جاڭا حابارلار

وڭاي سەمىرتەتىن تاماقتانۋ داعدىسى

    كەلۋ قاينارى: شينجياڭ حالىق راديو ىستانسياسى    2018-09-11 19:02:29  


  سەمىزدىك كوپ ءتۇرلى سەبەپتەردەن بولعانىمەن، ءبىراق ادەتتەگى سەمىزدىك جونىنەن العاندا، تاماقتانۋ، اسىرەسە، ناشار تاماقتانۋ ادەتى سەمىزدىكتى كەلتىرىپ شىعاراتىن باستى سەبەپ. بۇل باستىسى مىنالار:
  تەز تاماقتانۋ. سەمىز ادامداردىڭ كوبىندە تاماققا تابەتى جاقسى، تاماق جەۋ جىلدامدىعى وتە تەز بولىپ، تاماقتى تولىق شايناماي جۇتادى، جۇتىلعان تاماق اسقازان بۇيىرلەرىنە جابىسىپ قالاتىندىقتان، تاماقتى قانشا كوپ جەسە دە ۇنەمى قۇرساعى اشقانداي بولىپ تۇرادى. سونىمەن بىرگە، تاماقتى شايناۋ ۋاقىتىنىڭ تىم قىسقا بولۋىنان، نەرۆتەر سول قالپىندا شەكتەن تىس قوزادى دا، تاماققا تابەت، ءتىپتى دە تارتادى.
  ۇساق - تۇيەك تاعامداردى ۇنەمى جەۋ. كەيبىر سەمىز ادامدار، وتە - موتە، بالالار مەن جاس ايەلدەر سەمىرگەن كەزدە قاراساڭ ىشكەن تاماق مولشەرى كوپ ەمەس، ءبىراق ۇساق - تۇيەك تاعامداردى ۇزدىكسىز جەيدى، سوندىقتان دەنەسىنە جينالعان جالپى جىلۋ مولشەرى بارىنشا شەكتەن اسىپ كەتۋدى كەلتىرىپ شىعارادى.
  تاڭەرتەڭگى استى ىشپەۋ. كوپتەگەن ايەلدەر «اشىعىپ ارىقتاۋ ءادىسىن» قولدانادى، ماقساتتارى از جەۋ، ءتىپتى، تاڭەرتەڭگى تاماقتى ىشپەۋ ءادىسى ارقىلى ارىقتاۋ ماقساتىنا جەتپەكشى بولادى، ءبىراق بۇنىڭ ناتيجەسى كەرىسىنشە بولىپ شىعادى. ويتكەنى تاڭەرتەڭگى تاماقتى ىشپەسە، ءتۇس كەزىندە تاماققا تابەت، ءتىپتى، ارتادى ءارى اش قۇرساققا جەگەننەن كەيىن، ءتىپتى، تەز سىڭەدى. ال مول تۇسكى تاماق تەز ارادا سىڭىرىلگەندىكتەن، دەنەدە ماي قالىپتاسادى دا، ۋاقىت ۇزارا كەلە سەمىزدىكتى كەلتىرىپ شىعارادى.
  كەشكى اس ورىنسىز بولۋ. كوپتەگەن ادام ۋاقىتتىڭ شەكتەمەلىلىگىنە بايلانىستى، تاڭەرتەڭگى تاماق پەن كەشكى تاماقتى قاراپايىم جەۋدى ادەتكە اينالدىرعان، كەش بولعاندا وتباسىمەن باس قوسۋعا  ۋاقىت تا جەتكىلىكتى بولادى، سونىمەن تاۋىق، بالىق، ەت، جۇمىرتقا، كوكونىستەرگە اس ۇستەلى لىق تولادى، ال مۇنداي تاماقتانۋ عىلمي ەمەس. ويتكەنى ازىقتىق دەنەدە قورىتىلعاننان كەيىن ءبىر ءبولىمى قانعا ءوتىپ، قاننىڭ ماي قۇرامىن جوعارىلاتادى، كەشتە قانداعى ينسۋليننىڭ مولشەرى ارتىپ، ەڭ جوعارى شەككە جەتەدى دە، ينسۋلين قانداعى قانتتى مايعا اينالدىرىپ، قان تامىر مەن قۇرساق ءبولىمىنىڭ بۇيىرىنە جينالىپ، ۋاقىت ۇزارا كەلە ادام سەمىرە باستايدى.
  ءتاتتى ازىقتىقتى شەكتەن تىس كوپ جەۋ. ءتاتتى ازىقتىق وڭاي سىمىرىلمەي قالماستان، مايدىڭ قالىپتاسۋىن تەزدەتىپ، فەرمەنتتىڭ اكتيۆتىگىن كۇشەيتەدى ءارى مايدىڭ جينالۋىن تەزدەتەدى.
  تاماق تالعاۋ. تاماق تالعاۋ قورەكتىكتىڭ ءسىمىرىلۋى جونىنەن بىركەلكىسىزدىكتى كەلتىرىپ شىعارىپ، قورەكتىك ەلەمەنتتەردىڭ كەم بولۋىن پايدا ەتەدى. ۆيتامين B نىڭ كەم بولۋى سەمىزدىكتى كەلتىرىپ شىعارادى.  ويتكەنى ۆيتامين B مايدى ەنەرگياعا اينالدىرادى، مايدىڭ زات الماسۋىنا قاتىناساتىن ۆيتامين B توبى باستىسى، ۆيتامين B1، ۆيتامين B2، ۆيتامين B6 سياقتىلار. بۇل ۆيتاميندەر، باستىسى، شالا اقتالعان كۇرىش، ءبيداي قابىعى جانە كوپتەگەن كوكونىس، جەمىس - جيدەكتەردىڭ قۇرامىندا بولادى.


بەرىپ كەت ورامالىڭدى

دوستار

الىستاعى اق ەركە