىپ، دەن قويا جۇمىس جۇرگىزىپ، حالىقارالانعان، ارنايىلانعان، ايگىلى ماركالاسقان بىرەگەي ونىمدەردى جاراتىپ، جوعارى دەڭگەيدە تىڭنان سىرتقا ەسىك اشۋدىڭ ماڭىزدى تۇعىرىن ورناتىپ، جالپى بەتتىك ەسىك اشۋدىڭ جاڭا جاعدايىن قالىپتاستىرۋدى ىلگەرىلەتۋدە، اشىق الەمدىك ەكونوميكانى قۇرۋدا بەلسەندى رولىن ساۋلەلەندىرۋىن ءۇمىت ەتەمىن.


بەرىپ كەت ورامالىڭدى

دوستار

الىستاعى اق ەركە