جاڭا حابارلار

فۋجيان- جىجياڭ- جياڭشي توڭكەرىستىك بازاسىنداعى ›قورشاپ جويۋعا‹ قارسى سوعىستىڭ قولباسشىسى ـــ پىڭ گانچىن 

    كەلۋ قاينارى: شينجياڭ حالىق راديو ىستانسياسى    2018-09-13 10:13:23  

 : «فۋجيان- جىجياڭ- جياڭشي توڭكەرىستىك بازاسىنداعى ›قورشاپ جويۋعا‹ قارسى سوعىستىڭ قولباسشىسى ـــ پىڭ گانچىنمەن (彭干臣 )    پىڭ گانچىن ـــ 1899-جىلى انحۇي ولكەسىنىڭ يىڭشان اۋدانىندا (قازىر حىبەي ولكەسىنە قاراستى) دۇنيەگە كەلگەن، 1919-جىلى انحۇي ولكەلىك 1- پەداگوگيكا مەكتەبىنە قابىلدانادى. 1921-جىلى 4-ايدا جۇڭگو سوتسياليستىك جاستار وداعىنا، 1923-جىلى 12-ايدا جۇڭگو كوممۋنيستىك پارتياسىنا مۇشە بولادى.    1924-جىلى 5-ايدا، انحۇي پارتيا ۇيىمى پىڭ گانچىندى شۇي جيشىندارمەن (许继慎)  بىرگە حۋاڭفۋ اسكەري مەكتەبىنىڭ ءبىرىنشى قارارىنا تاڭداپ  جىبەرەدى. 1925-جىلى 1-ايدا ول تۇڭعىش رەت شىعىسقا جورىق سوعىسىنا قاتىناسادى، سوعىستا ەلەۋلى ەڭبەك كورسەتكەندىكتەن، يىڭنىڭ پارتيا ۋاكىلى بولادى. 6-ايدا شاڭحايعا بارىپ جۇمسشىلار قوزعالىسىن ورىستەتەدى. 10-ايدا سوۆەت وداعىنا بارىپ، موسكۋا شىعىس داشۋەسى اسكەري ىستەر كلاسىنا قابىلدانىپ، جۋ دىلارمەن بىرگە وقىيدى.        1926-جىلى كۇزدە، پىڭ گانچىن بۇيىرىق بويىنشا مەرزىمىنەن بۇرىن وقۋىن تاۋىسىپ ەلگە ورالىپ، يە تيڭنىڭ دەربەس تۋانىنا قوسىلىپ، سولتۇستىككە جورىق سوعىسىنا قاتىناسادى. 1927-جىلى 3-ايدا، پىڭ گانچىن ورتالىقتىڭ نۇسقاۋىمەن، ءبىر توپ اسكەري ىستەر تىرەكتىسىن باستاپ، استىرتىن شاڭحايعا بارىپ، 3-رەتكى جۇمىسشىلار قارۋلى كوتەرىلىسىنە قاتىناسىپ، جۋ ىنلايدىڭ قولباسشىلىعىنداعى جۇمسشىلار شايقاسىنا كومەك بەرەدى. 5-ايدا جۋ ىنلايدى  قورعاپ ۋحانعا جەتكىزىپ سالادى.    زور توڭكەرىس جەڭىلىسكە ۇشىراعاننان كەيىن، پىڭ گانچىن اۋىلىنا قايتىپ، توڭكەرىستىك قيمىلداردى ۇيىمداستىرادى، كەيىن نانچاڭعا بارىپ، كوتەرىلىسكە قاتىناسقان ۇيىمداردى  قايتالاي اتتانىسقا كەلتىرۋ قىزمەتىن ىستەيدى. 1929-جىلى كوكتەم مەن جاز ارالىعىنان 1930-جىلى 5-ايعا دەيىن، جۋ ىنلايدىڭ باسشىلىعىندا شاڭحايدا اشىلعان ورتالىق اسكەري-ساياسي كادرلاردى تاربيەلەۋ كۋرسىنا قاتىناسىپ، ءبىر توپ اسكەري-ساياسي باسشى كادردى تاربيەلەيدى. 1929-جىلى 8-ايدا ج ك پ ورتالىق كوميتەتى اسكەري ىستەر ءبولىمى اسكەري ىستەر كوميتەتىنىڭ مۇشەسى بولادى.     1930-جىلى 5-ايدا ج ك پ ءمانجۋريا ولكەلىك پارتكوم اسكەري ىستەر كوميتەتىنىڭ شۋجيى بولىپ، شىعىس سولتۇستىك بولەكتىڭ اسكەري ىستەر سوعىسىن استىرتىن ۇيىمداستىرادى. 12-ايدا ج ك پ شۇنجى ولكەلىك پارتكوم اسكەري ىستەر كوميتەتىنىڭ شۋجيى بولادى. 1931-جىلى جازدا شاڭحايعا قايتىپ بارىپ، جۋ ىنلايدىڭ باسشىلىعىنداعى ورتالىق اسكەري ىستەر كوميتەتىنىڭ كۇندەلىكتى قىزمەتىنە كومەكتەسەدى، ءارى جاپون شاپقىنشىلارىنا قارسى تۇرىپ، وتاندى قۇتقارۋ قيمىلىمەن اينالىسادى.  1934-جىلى 11-ايدا، پىڭ گانچىن فاڭ جىميننىڭ ( 方志敏 ) باسشىلىعىنداعى قىزىل ارميانىڭ سولتۇستىكتە جاپون شاپقىنشىلارىنا قارسى تۇرۋ اتويشىلار قوسىنا قاتىناسىپ، جىجياڭ-جياڭشى، انحۇي-جياڭشى شەكارالارىندا، جاپون شاپقىنشىلارىنا قارسى دەموكراتيالىق قوزعالىس  ورىستەتىپ، پارتيزاندىق سوعىس قوزعاپ، بازا قۇرىپ، جاۋدى شىرعالاپ، ورتالىق قىزىل ارمياسىنىڭ قىسىمىن باسەڭدەتەدى. 1935-جىلى 1-ايدىڭ ورتا شەنىندە، پىڭ گانچىن شاڭ-راۋ قالاسى مەن دى-شيڭ قالاسىنىڭ ارالىعىنداعى حۋان-يۇي-شان وڭىرىندەگى شايقاستا، 35 جاسىندا ەرلىكپەن قۇربان بولادى. 


بەرىپ كەت ورامالىڭدى

دوستار

الىستاعى اق ەركە