جاڭا حابارلار

كورىكتى حوتان توڭىرەكتىڭ ءتورت بۇرىشىنداعى ساياحاتشىلاردى باۋرادى

    كەلۋ قاينارى: شينجياڭ گازەتى    2018-09-13 17:54:32  
 «تالاي جىلدان بەرى شينجياڭعا، حوتانعا كەلۋدى ارمانداعان ەدىم». 9 - ايدىڭ 3 - كۇنى «جينحى» اتتى پويەزبەن حوتانعا ساياحاتتاي كەلگەن جاۋ جىحىڭ وسى جولى حوتانعا ساياحاتتاي كەلىپ، تالاي جىلدان بەرگى ارمانى ورىندالعانىن ايتتى.
  بۇگىندە شينجياڭنىڭ ءىشى - سىرتىنان حوتانعا ساياحاتتاپ كەلۋدى اڭسايتىن ساياحاتشىلار بارعان سايىن كوبەيۋدە. بيىل 1 - ايدان 8 - ايعا دەيىن، حوتان ايماعى ەل ءىشى - سىرتىنان ءبىر ميلليون 385 مىڭ 600 ساياحاتشىنى (رەت) قابىلداپ، سايكەس مەزگىلدەگىدەن % 27.67 ارتتى؛ ساياحات جالپى تۇتىنۋى ءبىر ميلليارد 807 ميلليون يۋانعا جەتىپ، سايكەس مەزگىلدەگىدەن %6.51 ارتتى.
  بيىل حوتاننىڭ ساياحات شارۋاشىلىعى توتەنشە دابىرالى بولدى، ءاربىر كورىنىس وڭىرلەرى جەدەل دامۋ ۇلگىسىن باستادى. 9 - ايدىڭ 1 - كۇنىنەن 3 - كۇنىنە دەيىن، «جينحى» اتتى پويەزگە وتىرعان 500 تيانجيندىق ساياحاتشى حوتاندا 3 كۇن ساياحاتتادى. كۇنلۇن شاتقالى كورىنىس وڭىرىندە قارلى تاۋ، جايلاۋدىڭ كورىنىسىن تاماشالادى؛ حوتان قالاسىنىڭ اتىلاس جىبەگى فابريكاسىندا اتىلاس جىبەگىنىڭ وزگەشە بوياۋ تەحنيكاسىن كوردى؛ حوتان قالاسىنىڭ شينميڭ نانگوچىڭ بازارىندا حوتاننىڭ ەرەكشە اۋىل شارۋاشىلىعى ونىمدەرىمەن تانىسىپ، ۇيعۇرلاردىڭ قولونەر بۇيىمدارىن تاماشالادى؛ حوتان اۋدانىنىڭ 1000 شاقىرىمدىق ءجۇزىم دالىزىندە، جاڭعاق پاتشاسى باقشاسىندا ۇلى تابيعاتتىڭ كەرەمەتىن سەزىندى.
  حوتان ايماقتىق ساياحات مەكەمەسى كاسىپ دامىتۋ ءبولىمىنىڭ باستىعى چىن سۇڭمەي بىلاي دەدى: بيىل ءبىز ءشول جىبەك جولى بۇددانى ءتۇسىنۋ ساياحاتى، تاۋلاردىڭ اتاسى قارلى دالا جايلاۋ ساياحاتى، كۇنلۇن وزەن اڭعارى قاس تاسى ساياحاتى، حالىقتىق عۇرىپ - ادەت، مادەنيەت، سالت - سانا ساياحاتى سىندى 4 سارا ساياحات جەلىسىن ءتۇيىندى تۇردە تانىستىردىق. وسى ساياحات جەلىلەرى دەن قويا جوبالانعان جانە دايىندالعان، سونداي - اق ول حوتان ساياحاتىنىڭ 3 ءتۇيىنى سانالادى، ياعني ءبىرىنشىسى، مەملەكەت قاس تاسى مەكەنىنىڭ ۇزاق تاريحى؛ ەكىنشىسى، جىبەك جولىنداعى ايگىلى قالانىڭ شۇعىلالى مادەنيەتى؛ ءۇشىنشىسى، ءان - ءبي مەكەنىنىڭ سان الۋان سالت - ءداستۇرى.
  ساياحاتشى كوبەيىپ، حوتاننىڭ جەرگىلىكتى ەرەكشە ونىمدەرىنىڭ ساۋداسىن كۇسەتتەندىردى. حوتان اۋدانى جاڭعاق پاتشاسى باقشاسىنىڭ الدىندا كەپتىرىلگەن جەمىس ساۋداسىمەن اينالىساتىن ءاديلا مامەتىمىن بيىل شارۋالاردان قىرۋار جاڭعاق، مەيىز، شىلان ساتىپ الىپتى. «بيىل ساياحاتشىلار ەرەكشە كوپ، مەنىڭ كەپتىرىلگەن جەمىس ساۋدام دا وتە جاقسى، بيىل 2 توننانىڭ ۇستىندە كەپتىرىلگەن جەمىس ساتامىن»، - دەدى ءاديلا كامىل سەنىممەن.
  حوتاننىڭ كەشكى بازارىندا، ءاربىر ساۋدا جايماسىنا ءوز تاعامدارىن تانىستىراتىن تاقتايشالار قويىلىپتى، كاۋاپ، قاقتالعان جۇمىرتقا، قۇيعان وكپە، ايران قياق كۇرىش... ءار ءتۇرلى اس - سۋلار كوزدىڭ جاۋىن الىپ، ساياحاتشىلاردى تامساندىردى. تيانجيندىق ساياحاتشى ما يۇيفىن: حوتاننىڭ كەشكى بازارى ارناعا تۇسكەن، تازا، ەرەكشە ونىمدەرى كوپ ەكەن، ءبىز ەرەكشە ۇناتتىق، - دەدى.
  حوتانعا كەلگەن ساياحاتشىلاردىڭ ءبارى «حوتان اسەرى. حوتان ءسىزدى قارسى الادى» تاقىرىبىنداعى كولەمدى ادەبيەت - كوركەمونەر كونسەرتىن كورمەي كەتپەيدى. كونسەرتتە كۇنلۇن باۋرايىنداعى ءار ۇلت ۇلاندارىنىڭ باقىتتى تۇرمىسى ءان - ءبي فورماسىمەن كورسەتىلەدى.
  «كونسەرتتە ۇلتتىق مۋزيكا اسپاپتارىن ورىنداۋ مەنى ەرەكشە باۋرادى. مۇقامدى 1 - رەت كورۋىم، ەرەكشە كەرەمەت، اسەرلى ەكەن»، - دەدى تيانجيندىق ساياحاتشى جاڭ ۋىنچاۋ.
  حوتان شينيۇي ءان - ءبي ۇيىرمەسىنىڭ ارتيسى ءمۇياسسار ابدۇللا بىلاي دەدى: ساياحاتشىلاردىڭ حوتاندى اناعۇرلىم تولىق ءتۇسىنۋى ءۇشىن، شينيۇي ءان - ءبي ۇيىرمەسى وسى كونسەرتتى دەن قويا دايىندادى. كونسەرتكە تۋىسقان ولكە، قالالاردىڭ كومەگى جانە ۇلتتاردىڭ توعىسۋى سياقتى مازمۇندار شەبەرلىكپەن ەنگىزىلگەن.
  «جينحى» اتتى پويەزدەگى 9 - ءنومىرلى ۇيىرمەنىڭ جەتەكشىسى جاڭ چۇنحۋا: وسى ارادا جالىندى حوتاندى سەزىندىم. قايتىپ بارعان سوڭ كورگەن - بىلگەندەرىمدى وتباسىمداعىلارعا، دوستارىما ايتىپ، ءتىپتى كوپ ادامنىڭ حوتانعا ساياحاتتاي كەلۋىنە، حوتاننىڭ كوركەمدىگىن سەزىنۋىنە مۇمكىندىك جاسايمىن، - دەدى.

بەرىپ كەت ورامالىڭدى

دوستار

الىستاعى اق ەركە