جاڭا حابارلار

تۇرمىستاعى ناشار ادەت دەنساۋلىققا زياندى

    كەلۋ قاينارى: شينجياڭ حالىق راديو ىستانسياسى    2018-09-11 18:59:30  

  .1  تاڭەرتەڭگى استى ىشپەۋ. تاڭەرتەڭگى استى ىشپەگەندە شارشاۋ، جۇرەك ارەكەتى قالىپسىز بولۋ، تەرلەۋ، زەيىنىن شوعىرلاندىرا الماۋدان تىس، مۇنداي جاعداي ۇزاق مەزگىل جالعاسسا، وتكە تاس بايلانادى.
  .2  تۇزدى تاعامداردى كوپ تۇتىنۋ . زەرتتەۋلەرگە نەگىزدەلگەندە، تۇزدى تاعامداردى كوپ جەگەندە قان قىسىمى جوعارى بولۋ جانە جۇرەك اۋرۋىن كەلتىرىپ شىعارۋدان تىس، مي قان تامىرى قاتايىپ، وسىدان بارىپ مي زاقىمدالادى ەكەن.
 . 3  ىستالعان ازىقتىقتاردى جەۋ. ادەتتە ىستالعان ازىق -تۇلىكتەردىڭ قۇرامىندا بينزوپەلين كوپ بولاتىندىقتان   مۇنداي ازىقتىقتاردى كوپ جەگەندە اسقازان راگى مەن  اق قان اۋرۋىن كەلتىرىپ شىعارادى.
  .4  ءتىستى شۇقىلاۋ. ۇنەمى ءتىس  شۇقىلاسا  ءتىس شۇقىعىش تازا بولماسا، اۋىز قۋىسىنىڭ جۇعىمدالۋىن كەلتىرىپ شىعارادى، ەندى ءبىرى، ءتىستىڭ اراسى كەڭەيىپ، وسىدان ءتىستىڭ اراسىنا ازىق -تۇلىك قالدىقتارى كىرىپ، ءتىس بوساۋ، ءتىس ءتۇبى قابىنۋ جايتتەرى پايدا بولادى.
 . 5  تاماقتى ىشە سالا بەلبەۋدى بوساتۋ. بۇل قارىننىڭ ىشكى جاعىنداعى قىسىمدى تومەندەتىپ، اسقازاننىڭ اس قورتۋىن تەزدەتەدى  دە، ىشەكتىڭ ءتۇيىلىپ قالۋىنا سەبەپ بولادى.
  .6   ءتاتتى ازىق-تۇلىكتەردى جەۋ. بۇل دەنەنىڭ بەلوك قابىلداۋىنا كەسىرىن تيگىزىپ، دەنە مۇشەلەرىن السىرەتەدى.
  .7  تاماقتى ىشە سالا جاتىپ ۇيىقتاۋ. ادەتتە تاماق از دەگەندە 3 ساعات مولشەرىندە قورتىلادى. تاماقتى ىشە سالا جاتقاندا، تۇتاس دەنەنىڭ ارەكەتى باياۋلاپ، ىشكەن اس قورىتىلماي، اسقازاندا توپتالىپ تۇرىپ قالادى دا، وسىدان بارىپ، اس قور تۋ ناشارلايدى.
 . 8  اش قارىن دا جۇگىرۋ. قارىن اش كەزدە جۇگىرگەندە جۇرەك پەن وكپەنىڭ جۇگى اۋىرلاپ، جۇرەك ارەكەتى قالىپسىز بولادى، اۋىر بولعاندا ەسىنەن تانۋ جاعدايى تۋىلادى. 9. دارەتكە وتىرعاندا كىتاپ وقۋ. بۇل ادامنىڭ زەيىنىن ءبولىپ، دارەتكە وتىرۋ ۋاقىتىن ۇزارتادى. بۇل جاعداي ۇزاق مەزگىل جالعاسسا، گەموروي جانە اس قور تۋ جۇيەلەرىنىڭ قالىپسىزدىعىن كەلتىرىپ شىعارادى.
  .10  جاتىپ تەلەۆيزور كورۋ. جاتىپ تەلەۆيزور كورگەندە كوزگە تۇسەتىن قىسىم ارتىپ، ۋاقىت ۇزارا كەلە كورۋ قۋاتى ناشارلايدى.
  .11  شىراقتى جاعىپ قويىپ ۇيىقتاۋ. بۇل دەنەنىڭ تەپە -تەڭدىگىن بۇزىپ، ۋاقىت ۇزارا كەلە ءتۇرلى قوسىمشا اۋرۋلاردى كەلتىرىپ شىعارادى.
 . 12  ەكپەتىنەن جاتىپ ۇيىقتاۋ. ەكپەتتەپ جاتىپ  ۇيىقتاعاندا جۇرەك، وكپە جانە ادامنىڭ بەتىنە تۇسەتىن قىسىم ارتىپ، بەت ءىسىنىپ، جۇرەك ارەكەتى قالىپسىز بولادى.
  .13  كوزدى ۋقالاۋ. كوزدى ۇنەمى ۋقالاعاندا، قولداعى اۋرۋ باكتەريالارى كوزدى قابىندىرىپ، كورۋ قۋاتىن السىرەتەدى.
 . 14  قۇلاقتى شۇقىلاۋ. ۇنەمى قۇلاقتى شۇقىلاعاندا قۇلاق ءىشىنىڭ تەرىسى زاقىمدالادى. اۋىر بولعاندا ورتا قۇلاقتىڭ قابىنۋىن كەلتىرىپ شىعارىپ، ميدىڭ اقاۋسىزدىعىنا ىقپال جاسايدى.
 . 15  مۇرىندى شۇقىلاۋ. كەيبىرەۋلەر اينالاسىندا ادام بار-جوقتىعىنا قاراماي، مۇرنىن شۇقىلايدى. بۇل كورەر كوزگە ەرسى كورىنۋمەن بىرگە، دەنساۋلىققا اسا زياندى. سەبەبى مۇرىندى ۇنەمى شۇقىلاعاندا، مۇرىن ىشىندەگى كىلەگەي قابىق تەسىلىپ كەتەدى دە، باكتەريالار مۇرىن قۋىسىنا كىرىپ، مۇرىندى قابىندىرادى.


بەرىپ كەت ورامالىڭدى

دوستار

الىستاعى اق ەركە