جاڭا حابارلار

ءۇرىمجى شۇيمو تيانشان مەملەكەتتىك تاۋعا شىعىپ دەنە شىنىقتىرۋ جاياۋلار جولى جىل سايىن رايونىمىز ءىشى-سىرتىنان بارعان ساياحاتشىلاردى باۋرايدى

    كەلۋ قاينارى: شينجياڭ حالىق راديو ىستانسياسى    2018-09-12 10:28:05  

 ستانسيامىزدىڭ ءتىلشىسى ايبىن راحىمان ۇلىنىڭ حابارى:جۇڭگونىڭ باتىس بولەگىندەگى تاۋعا شىعىپ دەنە شىنىقتىراتىن مەملەكەت دارەجەلى  بىردەن-ءبىر  جاياۋلار جولى ـــ ءۇرىمجى شۇيمو تيانشان مەملەكەتتىك تاۋعا شىعىپ دەنە شىنىقتىرۋ جاياۋلار جولى جىل سايىن رايونىمىز ءىشى-سىرتىنان بارعان ساياحاتشىلاردى باۋرايدى، مۇندا كوركەم تابيعات كورىنىسىن تاماشالاۋدان سىرت، تاعى دالالىق سپورتتان ءلاززاتتانۋعا بولادى.  

     قازىر كۇز مەزگىلى بولعانىمەن، ءبىراق جولدىڭ ەكى جاعاسىندا سارى ءتۇستى جابايى روزا گۇلى، قىزىل ءتۇستى قىزىل بۇرشاق جايقالا اشىلىپ، جايىلىم مەن تاۋ بەتكەيىن الۋان تۇسكە بوياپ تۇر؛ سارعايا باستاعان قارا اعاش پەن تەرەك جۇرگىنشىلەر جولىنىڭ ەكى جاعالاۋىنا ەگىلگەن، جولمەن باياۋ جۇرەتىن بولساڭىز، ەرتەگىلەردە ايتىلعانداي باسقا ءبىر دۇنيەگە كەلگەندەي بولاسىز. ءۇرىمجى قالاسىنىڭ تۇرعىنى گى حۇڭۋي جاياۋ ءجۇرۋ اۋەسكەرى، ون نەشە جىلدان بەرى، ول ءۇرىمجىنىڭ ماڭىنداعى ۇلكەندى-كىشىلى كورىنس رايوندارىن تۇگەل جاياۋ ارالاپ شىقتى، قازىر ءار اپتانىڭ سوڭىندا دوستارمەن بىرگە وسىندا كەلىپ، جاياۋ جۇرۋدەن ءلاززاتتانادى. ول: « بۇل جەر وتە كوركەم، كوركى كوز سۇرىندىرەتىن جاراتىلىستىق ورتادا جاياۋ جۇرسەڭىز كوڭىلىڭىز كوتەرىلىپ، سەرگىپ قالاسىز، دەنساۋلىققا دا جاقسى. بىزگە جاياۋ ءجۇرۋ ۇيلەسەدى، وسىندا اۆتوموبيل توقتاتۋ ورىنى بار، تاۋداعى جاياۋلار جولىنان اقى الىنبايدى، جاياۋ جۇرگىسى كەلگەندەرگە وتە ۇيلەسەدى»،-دەدى.
      شۇيمو تيانشان مەملەكەتتىك تاۋعا شىعىپ دەنە شىنىقتىرۋ جاياۋلار جولىنىڭ جالپى ۇزىندىعى 33 كيلومەتر، ءبىر نەگىزگى جول مەن التى قوسالقى جولعا بولىنەدى، بۇرىنعى ەگىس جولى دا تاس جولعا اينالدىرىلىپ، ساياحاتشىلاردىڭ جۇرۋىنە قولايلىق جاسالدى، سونداي-اق جۇڭگونىڭ باتىس بولەگىندەگى كوبەلەك بايلىعىن نەگىز ەتكەن، تۇڭعىش ەرەكشە مەملەكەت دارەجەلى جاياۋلار جولى، وندا قازىرگە دەيىن بايقالعان كوبەلەكتىڭ ءتۇرى 20 عا جەتەدى، بيىل 4- ايدان بەرى، وسىندا كەلگەن ساياحاتشى سانى 80 مىڭ ادام رەتتەن استى. فۋكاڭ قالاسىنىڭ تۇرعىنى جوۋ حانىم: «كەلگەننەن كەيىن وسىندا جۇرە بەرگىڭىز كەلەدى، تاۋ ىشىنە كىرگەن سايىن بايىرىعى جاراتىلىستىق ورتانى سەزىنەسىز، كوڭىل-كۇيىڭىز كوتەرىلىپ، سەرگيسىز، جاستارعا، جاياۋ ءجۇرۋ اۋەسكەرلەرىنە وتە جاقسى»، -دەدى. 
     بيىل شۇيموگوۋ رايونى دەنە-تاربيە، سەيىلدەۋ، دەمالىپ ساياحاتتاۋدىڭ ورنىن تۇراقتاندىرۋدى ارقاۋ ەتىپ، قالاداعى جاياۋ ءجۇرۋ جولىن نەگىز ەتكەن قالا تۇرعىندارىنىڭ دەمالىپ ساياحاتتاۋ ورتاسىن قالىپتاستىردى، شۇيمو تيانشان مەملەكەتتىك تاۋعا شىعىپ دەنە شىنىقتىرۋ جاياۋلار جولىنىڭ بويىنداعى شۇيموگوۋ رايونى سىنتاس قىستاعى، لاۋباگوۋ قىستاعى جانە گىجياگوۋ قىستاعى سىندى ءۇش قىستاقتاعى بايلىق پەن جاراتىلىستىق ورتانى ءوزارا بىرىكتىرىپ، تۇتاس ءوڭىردىڭ ەكولوگيالىق، دەنە-تاربيە، ساياحات، مادەنيەت سياقتى رولىن ساۋلەلەندىرىپ، شۇيموگوۋ رايونىنىڭ دەنە شىنىقتىرۋ، سەيىلدەۋ، ساياحات ءوڭىرىن ءبىر تۇلعالاندىرۋ اياق الىسىن ونان ارى ىلگەرىلەتىپ، ءۇرىمجى قالاسىنىڭ ماڭىنداعى سەيىلدەپ ساياحاتتاۋ دەڭگەيىن جوعارلاتتى. شۇيموگوۋ رايوندىق مادەنيەت، دەنە-تاربيە، ساياحات مەكەمەسىنىڭ قىزمەتكەرى تاڭ كاي بىلاي دەدى: شۇيمو تيانشان مەملەكەتتىك تاۋعا شىعىپ دەنە شىنىقتىرۋ جاياۋلار جولىن نەگىز ەتىپ، تيانشان بوعدا كولىنە، بوعدا شىڭىنا تۇتاساتىن ەرەكشە ساياحات جولىن ىركەس-تىركەس اشىپ، ءبىر دە ەكى كۇندىك تاماشا ساياحات لەنياسى ارقىلى ءۇرىمجى قالاسىنىڭ تۇرعىندارىنا اپتا سوڭىندا سەيىلدەپ دەمالاتىن، دەنە شىنىقتىراتىن تاماشا ورىن ازىرلەيمىز.

 


بەرىپ كەت ورامالىڭدى

دوستار

الىستاعى اق ەركە