جاڭا حابارلار

وقۋ - اعارتۋدى حالىق رازى بولاتىنداي جاقسى باسقارايىق

    كەلۋ قاينارى: شينجياڭ گازەتى    2018-09-13 18:05:19  

«حالىق گازەتى» باسماقالاسى

  وقۋ - اعارتۋ كوركەيسە، ەل كوركەيەدى، وقۋ - اعارتۋ قۇدىرەتتەنسە، ەل قۇدىرەتتەنەدى.
  كۇزدىڭ قوڭىر سالقىن سامالى ەسكەن جانعا جايلى 9 - ايدا، ءبىز 34 - رەتكى وقىتۋشىلار مەرەكەسىن قارسى الدىق. وقىتۋشىلاردىڭ وسى ءتول مەرەكەسىندە، پارتيا ورتالىق كوميتەتى وقۋ - اعارتۋ جونىندەگى مەملەكەتتىك ءماجىلىستى اشىپ، پارتيامىزدىڭ وقۋ - اعارتۋعا دەگەن ەستەن كەتپەس ىقىلاستى سۇيىسپەنشىلىگىن بەينەلەپ، وركەنيەتتى بايىرعى ەلدىڭ وقىتۋشىلاردى قۇرمەتتەپ، وقۋ - اعارتۋعا ءمان بەرەتىن، ءبىلىمدى ارداقتايتىن قۇن تالپىنىسىن ايگىلەدى.
  باس شۋجي شي جينپيڭ ماجىلىستە ماڭىزدى ءسوز سويلەپ، جاڭا داۋىردەگى پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، پارتيا 18 - قۇرىلتايىنان بەرى ەلىمىزدىڭ وقۋ - اعارتۋ ىستەرىنىڭ دامۋىندا قول جەتكەن كورنەكتى تابىستاردى ىشكەرىلەي قورىتىندىلادى، وقۋ - اعارتۋ قىزمەتى ءدوپ كەلىپ وتىرعان جاڭا جاعدايعا، جاڭا مىندەتكە تەرەڭدەي تالداۋ جاسادى، ەلىمىز وقۋ - اعارتۋىنىڭ وسىزاماندانۋىنا قاتىستى بىرنەشە كەلەلى ماسەلەگە عىلمي جاۋاپ بەردى، كەزەكتەگى جانە الداعى ءبىر مەزگىلدەگى وقۋ - اعارتۋ قىزمەتى جونىندە كەلەلى ورنالاستىرۋ جاسادى، وقۋ - اعارتۋدى وسىزامانداندىرۋدى، وقۋ - اعارتۋدا قۋاتتى ەل قۇرۋدى، وقۋ - اعارتۋدى حالىق رازى بولاتىنداي جاقسى باسقارۋدى جەدەل ىلگەرىلەتۋگە ايقىن العا باسۋ باعدارىن كورسەتىپ، ءتۇبىرلى ولشەم ازىرلەدى. باس شۋجي شي جينپيڭنىڭ ماڭىزدى ءسوزىنىڭ يدەياسى تەرەڭ، مازمۇنى باي، بۇل − جاڭا جاعدايدا وقۋ - اعارتۋ قىزمەتىن ويداعىداي ىستەۋگە جەتەكشىلىك ەتەتىن تۇعىرنامالىق حۇجات، وقۋ - اعارتۋدى حالىق رازى بولاتىنداي جاقسى باسقارۋدىڭ ارەكەت باعدارناماسى.
  وقۋ - اعارتۋ − مەملەكەتتىڭ ۇلى ءىسى، پارتيانىڭ ۇلى ءىسى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ وقۋ - اعارتۋ قىزمەتىنە باسشىلىعىن جاپپاي كۇشەيتىپ، ونەگە كورسەتىپ، ادام تاربيەلەۋگە تاباندى بولىپ، مەكتەپتەردىڭ يدەيا - ساياسي قىزمەتىن كۇشەيتىپ، وقۋ - اعارتۋ رەفورماسىن ىلگەرىلەتىپ، وقۋ - اعارتۋداعى ولقىلىقتاردى جەدەل تولىقتادى، وقۋ - اعارتۋ ىستەرىنىڭ جۇڭگوشا ەرەكشەلىگى اناعۇرلىم ايقىندالىپ، وقۋ - اعارتۋدىڭ وسىزاماندانۋى جەدەل ىلگەرىلەپ، وقۋ - اعارتۋ جاعىنداعى حالىقتىڭ تابىس سەزىمى ايتارلىقتاي كۇشەيىپ، ەلىمىز وقۋ - اعارتۋىنىڭ حالىقارالىق ىقپالى جەدەل جوعارىلاپ، ءبىر ميلليارد 300 ميلليوننان استام جۇڭگو حالقىنىڭ يدەيا - ءمورال ساپاسى مەن عىلىم - مادەنيەت ساپاسى جاپپاي ءوستى.
  تۇپتەپ كەلگەندە، وسى 5 جىلدان استام ۋاقىتتان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، ەلىمىزدىڭ وقۋ - اعارتۋ ىستەرىندە كورنەكتى تابىستارعا قول جەتتى. پارتيا 18 - قۇرىلتايىنان بەرى، باس شۋجي شي جينپيڭ وقۋ - اعارتۋعا رەفورما جاساۋ جانە ونى دامىتۋ جونىندە ءبىرسىپىرا جاڭا ۇستانىمداردى، جاڭا يدەيالاردى، جاڭا كوزقاراستاردى ورتاعا قويدى، جيناقتاپ كەلگەندە، بۇل «توعىزعا تاباندى بولۋدى» كورسەتەدى: پارتيانىڭ وقۋ - اعارتۋ ىستەرىنە جاپپاي باسشىلىعىنا تاباندى بولۋ، ونەگە كورسەتىپ، ادام تاربيەلەۋدى ءتۇبىرلى مىندەت ەتۋگە تاباندى بولۋ، وقۋ - اعارتۋ ىستەرىن الدىمەن دامىتۋعا تاباندى بولۋ، سوتسياليستىك مەكتەپ باسقارۋ باعىتىنا تاباندى بولۋ، جۇڭگونىڭ بايتاق دالاسىنا تامىر تارتىپ وقۋ - اعارتۋ ىستەرىن جۇرگىزۋگە تاباندى بولۋ، حالىقتى وزەك ەتىپ وقۋ - اعارتۋدى دامىتۋعا تاباندى بولۋ، وقۋ - اعارتۋعا ىشكەرىلەي رەفورما جاساپ، جاڭالىق اشۋعا تاباندى بولۋ، جۇڭحۋا ۇلتىنىڭ ۇلى گۇلدەنۋىنە قىزمەت ەتۋدى وقۋ - اعارتۋدىڭ ماڭىزدى بورىشى ەتۋگە تاباندى بولۋ، وقىتۋشىلار قوسىنى قۇرىلىسىن نەگىزدىك قىزمەت ەتۋگە تاباندى بولۋ. بۇل «توعىزعا تاباندى بولۋ» − پارتيامىزدىڭ ەلىمىز وقۋ - اعارتۋ ىستەرىنىڭ زاڭدىلىعى جونىندەگى تانىمىنىڭ تەرەڭدەگەندىگى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى. بۇل وڭاي - وسپاق قولعا كەلگەن جوق، وعان ءارقاشان تاباندى بولۋ جانە ونى ۇزدىكسىز بايىتۋ، دامىتۋ كەرەك.
  وقۋ - اعارتۋدى حالىق رازى بولاتىنداي جاقسى باسقارۋدا جاڭا جاعداي، جاڭا مىندەت العا قويعان جاڭا تالاپتاردى، ءسوزسىز، يگەرۋ كەرەك. جاڭا داۋىرگە وتكەندە، رەفورما جاساپ، ەسىك اشۋ مەن سوتسياليستىك وسىزامانداندىرۋ قۇرىلىسى، ادامنىڭ جان - جاقتى دامۋىن جانە قوعامنىڭ جان - جاقتى العا باسۋىن جەبەۋ وقۋ - اعارتۋ مەن ۇيرەنۋگە جاڭا، اناعۇرلىم جوعارى تالاپ قويدى. وقۋ - اعارتۋ مەملەكەتتىڭ دامۋىنا قاتىستى، ۇلتتىڭ بولاشاعىنا قاتىستى. ءبىز ورايدى مىقتى يگەرىپ، بولجامپازدىقپەن ورنالاستىرۋ جاساپ، اناعۇرلىم بيىك تاريحي دەڭگەيمەن، اناعۇرلىم كەڭ حالىقارالىق كوز ايامەن، اناعۇرلىم تەرەڭ ستراتەگيالىق كورەگەندىكپەن وقۋ - اعارتۋدى وسىزامانداندىرۋدى جەدەل ىلگەرىلەتۋ، وقۋ - اعارتۋدا قۇدىرەتتى ەل قۇرۋ جونىندە جالپىلىق ورنالاستىرۋ جانە ستراتەگيالىق جوبا جاساپ، وقۋ - اعارتۋ ىستەرىن الدىمەن دامىتۋدى پارتيا مەن مەملەكەت ىستەرىنىڭ دامۋىن ىلگەرىلەتۋدە الدىمەن اتقاراتىن ماڭىزدى شارا ەتۋگە تاباندى بولعانىمىزدا عانا، وقۋ - اعارتۋدىڭ پارتيا مەن مەملەكەت ىستەرىنىڭ دامۋ تالابىنا ۇيلەسۋىنە، حالىق بۇقاراسىنىڭ تىلەگىنە سايكەسۋىنە، ەلىمىزدىڭ جالپىلىق مەملەكەت قۋاتى مەن حالىقارالىق ورنىنا ساي كەلۋىنە ۇزدىكسىز مۇمكىندىك جاساي الامىز.
  وقۋ - اعارتۋدى حالىق رازى بولاتىنداي جاقسى باسقارۋدا، ءسوز جوق، «قانداي ادام تاربيەلەۋ، ادامدى قالاي تاربيەلەۋ، كىم ءۇشىن تاربيەلەۋ» سىندى ءتۇبىرلى ماسەلەگە جۇيەلى جاۋاپ قايتارۋ جانە ونى شەشۋ كەرەك. ەلىمىز جۇڭگو كوممۋنيستىك پارتياسى باسشىلىعىنداعى سوتسياليستىك مەملەكەت، بۇل ءبىزدىڭ وقۋ - اعارتۋىمىز، ءسوز جوق، سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدى ءتۇبىرلى مىندەت ەتىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن قولدايتىن، جۇڭگوشا سوتسياليزم ءۇشىن ءومىر بويى كۇرەس جۇرگىزۋدى مۇرات ەتەتىن سانسىز ۇرپاق جارامدى دارىندىلاردى تاربيەلەۋ كەرەكتىگىن بەلگىلەگەن. وقىتۋشى − وقۋ - اعارتۋدى كۇشەيتۋدىڭ نەگىزى، وقۋ - اعارتۋدى كوركەيتۋدىڭ قاينار كوزى. وقىتۋشىلار قوسىنى قۇرىلىسىن، ءسوزسىز، نەگىزدىك قىزمەت ەتىپ، جوعارى ساپالى، ماماندانعان ءىرى وقىتۋشىلار قوسىنىن قۇرۋ كەرەك. رەفورما − وقۋ - اعارتۋ ىستەرىنىڭ دامۋىنىڭ ءتۇبىرلى قوزعاۋشى كۇشى. وقۋ - اعارتۋ رەفورماسىنىڭ جۇيەلىلىگىنە، تۇتاستىعىنا، سايكەستىلىگىنە، ءسوزسىز، اناعۇرلىم ءمان بەرىپ، رەفورما ارقىلى ومىرشەڭدىكتى تاسقىنداتۋ، قوزعاۋشى كۇشتى ارتتىرۋ كەرەك. پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتۋ − وقۋ - اعارتۋدى ويداعىداي باسقارۋدىڭ ءتۇبىرلى كەپىلى. پارتيانىڭ وقۋ - اعارتۋ قىزمەتىنە باسشىلىق ۇقىعىن، ءسوزسىز، مىقتاپ يگەرىپ، پارتيانىڭ وقۋ - اعارتۋ ىستەرىنە جاپپاي باسشىلىعىنا تاباندى بولۋ كەرەك.
  وقۋ - اعارتۋ − ۇلتتىڭ گۇلدەنۋىنىڭ، قوعامنىڭ العا باسۋىنىڭ ماڭىزدى ىرگە تاسى، ەڭبەگى قازىر سىڭەتىن، يگىلىگىن كەيىن كورەتىن ءمورالدىق ينجەنەريا. قازىر پارتيا مەن مەملەكەت ىستەرى دامۋىنىڭ وقۋ - اعارتۋعا دەگەن قاجەتى، عىلمي بىلىمگە جانە تاڭداۋلى دارىندىلارعا دەگەن قاجەتى بۇرىنعى ءارقانداي كەزدەگىدەن دە كوكەي تەستى بولىپ وتىر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولاتىن بولساق، وقۋ - اعارتۋدى،ءسوزسىز، حالىق رازى بولاتىنداي جاقسى باسقارىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن ۇزدىكسىز باۋلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن بەرىك نەگىز قالاپ، پارمەندى تىرەك ازىرلەي الامىز.
  (شينحۋا اگەنتتىگىنىڭ 9 - ايدىڭ 11 - كۇنى بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە