جاڭا حابارلار

 قاجىرلىلىقپەن كۇرەس جاساپ، ويلاعان ارمانىنا تالپىنعان ۋاڭ چيشىڭ  

    كەلۋ قاينارى: شينجياڭ حالىق راديو ىستانسياسى    2018-09-13 10:16:31  

  ستانسيامىزدىڭ ءتىلشىسى حاميتتىڭ حابارى :ءۇرىمجى قالاسىنىڭ تۇرعىنى ۋاڭ چيشىڭنىڭ جاس كەزىندە ءبىر رەتكى توسىن جاعداي سەبەبنەن ەكى كوزى كورمەي قالادى، ءبىراق وسى توسىن جاعداي ونىڭ جىگەرىن مۇقالتا المادى، ول  ۋقالاۋ ونەرىن قاجىرلىلىقپەن ۇيرەنىپ، ءوز كاسىبىن باستاۋدان سىرت، تاعى مۇمكىندىگى شەكتەۋلى جانداردىڭ كاسىپتەنۋىنە قول ۇشىن بەردى.     ۋاڭ چيشىڭ كەلگەن قاريدارعا بۇدان بىلاي وتىرىسىنا ءمان بەرۋ كەرەكتىگىن ەسكەرتتى، قاريدار ودان مويىن ومىرتقاسىنىڭ قانداي ەكەنىن سۇرادى.    ءۇرىمجى قالاسىنىڭ جيانگو كوشەسىندەگى چيشىڭ ۋقالاۋ ورىنىندا، ۋاڭ چيشىڭ قاريدارىن مۇقيات ۋقالاپ ەمدەپ جاتتى. ول تىلشىگە: « قازىر دۇكەنىمدە 10 جۇمىسشى بار، قاريدارلار الدىن الا تاپسىرىس بەرەدى»،-دەدى. ۋاڭ چيشىڭ 20 جاسىندا قۇرىلىس ورنىندا جۇمىس ىستەپ جۇرگەندە توسىن جاعداي تۋىلىپ، ەكى كوزىنەن ايىرىلادى، بۇل وعان اۋىر سوققى بولادى. ءبىر جىلدان كەيىن، ۋاڭ چيشىڭ دوسىنىڭ تانىستىرۋىمەن، حىنان ولكەلىك ۋقالاۋ كاسىپتىك مەكتەبىندە وقىيدى. ول بىلاي دەدى:« العاشقى جىلى نە ىستەرىمدى بىلمەي داعداردىم. ءبىر كۇنى ءبىر توپ ادام كەلىپ، بىرەۋدىڭ جارالانىپ قالعانىن، زۋزامەن كوتەرىپ اكەلۋ كەرەكتىگىن ايتتى،  ۇستازىمىز  ونى ەمدەگەننەن كەيىن، مولشەرمەن جارىم ساعاتتان سوڭ، ول ورىنىنان تۇرىپ ءجۇرىپ كەتتى. سونىمەن مەن بۇل كورۋ قۋاتىنان ايىرىلعانداردىڭ  تۇرمىس ماسەلەسىن شەشەتىن كاسىپ ەمەس، قايتا ونىڭ ءبىر ونەر ەكەنىنە كوزىم جەتتى. وقۋ تاۋىسقاندا دياگنوز قويۋ ساباعىنان تولىق ءنومىر ورىندادىم، دەمالىستا ۇيگە قايتپاي، مەكتەپتە قالىپ ۇستازدان  ۇيرەنۋ بەكىمىنە كەلدىم، بالالار ءبولىمى، ىشكى اۋرۋلار ءبولىمى جانە ايەلدەر بولىمىنە ساياتىن بىلىمدەردى تۇگەل ۇيرەندىم. »   وقۋ تاۋسقاننان كەيىن، ۋاڭ چيشىڭ مەكتەپتە قالىپ وقىتۋشى بولۋ تاماشا ورايىنان ءباز كەشىپ، ۇرىمجىگە قايتىپ، ۇيىندە 7 جىل ناۋقاس كورەدى. نەكەلەنگەننەن كەيىن، جۇبايىنىڭ قولداۋىمەن، ۋاڭ چيشىڭ تىڭ كاسىپتىڭ كوزىن اشىپ ۋقالاۋ ورنىن قۇرادى. ول جۇبايىنىڭ قولداۋىندا جانە جاناشىر جانداردىڭ كومەگىندە، كاسىپ كوزىن اشۋ جولىنا تۇسكەنىن ايتا كەلىپ، بىلاي دەدى: «ەشكىمنىڭ دە بىزگە ءۇيىن جالعا بەرگىسى كەلمەدى، ولار بىزدەن كەيىن ءۇيدىڭ جالاقىسىن بەرە الماساڭدار قايتەسىڭدەر دەپ سۇرادى. كەيىن قاريدالار مەنىڭ ونەرىمدى مويىنداعاننان كەيىن، بارلىعى كەلىپ ناۋقاس كورسەتەتىن بولدى، سەنىم دە ارتا ءتۇستى. »      ەل اۋزىنا ىلىنگەن ۋقالاپ ەمدەۋ ورنىنىڭ ساۋداسى بارعان سايىن كۇسەت بولدى. قازىر، ۋاڭ چيشىڭنىڭ ۇرىمجىدە 3 ۋقالاپ ەمدەۋ ورنى بار ءارى ىلگەرىندى-كەيىندى 100 دەن استام شاكىرت تاربيەلەپ وتىر. كورۋ قۋاتى ءالسىز لي چۇن تىلشىگە ۋاڭ چيشىڭنىڭ ۋقالاۋ ورنىندا 10 جىل ىستەگەنىن ايتا كەلىپ بىلاي دەدى: «كورۋ قۋاتى السىزدەر جونىنەن سىرتقا شىعىپ جۇمىس سىتەۋ وتە قيىن، ۋاڭ شيپاگەر كورۋ قۋاتىنان ايىرىلعان ءبىر توپ ادامنىڭ كاسىپ كوزىن اشۋىنا جانە دامۋىنا وراي جاراتىپ بەردى،  وسى جەرگە كەلگەننەن كەيىن كوپشىلىك ءبىر ءۇيلى جانداي وتتىك،  ول ۋاقىتى شىقسا بولعانى بىزگە جەتەكشىلىك ەتىپ، قالاي ىستەۋدى، اۋرۋ جاعدايىن قالاي ءبىر جايلى ەتۋدى ۇيرەتەدى.»    ۋاڭ چيشىڭ ءوزىنىڭ ەڭ ۇلكەن ارمانى ۇرىمجىدەن ۋقالاپ ەمدەۋ شيپاحاناسىن اشۋ ەكەنىن، قازىر وسى ءۇشىن قۇلشىنىپ جاتقانىن ايتا كەلىپ: « قاجىرلى قۇلشىنىس، ۇمىتكەرلىك، بەرىك سەنىم، العان بەتىنەن قايتپايتىن مىزعىماس رۋح بولعاندا عانا، قانشا اۋىر قيىنشىلىقتار بولسادا جەڭۋگە بولادى» ،-دەدى.


بەرىپ كەت ورامالىڭدى

دوستار

الىستاعى اق ەركە