جاڭا حابارلار

شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى

    كەلۋ قاينارى: شينجياڭ گازەتى    2018-09-13 18:19:29  

9 - ايدىڭ 11 - كۇنى مەملەكەت ءتوراعاسى شي جينپيڭ ۆلاديۆوستوكتا رەسەيدىڭ زۇڭتۇڭى پۋتينمەن كەڭەس وتكىزدى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

 شينحۋا اگەنتتىگىنىڭ 9 - ايدىڭ 11 - كۇنى ۆلاديۆوستوكتان بەرگەن حابارى (تىلشىلەر حۋ شياۋگۋاڭ، لو جۇن، جىڭ شياۋيى). مەملەكەت ءتوراعاسى شي جينپيڭ 9 - ايدىڭ 11 - كۇنى ۆلاديۆوستوكتا رەسەيدىڭ زۇڭتۇڭى پۋتينمەن كەڭەس وتكىزدى. ەكى ەلدىڭ مەملەكەت باسشىلارى ءبىر اۋىزدان بىلاي دەپ قارادى: بيىل جىل باسىنان بەرى، جۇڭگو - رەسەي قاتىناسىندا اناعۇرلىم بەلسەندى دامۋ جاعدايى جارىققا شىعىپ، اناعۇرلىم جوعارى دەڭگەيلى، اناعۇرلىم تەز دامىعان جاڭا مەزگىلگە قادام قويدى. مەيلى حالىقارالىق جاعدايدا قانداي وزگەرس بولسا دا، جۇڭگو مەن رەسەيدىڭ ەكى ەل قاتىناسىن باتىل ويداعىداي دامىتىپ، دۇنيە ءجۇزىنىڭ بەيبىتشىلىگىن، ورنىقتىلىعىن باتىل ويداعىداي قورعايتىندىعىنا ءبىر اۋىزدان قوسىلدى.
  شي جينپيڭ مىنانى اتاپ كورسەتتى: بيىل جىل باسىنان بەرى، مەن زۇڭتۇڭ مىرزامەن جەكە - جەكە بەيجيڭدە جانە يوگاننەسبۋرگتە توتەنشە ناتيجەلى كەڭەس وتكىزدىم. جۇڭگو مەن رەسەيدىڭ جوعارى جىكتەگىلەردىڭ ءجيى بارىس - كەلىسىن ساقتاۋى ەكى ەل قاتىناسىنىڭ جوعارى دەڭگەيىن جانە ەرەكشەلىگىن ايگىلەدى ءارى ەكى ەل قاتىناسىنىڭ ءوز تاراپتارىنىڭ ديپلوماتيالىق كۇن تارتىبىندەگى ماڭداي الدى ورنىن كورنەكتىلەندىردى. ەكى جاقتىڭ بىرگە قۇلشىنۋىندا، ەكى ەل قاتىناسىنىڭ ساياسي ارتىقشىلىقتارى ناقتى سەلبەستىك تابىستارىنا ۇزدىكسىز اينالۋدا. ەكى جاق ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن ءوزارا باتىل قولداپ، وزدەرىنىڭ حاۋىپسىزدىگى مەن دامۋ ۇقىق - مۇددەسىن قورعاۋىن باتىل قولداپ، ءىرى ەل، كورشى ەل قاتىناسىنىڭ تيپتىك ۇلگىسىن كورسەتتى. ەكى جاق ءداستۇرلى دوستىقتى بەكەمدەپ، جاپپاي سەلبەسۋدى كۇشەيتىپ، جۇڭگو مەن رەسەيدىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ تاعى دا بيىك بەلەسكە كوتەرىلۋىن ىلگەرىلەتىپ، ەكى ەل حالقىن ونان ارى يگىلىككە كەنەلتۋ كەرەك.
  شي جينپيڭ مىنانى باسا دارىپتەدى: جۇڭگو مەن رەسەي «ءبىر بەلدەۋ، ءبىر جولدى» بىرگە قۇرۋ مەن ەۆروپا - ازيا ەكونوميكالىق وداعىن ۇشتاستىرۋ سەلبەستىگىن تەرەڭدەتىپ، ەنەرگيا، اۋىل شارۋاشىلىعى، عىلىم - تەحنيكادا جاڭالىق اشۋ، فينانس سياقتى سالالارداعى سەلبەستىكتى كەڭەيتىپ، ءتۇيىندى نىسانداردىڭ ورنىقتى اتقارىلۋىن ىلگەرىلەتىپ، الدىڭعى لەكتەگى عىلىم - تەحنيكانى بىرگە زەرتتەپ اشۋدى كۇشەيتىپ، بيىل جانە كەلەر جىلى جۇڭگو مەن رەسەيدىڭ جەرگىلىكتى ورىندارىنىڭ سەلبەستىك، اۋىس - كۇيىس جىلى ورايىنان ويداعىداي پايدالانىپ، ەكى ەلدىڭ مۇنان دا كوپ جەرگىلىكتى ورىندارىنىڭ بەلسەندىلىگىن جۇمىلدىرىپ، اناعۇرلىم كەڭ كولەمدە سەلبەستىك ورىستەتۋ كەرەك.
 شي جينپيڭ مىنانى اتاپ كورسەتتى: ءبىر - ءبىرىنىڭ ءىرى قيمىل وتكىزۋىن ءوزارا قولداۋ − جۇڭگو - رەسەيدىڭ تاماشا ءداستۇرى. شىعىس ەكونوميكالىق تالقى مىنبەرى زۇڭتۇڭ مىرزانىڭ ءوزى باس بولىپ دارىپتەۋىمەن وتكىزىلدى، بۇل ءار جاقتىڭ اقىل - پاراساتىن شوعىرلاندىراتىن، وڭىرلىك سەلبەستىكتى بىرگە اقىلداساتىن ماڭىزدى تۇعىرعا اينالدى. وسى كەزەكتى تالقى مىنبەرىنىڭ ەكى جاقتىڭ قيىر شىعىس سەلبەستىگىن ءوز ىشىنە العان جەرگىلىكتى ورىندار سەلبەستىگىن تەرەڭدەتۋگە جاڭا وراي اكەلەتىندىگىنە سەنەمىن.
  شي جينپيڭ مىنانى باسا دارىپتەدى: جۇڭگو دا، رەسەي دە ب م ۇ حاۋىپسىزدىك القالار كەڭەسىنە تۇراقتى القا ەلدەر جانە بازارى جاڭادان گۇلدەنگەن نەگىزگى ەلدەر، دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ، دامۋدى، گۇلدەنىپ - كوركەيۋدى جەبەۋ ماڭىزدى مىندەتىن ارقالاپ وتىر. جۇڭگو - رەسەي ب م ۇ، شاڭحاي سەلبەستىك ۇيىمى، بريكس ەلدەرى سياقتى كوپ جاقتى جۇلگەدە ءجيى كەڭەسىپ جانە تىعىز سايكەسىپ، حالىقارالىق قوعاممەن بىرگە قولامتالى ماسەلەلەردى ساياسي جولمەن شەشۋ اياق الىسىن ىلگەرىلەتىپ، حالىقارالىق ادىلدىكتى، تۋراشىلدىقتى جانە دۇنيە ءجۇزىنىڭ بەيبىتشىلىگىن، ورنىقتىلىعىن تىزە قوسا قورعاپ، ب م ۇ ەرەجەسىنىڭ تۇپكى ماقساتى مەن پرينسيبىن بۇلجىماي قورعاپ، سىڭار جاقتىلىق پەن ساۋدا قورعامپازدىعىنا بىرگە قارسى تۇرىپ، جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.
  پۋتين مىنانى ءبىلدىردى: ءتوراعا شي جينپيڭنىڭ شىعىس ەكونوميكالىق تالقى مىنبەرىنە ۇسىنىسپەن قاتىناسقاندىعىنا شىن جۇرەكتەن العىس ايتامىن ءارى قىزۋ قارسى الامىن. ءتوراعا شي جينپيڭ ەكەۋىمىزدىڭ ءجيى بارىس - كەلىستى ساقتاۋىمىز رەسەي - جۇڭگو قاتىناسىنىڭ جوعارى دەڭگەيىن ايگىلەيدى. تاياۋ جىلداردان بەرى، رەسەي - جۇڭگو قاتىناسىندا سەرپىندى دامۋ جاعدايى جارىققا شىعىپ، ەكى جاقتىڭ ءوزارا سەنىمى كۇن سايىن كۇشەيىپ، ساياسي، ەكونوميكا، حاۋىپسىزدىك سياقتى اۋقىمدى سالالارداعى سەلبەستىگى سۇبەلى ناتيجە بەردى. ەكى جاق ەۆروپا - ازيا ەكونوميكالىق وداعى مەن «ءبىر بەلدەۋ، ءبىر جولدى» ۇشتاستىرۋ سەلبەستىگىن ۇزدىكسىز ىلگەرىلەتىپ، قارجى قوسۋ، ەنەرگيا، عارىش، فينانس، ەلەكتروندى ساۋدا سياقتى سالالاردا سەلبەستىكتى كەڭەيتىپ، گۋمانيتارلىق اۋىس - كۇيىستى جيىلەتىپ، جەرگىلىكتى ورىنداردىڭ سەلبەستىگىن جەبەۋ كەرەك. رەسەي مەن جۇڭگونىڭ كەزەكتەگى حالىقارالىق جاعداي جونىندەگى ءبىرسىپىرا كوزقاراستارى بىركەلكى، ەكى جاق حالىقارالىق ىستەردە سايكەسۋ مەن سەلبەسۋدى كۇشەيتىپ، سىڭار جاقتىلىقتى باتىل اۋىزدىقتاپ، ءادىل، ۇيلەسىمدى حالىقارالىق ءتارتىپتى قورعاپ، بىرگە دامۋدى، گۇلدەنىپ - كوركەيۋدى جۇزەگە اسىرۋ كەرەك.
  ەكى جاق تاعى ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىردى.
  كەڭەستەن كەيىن، ەكى ەلدىڭ مەملەكەت باسشىلارى كوپ ءتۇرلى ەكى جاقتى سەلبەستىك حۇجاتتارىنا قول قويۋعا بىرگە كۋا بولدى ءارى تىلشىلەرمەن كەزدەستى.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە