جاڭا حابارلار

سانجى قالاسى ديانبا قالاشىعى ديانبا قىستاعىنىڭ تۇرعىنى لۋ حۇڭگاڭ سويىس كەپتەرىن باعۋ ارقىلى اۋقاتتانۋ جولىن تاپتى

    كەلۋ قاينارى: شينجياڭ حالىق راديو ىستانسياسى    2018-09-12 10:20:46  

تاپتى،سانجى قالالىق تەلەۆيزيانىڭ ءتىلشىسى ءماي مياۋ مەن ەرىكتى ءتىلشى لو دۇڭمەيدىڭ حابارى: سانجى قالاسى ديانبا قالاشىعى ديانبا قىستاعىنىڭ تۇرعىنى لۋ حۇڭگاڭ سويىس كەپتەرىن باعۋ ارقىلى اۋقاتتانۋ جولىن تاپتى،  لۋ حۇڭگاڭمەن كەزىككەندە، ول كۇركەدەگى كەپتەر جۇمىرتقاسىنىڭ ۇرىقتانۋ جاعدايىن تەكسەرىپ جاتىپتى. كەپتەر باعۋ جاعدايىنا ايالداعان لۋ حۇڭگاڭ ءسوز تيەگىن اعىتىپ، «سويىس كەپتەرىن باعۋ جايىن تانىستىرۋدى 2015- جىلى دوسممەن بىرگە ءبىر قۋىرماشتان باستاۋعا تۋرا كەلەدى دەي كەلىپ: « سول كۇنى دوسىممەن بىرگە تاماقتانىپ وتىرىپ، قاقتالعان كەپتەر ەتىنەن ءدام تاتتىم، ءدامى ءتىل ۇيىرەدى ەكەن، تاماقتانىپ بولىپ، اسحانا قوجايىنىمەن اڭگىمەلەسكەنىمدە، ول مۇنىڭ قورەكتىك قۇنى اسا جوعارى، قاجەتسىنۋدى قامداي الماي وتىرعانىن، بازاردا دا جوق ەكەنىن، بازارعا شىعارىلىسىمەن ساتىلىپ تاۋسىلاتىنىن، سىرت جەردەن اكەلىنگەنىن ايتتى، مەن بۇل ءبىر تاماشا وراي ەكەن دەگەن ويعا كەلدىم»،- دەدى.  
      2016- جىلى، لۋ حۇڭگاڭنىڭ كەپتەر باعۋعا بارعان سايىن اڭسارى اۋدى، ول ۇيىندەگىلەردىڭ قارسىلىعىنا قاراماستان، قۇرىلىس ماتەريالدارى ساۋداسىن قويا تۇرىپ ، سويىس كەپتەرىن باعۋ جولىنا ءتۇستى.   لۋ حۇڭگاڭ بەرىسى شىحىزى، قارامايلىدان، ارىسى گانسۋ، شاندۇڭداردان كەپتەر باعۋدىڭ تاجىريبەلەرىن توپتاسا، ءبىر جاعىنان بازار قاجەتىن بايقاستايدى. 2016- جىلى 8-ايدا، ول شاندۇڭنان ءبىر توپ اسىل تۇقىمدى كەپتەردى ساتىپ اكەلىپ سويىس كەپتەرى باعىمشىلىعىن باستاعانىن ايتا كەلىپ بىلاي دەدى: «العاشقى توپتاعى كەپتەرلەردى كىرگىزگەندە تابىسىم ماندىمادى، قارجى قوسقانىممەن ءونىمىن كورە المادىم، سونىمەن، تاعى ءبىر توپ كەپتەر ەنگىزۋدى ءجون كورىپ، وسى جەردەن ءبىر توپ كەپتەر اكەلدىم، قارامايلىدان دا ءبىر توپ كەپتەر اكەلدىم، جيىنى ءبىر مىڭ 200 كەپتەر بولدى.»
  پايدا تابۋ ءۇشىن، قاجەتتى شىعىن دا ارتا تۇسەدى ەكەن، جاڭادان ەنگىزىلگەن اسىل تۇقىمدى كەپتەرلەردە دەرت-دەربەز دە كوبەيە باستايدى.  لۋ حۇڭگاڭ: «ءبىر جولى مىڭ كەپتەردەن 700 كەپتەر عانا قالدى، تەڭ جارىمىنا تاياۋى ىندەتتەن قىرىلىپ قالدى، بۇل ماعان اۋىر سوققى بولدى،  سول 10 نەشە كۇندە ەشقايعا شىققىم كەلمەدى»،-دەدى.
    الايدا، لۋ حۇڭگاڭ العان بەتىنەن قايتپادى، ول ولگەن كەپتەرلەرىن ۇرىمجىگە اپارىپ بورشالاپ ساراپتاتىپ، ىندەتتىڭ تۋىلۋ سەبەبىنە تالداۋ جاسادى. 2 جىلدان ارتىق ۋاقىتتان بەرى، لۋ حۇڭگاڭ وسى جاعىنداعى ىزدەنۋىن ءبىر ساتتە توقتاتپادى، سونىمەن قاتار، باعىمشىلىق كولەمىن ۇزبەي كەڭەيتىپ، عىلمي جولمەن باپتاۋ جانە ءوسىرۋ ارقىلى ول باققان سويىس كەپتەرلەرى 3 مىڭعا جەتتى، كەپتەر ۇياسىنىڭ كولەمى دە 300 شارشى مەتردەن استى، بيىل الدىڭعى جارىم جىلداعى كىرىسى 80 مىڭ يۋانعا جەتتى. لۋ حۇڭگاڭ بىلاي دەدى: «نەگىزىنەن ۇرىمجىگە ساتىلادى، ۇرىمجىدە قاريدارىم بار،  3 كۇندە ءبىر كەلەم، ول قانشا السا سونشاسىن اپارىپ بەرەم، كەپتەردىڭ بىرەۋىنىڭ باعاسى 18 يۋان، ۇلكەندەۋى 20 دا 25 يۋانعا ساتىلادى».
   لۋ حۇڭگاڭ تىلشىگە بىلاي دەدى: «قازىر، ۇرىمجىدەگى تاپسىرىستىڭ ءوزى قامداۋ قۋاتىمنان اسىپ كەتتى، قسىتاقتاعىلاردى بىرگە كەپتەر باعۋعا جەتەكتەپ، كوپشىلىكتى كاسىپ كوزىن اشىپ اۋقاتتانۋعا باستاۋ بەكىمىنە كەلدىم، سويىس كەپتەرى بازارى ءالى قاجەتتى قامداپ ۇلگىرگەن جوق، ارادا ءالى الشاقتىق بار، كەپتەر باققىسى كەلەتىن تۇرعىندار بولسا كەپتەر باعۋ تەحنيكاسىن ۇيرەتەمىن، اسىل تۇقىمدى كەپتەر بەرىپ، تۇرعىنداردى بىرگە اۋقاتتانۋعا شابىتتاندىرامىن. »
 
 

 

 

 

 

 


بەرىپ كەت ورامالىڭدى

دوستار

الىستاعى اق ەركە