جاڭا حابارلار

قىزىل ارميا ىشىندەگى جاس تا ارىندى جاس سارباز ـــــ شۇن حۋايجوۋ

    كەلۋ قاينارى: شينجياڭ حالىق راديو ىستانسياسى    2018-09-12 10:14:58  

 اتالعان ايداردا بۇگىن: «قىزىل ارميا ىشىندەگى جاس تا ارىندى جاس سارباز ـــــ شۇن حۋايجوۋمەن» ( 寻淮洲 ) تانىساسىزدار:   شۇن حۋايجوۋ، 1912- جىلى دۇنيەگە كەلگەن، حۋناننىڭ ليۋياڭىنىڭ ادامى. 1927- جىلدىڭ باسىندا جۇڭگو كوممۋنيستىك جاستار وداعىنا كىرەدى. 1928- جىلى جۇڭگو كوممۋنيستىك پارتياسىنا مۇشە بولادى. 1929- جىلى كوكتەمدە قىزىل ارميا 4- جۇنىنە ىلەسىپ جياڭشيدىڭ وڭتۇستىگىنە، فۋجياننىڭ باتىسىنا بارىپ شايقاس جاسايدى.     1930- جىلى 11- ايدا، شۇن حۋايجوۋ  قىزىل ارميا 34- شىسى 100- تۋانىن باستاپ ورتالىق توڭكەرىستىك بازاسىنىڭ تۇڭعىش رەتكى « قورشاپ جويۋعا» قارسى تۇرۋ شايقاسىنا قاتىناسادى، قولباسشىلىعى كەسكىن بولىپ، شايقاستا ەڭبەك سىڭىرگەندىكتەن،  قىزىل ارميا 12- جۇنى 35- شىسىنىڭ باستىقتىعىنا تاعايىندالادى. وسىدان كەيىن ول قوسىندى باستاپ  ورتالىق توڭكەرىستىك بازاسىنىڭ ەكىنشى، ءۇشىنشى رەتكى «قورشاپ جويۋعا» قارسى تۇرۋ شايقاسىنا قاتىناسىپ، ارت- ارتىنان جەڭىسكە جەتىپ وتىرادى. 1932- جىلى 3- ايدا قىزىل ارميا 1- جۇنتۋانى 15- جۇنى 45- شىسىنىڭ باستىقتىعىنا تاعايىندالادى، 12- ايدا قىزىل ارميا 21- جۇنىنىڭ باستىقتىعىنا تاعايىندالادى.     1933- جىلى 10- ايدا، شۇن حۋايجوۋ قىزىل ارميا 7- جۇنتۋانىنىڭ باستىقتىعىنا تاعايىندالىپ، اسكەري ءبولىمدى باستاپ ورتالىق توڭكەرىستىك بازاسىنىڭ بەسىنشى رەتكى « قورشاپ جويۋعا» قارسى تۇرۋ شايقاسىنا قاتىناسادى. 1934- جىلى 1- ايدا، جۇڭحۋا سوۆەت رەسپۋبليكاسى ورتالىق اتقارۋ كوميتەتىنىڭ مۇشەسىنە سايلانادى.    1934- جىلى 7- ايدا، قىزىل ارميا 7- جۇنتۋانى  بۇيرىق بويىنشا جۇڭگو جۇمىسشى- ديحان قىزىل ارمياسىنىڭ سولتۇستىككە اتتانىپ جاپونعا قارسى تۇرۋ شولعىنشى اترەتىن قۇرادى، شۇن حۋايجوۋ جۇنتۋاننىڭ باستىقتىعىنا جانە جاپونعا قارسى شولعىنشى اترەتتىڭ باس قولباسشىسىنا تاعايىندالادى. 4 اي ىشىندە، ول اسكەري بولىمگە قولباسشىلىق ەتىپ،  فۋجيان، جىجياڭ، انحۇي، جياڭشي شەكاراسىنداعى ونداعان اۋداندا ارالاپ شايقاس جاساپ،  گومينداڭ ارمياسىن بوگەپ،  ورتالىق قىزىل ارمياسىنىڭ ستراتەگيالىق ورىن اۋىستىرۋىنا پارمەندى سايكەسەدى.    1934- جىلى 11- ايدا، شۇن حۋايجوۋ اسكەري ءبولىمدى باستاپ فۋجيان، جىجياڭ، جياڭشيدەگى سوۆەت رايونىنا بارىپ، فاڭ جىمين باسشىلىق ەتكەن قىزىل ارميا 10- جۇنىمەن بىرىگىپ قىزىل ارميا 10- جۇنتۋانىن قۇرىپ، 19- شىسىنىڭ باستىقتىعىنا تاعايىندالادى. 12- ايدىڭ 14- كۇنى، انحۇيدىڭ تايپيڭ اۋدانىنداعى تانجياچياۋ شايقاسىندا باقىتقا قارسى ونىڭ قۇرساعىنا وق ءتيىپ، ەرلىكپەن قۇربان بولادى، سول كەزدە ول نەبارى 22 جاستا عانا ەدى.


بەرىپ كەت ورامالىڭدى

دوستار

الىستاعى اق ەركە