جاڭا حابارلار

شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ جەرگىلىكتى ورىندارىنىڭ باسشىلارىنىڭ كەڭەسىنە بىرگە قاتىناستى

    كەلۋ قاينارى: شينجياڭ گازەتى    2018-09-13 18:08:16  

مەملەكەت ءتوراعاسى شي جينپيڭ 9 - ايدىڭ 11 - كۇنى ۆلاديۆوستوكتا رەسەيدىڭ زۇڭتۇڭى پۋتينمەن بىرگە جۇڭگو مەن رەسەيدىڭ جەرگىلىكتى ورىندارىنىڭ باسشىلارىنىڭ كەڭەسىنە قاتىناستى.
سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

 شينحۋا اگەنتتىگىنىڭ 9 - ايدىڭ 11 - كۇنى ۆلاديۆوستوكتان بەرگەن حابارى (تىلشىلەر حو شياۋگۋاڭ، لي جيانمين). مەملەكەت ءتوراعاسى شي جينپيڭ 9 - ايدىڭ 11 - كۇنى ۆلاديۆوستوكتا رەسەيدىڭ زۇڭتۇڭى پۋتينمەن بىرگە جۇڭگو مەن رەسەيدىڭ جەرگىلىكتى ورىندارىنىڭ باسشىلارىنىڭ كەڭەسىنە قاتىناستى.
  ەكى ەلدىڭ مەملەكەت باسشىلارى ەكى جاقتىڭ ۋاكىلدەرىنىڭ وسى جولعى كەڭەستىڭ جاعدايى جانە جۇڭگو مەن رەسەيدىڭ جەرگىلىكتى ورىندارىنىڭ سەلبەستىك جاعدايى جونىندەگى مالىمەتتەرىن تىڭداعان سوڭ، جەكە - جەكە ءسوز سويلەدى.
  شي جينپيڭ بىلاي دەپ اتاپ كورسەتتى: جۇڭگو مەن رەسەي ءوزارا ەڭ ۇلكەن كورشى ەلدەر جانە ەڭ ماڭىزدى جالپى بەتتىك ستراتەگيالىق سەلبەستىك سەرىكتەر، كەڭ كولەمدى ورتاق مۇددەسى بار. ەكى جاقتىڭ سەلبەستىكتى كۇشەيتىپ، مۇددەلەردىڭ توعىسۋىن تەرەڭدەتۋى سىرتقى حاۋىپ - قاتەر مەن سىن - سايىستاردى قول ۇستاسا شەشۋگە، بىرگە دامىپ گۇلدەنۋدى جەبەۋگە ءتيىمدى. جەرگىلىكتى ورىندار سەلبەستىگى جۇڭگو - رەسەي قارىم - قاتىناسىندا ماڭىزدى رول اتقارىپ وتىر. مەملەكەتتىك سەلبەستىك جەرگىلىكتى ورىندارعا سۇيەنۋى، جەرگىلىكتى ورىنداردى تياناق ەتۋى، جەرگىلىكتى ورىندارعا باقىت جەتكىزۋى كەرەك. جەرگىلىكتى ورىنداردىڭ سەلبەستىگى قانشا نىعايسا، ەكى ەلدىڭ ءوزارا ءتيىمدى سەلبەستىگىنىڭ نەگىزى سونشا بەكەمدەلە تۇسەدى. جاڭا ءداۋىر جاعدايىندا، جۇڭگو مەن رەسەيدىڭ جەرگىلىكتى ورىندار سەلبەستىگى جاڭا جاعدايعا، جاڭا مىندەتكە، جاڭا تالاپقا ءدوپ كەلىپ وتىر، سونىمەن بىرگە جاڭا تاريحي ورايعا دا ءدوپ كەلدى.
  شي جينپيڭ كەلەشەكتەگى ەكى ەلدىڭ جەرگىلىكتى ورىندار سەلبەستىگى جونىندە 4 ۇسىنىس قويدى. ءبىرىنشى، جەرگىلىكتى ۇكىمەتتەردىڭ رولىن ساۋلەلەندىرىپ، ءبىر تۇتاس سايكەستىرۋدى كۇشەيتىپ، ساياسات ورتاسىن شىن مانىندە ساپالىلاندىرىپ، ءتىپتى كوپ جەرگىلىكتى ورىنداردى بارىس - كەلىس جاساۋعا ىنتالاندىرىپ، ەكى ەل كاسىپورىندارىنىڭ ءوزارا قارجى قوسۋىنا ءتىپتى ساپالى ساۋدا ورتاسىن، ءتىپتى قولايلى سەلبەستىك شارت - جاعدايىن ازىرلەۋ كەرەك. ەكىنشى، سەلبەستىك وي جەلىسىن جاڭالاپ، سەلبەستىك ءوڭىرىن كەڭەيتىپ، سەلبەستىك تۇعىرىنان شەبەرلىكپەن پايدالانىپ، قازىرگى مەحانيزمدى ويداعىداي دامىتىپ، وڭىرلىك سەلبەستىكتىڭ جاڭا ءتاسىلىن ىلگەرىلەتۋ جونىندە ىشكەرىلەي تالقى جۇرگىزۋ كەرەك. ءۇشىنشى، ءوزارا تولىقتاۋ باسىمدىقتارىن ىشكەرىلەي قاراستىرىپ، جەرگىلىكتى ەرەكشەلىكتەردى كورنەكتىلەندىرىپ، سەلبەستىكتىڭ دالمە - ءدال توعىسۋىن ىسكە اسىرىپ، ساپالى بايلىقتاردى بىرىكتىرىپ، سەلبەستىكتىڭ ىشكى قوزعاۋشى كۇشىن قوزداتىپ، باسىمدىقتى تابىسقا اينالدىرىپ، سەلبەستىكتىڭ جارقىن تۇيىندەرىن جارىققا شىعارۋ كەرەك. ءتورتىنشى، گۋمانيتارلىق اۋىس - كۇيىستى نىعايتىپ، سەلبەستىكتىڭ نەگىزگى حالىق رايى مەن قوعامدىق نەگىزىن كۇشەيتىپ، ەكى ەلدىڭ جەرگىلىكتى ورىندارىنىڭ مادەنيەت، ساياحات، وقۋ - اعارتۋ، مەديا سياقتى سالالارىنداعى اۋىس - كۇيىسىنىڭ مەحانيزمدەنۋىن، ۇدايىلانۋىن ىلگەرىلەتىپ، ءوزارا ۇناتۋ سەزىمى مەن مويىنداۋ سەزىمىن كۇشەيتۋ كەرەك.
  شي جينپيڭ مىنالاردى باسا دارىپتەدى: بيىل جىل باسىندا پۋتين زۇڭتۇڭ ەكەۋىمىز 2018 - جىلدان 2019 - جىلعا دەيىن جۇڭگو مەن رەسەيدىڭ جەرگىلىكتى ورىندارىنىڭ سەلبەستىك اۋىس - كۇيىس جىلىن وتكىزىپ، جەرگىلىكتى ورىندار سەلبەستىگىن بيىلعى جانە كەلەر جىلعى 2 جىلداعى ەكى جاقتىڭ سەلبەستىگىنىڭ ارقاۋى ەتۋدى ۇيعاردىق. جۇڭگو مەن رەسەيدىڭ جەرگىلىكتى ورىندارىنىڭ سەلبەستىگى ءدال ساتىندە تۇر. ەكى ەل ۇكىمەتتەرى وزدەرىنىڭ جەرگىلىكتى ورىندارىنىڭ سەلبەستىك بالكۇلشەسىن ۇلكەن ەتىپ جاساپ، سەلبەستىك جەتىستىكتەرىنەن بىرگە يگىلىكتەنۋىن قولدايدى. جۇڭگو مەن رەسەي ەكى ەلدىڭ ولكە، وبلىستارىنىڭ ۋاكىلدەرىنىڭ جۇڭگو مەن رەسەيدىڭ جەرگىلىكتى ورىندارىنىڭ سەلبەستىك، اۋىس - كۇيىس جىلىنىڭ شىعىس جەلىنەن پايدالانىپ، جۇڭگو مەن رەسەيدىڭ جەرگىلىكتى ورىندارىنىڭ سەلبەستىگىنىڭ جاڭا ءداۋىرىن بىرگە اشىپ، ەكى ەلدىڭ قارىم - قاتىناسىنىڭ دامۋىنا كۇش قوسۋىن ءۇمىت ەتەمىن.
  پۋتين مىنالاردى ءبىلدىردى: جەرگىلىكتى ورىندار سەلبەستىگى − جۇڭگو مەن رەسەيدىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ ماڭىزدى قۇرامداس بولىگى. ەكى ەلدىڭ جەرگىلىكتى ورىندارىنىڭ تىعىز ەكونوميكا - ساۋدا جانە گۋمانيتارلىق اۋىس - كۇيىس سەلبەستىگىن ورىستەتكەنىنە ەرەكشە قۋانىشتىمىن. رەسەي ۇكىمەتى جۇڭگو كاسىپورىندارىنىڭ رەسەيگە كەلىپ قارجى قوسىپ، شارۋاشىلىقتى گۇلدەندىرۋىن قارسى الادى، ەكى ەلدىڭ جەرگىلىكتى ورىندارىنىڭ سەلبەستىگىن كۇشەيتۋگە ۇزدىكسىز تۇردە تاماشا شارت - جاعداي مەن ورتا ازىرلەۋدى قالايدى. جاڭا جاعدايدا رەسەي مەن جۇڭگو ەكى جاق جەرگىلىكتى ورىنداردىڭ سەلبەستىك، اۋىس - كۇيىس جىلىن تاماشا وراي ەتىپ، ءوزارا بايلانىس دەڭگەيىن ءوسىرىپ، ساۋدا مەن قارجى قوسۋدىڭ ەركىندەنۋىن، قولايلىلانۋىن ىلگەرىلەتىپ، حالىقتار ارا دوستىقتى كۇشەيتىپ، ەكى ەلدىڭ جەرگىلىكتى ورىندارىنىڭ سەلبەستىگىنىڭ ەكى ەل حالىقتارىن ءتىپتى كوپ يگىلىككە كەنەلتەتىن جەتىستىكتەرگە قول جەتكىزۋىن ىلگەرىلەتۋى كەرەك.
  وسى جولعى كەڭەستىڭ نەگىزگى تاقىرىبى − «جاڭا داۋىردەگى جۇڭگو مەن رەسەيدىڭ جەرگىلىكتى ورىندارىنىڭ سەلبەستىگى». جۇڭگونىڭ ىشكى موڭعۇل اۆتونوميالى رايونى، لياۋنيڭ ولكەسى، جيلين ولكەسى، حيلۇڭجياڭ ولكەسى، جياڭسۋ ولكەسى، جىجياڭ ولكەسى، شاندۇڭ ولكەسى، سىچۋان ولكەسى، گۋاڭدۇڭ ولكەسى سياقتى 9 ولكە اۆتونوميالى رايونىنىڭ جاۋاپتىلارى جانە رەسەيدىڭ پريمورە شەكارا رايونى، حاباروۆسكى شەكارا رايونى، امۋر وبلىسى، ەۆرەي اۆتونوميالى وبلىسى، زابايقال شەكارا رايونى، تاتارستان رەسپۋبليكاسى، تومەنگى نوۆگورود وبلىسى، يركۋتسكى وبلىسى، موسكۆا وبلىسى، سۆەردلوۆسكى وبلىسى، ياروسلاۆ وبلىسى، تۋلا وبلىسى، چەچەن رەسپۋبليكاسى سياقتى 13 فەدەراتسيالىق تۇلعانىڭ جاۋاپتىلارى كەڭەسكە قاتىناستى.
  كەڭەستەن كەيىن، ەكى ەلدىڭ مەملەكەت باسشىلارى ءبىر اۆتوموبيلگە وتىرىپ قيىر شىعىس كەلبەتى كوشەسىنە جول الدى. شي جينپيڭ مەن پۋتين قيىر شىعىس كەلبەتى كوشەسىنە بارعان كەزدە، سول جەردەگى جاستار مەن ورەندەر جۇڭحۋا ۋشۋ ونەرىن كورسەتىپ، ەكى ەلدىڭ مەملەكەت باسشىلارىن قارسى الدى. شي جينپيڭ پۋتينمەن بىرگە امۋر وبلىسىنىڭ ەكونوميكالىق دامۋى جانە جۇڭگومەن سەلبەستىگى جونىندەگى فوتو سۋرەت كورمەسىن، سونداي - اق حيلۇڭجياڭ ولكەسى مەن امۋر وبلىسىنىڭ ءداستۇرلى قولونەر كورمەسىن تاماشالاپ، حيلۇڭجياڭ ولكەسى مەن امۋر وبلىسىنىڭ گۋمانيتارلىق سالاداعى دوستىق اۋىس - كۇيىس جاعدايى جونىندەگى تانىستىرۋدى تىڭدادى. ەكى ەلدىڭ مەملەكەت باسشىلارى ىلە - شالا بالىق بازارىن جانە رەسەي جاستارىنىڭ جوعارى تەحنيكا كورمەسىن ەكسكۋرسيالادى. ەكى ەلدىڭ مەملەكەت باسشىلارى ەرەكشە قىزىعۋشىلىقپەن سول جەردىڭ ەرەكشە تاعامىن جاساپ كوردى ءارى جۇرتشىلىقپەن ىقىلاستى تۇردە اڭگىمەلەستى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە