جاڭا حابارلار

يۇيلۇڭۋان ءشول دالا ساياحات كورىنىس رايونى ساياحاتشىلاردى باۋرادى

    كەلۋ قاينارى: شينجياڭ حالىق راديو ىستانسياسى    2018-09-11 11:07:15  

ستانسيامىزدىڭ ءتىلشىسى ليۋ چياڭنىڭ حابارى: لوپ اۋدانىنداعى يۇيلۇڭۋان ءشول دالا ساياحات كورىنىس رايونىندا كول مەن توڭىرەكتەگى ءشول دالا توعىسىپ ءبىر تۇلعاعا اينالىپ، كول بويىنا قالىڭ وسىمدىك جامىلعىسى ءوسىپ، وزگەشە تابيعات كورىنىسى ەلىمىزدىڭ ءىشى-سىرتىنداعى ساياحاتشىلاردى بارىپ تاماشالاۋعا باۋرادى.
ساياحاتشىلار ءشول دالا موتوتسيكلىنە ءمىنىپ دالادا ەمىن-ەركىن زىمىراپ، اتقا ءمىنىپ شاپقىلادى. يۇيلۇڭۋان ءشول دالا ساياحات كورىنىس رايونى «ءشول دالا، جاسىل القاپ، كولدى» ىشكەرلەي توعىستىرىپ، ىشكى ولكەدەن كەلگەن ساياحاتشىلارعا ەرەكشە ساياحات سەرىن بەردى. شانشيدان كەلگەن جاۋ جياحۇي اتقا ءمىنىپ كورىنىس رايونىندا ساياحاتتادى، ول كوز الدىنداعى التىنداي جارقىراپ جاتقان ساپ-سارى قۇم، وزەن مەن جاسىل القاپ جانە جەلمەن بىرگە تەربەلگەن قامىس، جىڭعىل ورمانى سياقتى كورىنىستەرگە ءتانتى بولدى.
جاۋ جياحۇي: پا شىركىن، نەدەگەن راحات دەسەڭىزشى.
ات دايىنداۋشى: ات شاپقاندا ەڭكەيىڭكىرەپ وتىرۋ كەرەك.
جاۋ جياحۇي: بۇل اراعا تۇڭعىش رەت كەلۋىم، بۇل جەر وتە جاقسى ەكەن، تۇڭعىش رەت اتقا ءمىنىپ جادىراپ قالدىم»،-دەدى.
ساياحاتشىلاردىڭ ءوزىنىڭ اتىن ءمىنىپ ءشول دالادا قۇستاي ۇشقانىن كورگەندە كورىنىس رايونىنداعى بايگە الاڭىن باسقاراتىن قادىر راحىمەت ەرەسەن قۋانىپ: « وتكەن جىلى ۇيىمدەگى ءتورت اتتى يۇيلۇڭۋان ساياحات كورىنىس رايونىنا اكەلىپ، اتقا ءمىنۋ الاڭىن اشتىم، قازىر ساياحاتشىلار بارعان سايىن كوبەيۋدە، مەن تاعى 8 ات ساتىپ الدىم، ساياحاتتىڭ قاۋىرت كەزىندە كۇندىك كىرىسىم ءبىر مىڭ 500 يۋانداي بولادى»،-دەدى.
يۇيلۇڭۋان ءشول دالا ساياحات كورىنىس رايونى لوپ اۋدانىنان 13 كيلومەتر جەردە، جەر اۋماعى 3 مىڭ شارشى مەتردەن اسادى، بۇل ارادا بالىق اۋلاۋعا، تور تارتىلعان كوپىردە تەربەلەۋگە، اتقا مىنۋگە، ءشول دالا موتوتسيكىلىن جۇرگىزۋگە بولادى. ءار جىلى 6-ايدان 10-ايعا دەيىن، جەر-جەردەگى ساياحاتشىلاردىڭ اياعى ۇزىلمەيدى. جيناننان كەلگەن ساياحاتشى ۋ شىڭيۋان: «يۇيلۇڭۋان تاماشا جەر، بۇل ارادا قۇمدا سىرعۋعا، اتقا مىنۋگە، بالىق اۋلاۋعا بولادى، بالالاردا اسىر سالىپ ويناي الادى. بۇل ارانىڭ بۇدان بىلاي بۇرىنعىدان دا جاقسى اشىلۋىن ءۇمىت ەتەمىز»،-دەدى.
يۇيلۇڭۋان ءشول دالا ساياحات كورىنىس رايونىنىڭ ءار كۇنگى ساياحاتشى قابىلداۋ مولشەرى 500 ادامداي، مەرەكە-مەيرام كەزىندە ساياحاتشىلار 2 مىڭعا تايايدى. لوپ اۋداندىق ساياحات مەكەمەسىنىڭ كادرى سۋ يۇي، وسىدان بىلاي كورىنىس رايونىنىڭ قۇمدا ەمدەلۋ، ءشول دالا مونشاسى، بالىق اۋلاۋ، دەمالىپ كوڭىل اشۋ سياقتى ءتۇرلى قىزمەت وتەۋىن بىرتىندەپ كەمەلەندىرەتىندىگىن ايتا كەلىپ: «جەرگىلىكتى ورىننىڭ تاماشا جاراتىلىستىق بايلىعىن، وزگەشە وڭىرلىك ابزالدىلىعىن، قويۋ تاريحىنىڭ، مادەنيەتىنىڭ ىشكى ءمانىن ارقاۋ ەتىپ، ساياحات كاسىبىن تىرەكتى كاسىپكە اينالدىرىپ، ساياحات ارقىلى اۋداندى كوركەيتۋ ستراتەگياسىن كۇش سالا اتقاردىق»،-دەدى.


بەرىپ كەت ورامالىڭدى

دوستار

الىستاعى اق ەركە