جاڭا حابارلار

رايونىمىزدىڭ جەر-جەرى ءتۇرلى فورمادا قۇتتىقتاۋ قيمىلدارىن وتكىزىپ، 34-رەتكى وقىتۋشىلار مەرەكەسىن قۇتتىقتادى

    كەلۋ قاينارى: شينجياڭ حالىق راديو ىستانسياسى    2018-09-11 11:13:40  
جيناق حابار: 9-ايدىڭ 10-كۇنى ـــــ 34-رەتكى وقىتۋشىلار مەرەكەسى. رايونىمىزدىڭ جەر-جەرى فورماسى الۋان ءتۇرلى قۇتتىقتاۋ قيمىلدارىن وتكىزىپ، وقۋ-اعارتۋ شايقاس شەبىندە قاجىرلىلىقپەن قىزمەت ىستەپ جاتقان وقىتۋشىلار مەن وقۋ-اعارتۋ قىزمەتكەرىلەرىنەن مەرەكە بايلانىسىمەن حال سۇرادى جانە ولاردى مەرەكەسىمەن قۇتتىقتادى.
9-ايدىڭ 10-كۇنى تۇستەن بۇرىن، قۇتىبي اۋدانى 34-رەتكى وقىتۋشىلار مەرەكەسىن قۇتتىقتاۋ جانە ماداقتاۋ-سيلاۋ جينالىسىن اشىپ، وقۋ-اعارتۋ قىزمەتىدە جارىققا شىققان وزات مەكتەپتەر، «4 قۇلىققا يە» جاقسى ۇستازدار، سۇيىكتى اۋىل-قىستاق وقىتۋشىلارى سياقتى 4 وزات كولەكتيۆ پەن 80 وزاتتى ماراپاتتادى. قۇتىبي اۋداندىق 5-ورتا مەكتەپ پارتيا ياچەيكاسىنىڭ ورىنباسار شۋجيى جاۋ يان بىلاي دەدى: «بۇدان كەيىنگى قىزمەتتە پارتيا مۇشەسىنىڭ ونەگەلىك رولىن اناعۇرلىم ساۋلەلەندىرىپ، جاپادا الدا، راحاتتا ارتتا بولامىن. وقۋشىلاردى تاربيەلەۋ جاعىندا قىزمەت ءىس جۇزىندىگىمە ۇشتاستىرىپ، يدەيالوگيا شەبىن ءسوز جوق قورعايمىن».
وقىتۋشىلار مەرەكەسى كەلۋ قارساڭىندا، بۇراتالا قالالىق 5-ورتا مەكتەپتەگى بارلىق وقىتۋشى-وقۋشى دەنە-تاربيە الاڭىندا مەرەكەنى قۇتتىقتاۋ قيمىلىن وتكىزدى. مۇندا وقۋشىلار وقىتۋشىلار مەرەكەسى ارناۋلى تاقىربىندا قولونەر بۇيىمدارىن جاساپ، سۋرەت سالدى، ءارى ادەبيەت-كوركەمونەر نومەرلەرىن دەن قويا دايىنداپ، ۇستازدارىنا دەگەن العىس سەزىمىن ءبىلدىردى. بيىل وسى مەكتەپتەن 7 وقىتۋشى زەينەتكە شىعادى ەكەن، بۇل مەرەكە ولاردىڭ مەكتەپتە وتكىزەتىن ەڭ سوڭعى وقىتۋشىلار مەرەكەسى بولماق. نەشە 10 جىلدان بەرى، وسى وقىتۋشىلار قاجىرلى ەڭبەگى مەن قان-تەرى ارقىلى سانسىز شاكىرت تاربيەلەپ، الدا وقۋ-اعارتۋ شەبىنە قيماستىقپەن قوش ايتپاقشى. 5-ورتا مەكتەپتىڭ وقىتۋشىسى باقىت بىلاي دەدى: شاكىرتتەرىمىز قوعامنىڭ ءارقايسى قىزمەت ورىندارىندا ءوز ۇلەستەرىن قوسىپ كەلەدى، ءوز باسىم ايىرىقشا اسەرلەنىپ تۇرمىن، قازىر مەكتەپكە قوش ايتۋ الدىندا تۇرمىن، شىنىمدى ايتسام وقۋشىلارىمدى، مەكتەپتى قيمايمىن،-دەدى.
9-ايدىڭ 9-كۇنى كەشتە، اقسۋ قالاسىنداعى ۋاكىلدىك سيپاتتى كوپتەگەن قۇرىلىستارداعى ەلەكتروندى ەكراندارعا «وقىتۋشىلار مەرەكەسىنىڭ» مەرەيىن اسىرعان كورىنىستەر شىعارىلىپ، عيماراتتاعى ەكرانداردا «وقىتۋشىلارعا العىس ايتۋ مەرەكەسى»، «مۇعالىم جاپا شەكتىڭىز» دەگەن سياقتى مەرەكەلىك تىلەك سوزدەر جازىلىپتى. ارلى-بەرلى وتكەن جۇرگىنشىلەر مۇنى تۇرا قالىپ كورىپ، وقىتۋشىلار جونىندەگى تىلەك سوزدەردى قول تەلەفوندارىمەن ەستەلىككە الىپ جاتتى. ءبىر جۇرگىنشى: ولار بىزگە ءبىلىمدى، قالاي ادام بولۋدى ۇيرەتتى. وقىتۋشىلارعا العىسىمدى بىلدىرەمىن، سىزدەر جاپا شەكتىڭىزدەر، مەرەكەلەرىڭىز مەرەيلى بولسىن،-دەسە، ەندى بىرەۋى: بۇگىن 34-رەتكى وقىتۋشىلار مەرەكەسى، سىزدەردىڭ ءبىز ءۇشىن قانشاما قان-تەر توككەندەرىڭىزدى استە ەسىمنەن شىعارمايمىن، بۇگىنگى وقىتۋشىلار مەرەكەسى بايلانىسىمەن ۇستازدارىما جاپا شەكتىڭىزدەر دەمەكشىمىن.-دەدى. سەيىلدەپ جۇرگەندەردىڭ ىشىندە دە كوپتەگەن وقىتۋشى بار ەكەن، ولار مۇنى كورىپ قاتتى تەبىرەندى. باستاۋىش مەكتەپ وقىتۋشىسى ليۋ جياۋ بىلاي دەدى: ۇلكەندى-كىشىلى كوشەلەردەگى ءتۇرلى ەلەكتروندى ەكىرانداردى كوردىم، بارلىعىنا: «سالەم، مۇعالىم»، «مۇعالىم، مەرەكەڭىز قۇتتى بولسىن»،-دەگەن سوزدەر جازىلىپتى، قاتتى اسەرلەندىم، ەندى عانا مەكتەپ ءبىتىرىپ، اقسۋدىڭ وقۋ-اعارتۋ جۇيەسىنە قادام قويىپ، جاڭا وقىتۋشى بولعانىمعا ەرەكشە تەبىرەنىپ تۇرمىن، بۇل دا مەن جونىنەن زور شابىت بولدى.

بەرىپ كەت ورامالىڭدى

دوستار

الىستاعى اق ەركە