جاڭا حابارلار

ساياحاتتى دامىتۋدى جەبەپ، بيڭتۋان ەرەكشەلىگىنە يە ءبىر توپ ساياحات كورىنس تۇيىنى مەن  ساياحات لەنياسىن قالىپتاستىردى

    كەلۋ قاينارى: شينجياڭ حالىق راديو ىستانسياسى    2018-09-13 10:23:30  

  قۇمىل راديو ستانسياسىنىڭ تىلشىلەرى ديڭ ليڭليڭ مەن گو زى-يدىڭ حابارى:شينجياڭ ءوندىرىس قۇرىلىس بيڭتۋانى 13- شىسى اسكەري تىڭ يگەرۋ مادەنيەتىن ارقاۋ ەتىپ، توڭكەرىستىك ورىندارعا ساياحاتتى دامىتۋدى جەبەپ، بيڭتۋان ەرەكشەلىگىنە يە ءبىر توپ ساياحات كورىنس تۇيىنى مەن  ساياحات لەنياسىن قالىپتاستىردى. ەندى قۇمىل راديو ستانسياسىنىڭ تىلشىلەرى ديڭ ليڭليڭ مەن گو زى-يدىڭ وسى جونىندەگى حابارىن تىڭداڭىزدار: شينجياڭ ءوندىرىس قۇرىلىس بيڭتۋانى 13-شى قىزىلجۇلدىز 2-فەرماسى جەر كەپە ەسكى جۇرتىندا، ۇلكەن -كىشىلىگى ءبىر كەلكى 300 دەن استام جەر كەپە بەينە ساپ تۇزەگەن  جاۋىنگەردەي قاز- قاتار ورنالاسىپتى. «جەر كەپە» دەگەنىمىز - جەر بەتىنەن ءبىر مەتردەن ارتىق تەرەڭدىكتە  شۇڭقىر قازىلىپ، ونىڭ توڭىرەگىنە توپىراق كەرپىشتەن الاسا داۋال تۇرعىلىىپ،  توبەسى قامىسپەن  جابىلعان، ال قامىستىڭ ۇستىنە ءشوپ توسەلىپ، ىلاي قۇيىلعان، سول جىلدارداعى ساقا اسكەري تىڭ يگەرۋشىلەردىڭ شينجياڭعا كەلىپ تىڭ يگەرگەن كەزدەگى تىرشىلىك ەتكەن جانە قىزمەت ىستەگەن جەرى. قازىر، وسى ەسكى جۇرت ــ بيڭتۋان كولەمىندەگى ساقتالۋى ەڭ كەمەلدى، كولەمى ەڭ ۇلكەن جەر كەپە ەسكى جۇرتى.    2010- جىلى 10-ايدا، قىزىلجۇلدىز 2-فەرماسىنداعى جەر كەپە جۇرتى ساياحات كورىنىس ءتۇينى بولىپ بەلگىلەنىپ، ساياحاتشىلارعا اشىلدى. قازىر، ءار جىلى  وسى اراعا كەلەتىن ساياحاتشى 10 مىڭ ادام رەتكە جەتەدى. 27 جاستاعى جاۋ نان-نان: «سەرۋەن باسىنىڭ تانىستىرۋىن دەن قويا تىڭداعانىن ءارى جەر كەپەگە كىرىپ جەر كەپەدەگى تۇرمىستى شىنايى سەزىنگەنىن ايتا كەلىپ بىلاي دەدى: «بۇل ارانى كورگەننەن كەيىن، اعا بۋىنداردىڭ تۇرمىسىنىڭ قانشالىقتى جاپالى بولعانىن، وسىنداي جاپالى شارت-جاعدايدا، وسى جەرگە تامىر تارتىپ شەكارانى كوركەيتكەنىنە كۋا بولدىم، قازىرگى قوعامدا جاساپ وتىرعان بىزدەر تاماشا تۇرمىستى قاستەرلەۋىمىز كەرەك.»   ساياحاتشى شۇي پەيفا : «بيڭتۋاندىقتاردىڭ ەڭبەكشىل، قاجىرلى رۋحىن ساۋلەلەندىرۋىمىز كەرەك، اناعۇرلىم كوپ جاستىڭ وسى جەرگە كەلىپ ەكسكورتسيالاپ، اعا بۋىنداردىڭ رۋحىنان ۇيرەنۋىن ءۇمىت ەتەمىن» ،-دەدى.      قىزىلجۇلدىز 2-فەرماسىنان دەمالىسقا شىققان ما جانفاڭ كىشكەنتاي كەزىندە وسى جەردە تۇرىپتى، ول جەر كەپەگە دەگەن وزگەشە سۇيىسپەنشىلىگىن ءبىلدىرىپ: «جەر كەپەنى كورگەندە ۇلكەندەر جانە ولاردىڭ جاپا-ماشاقاتتى تۇرمىسى ەسىمە ءتۇستى، ءبىز بۇرىن وسى جەردە تۇرعانبىز، سول كەزدە قازىرگىدەي ساۋلەتتى عيماراتتا تۇراتىنىمىزدى ويلاپ تا كورمەپپىز»،-دەدى.  سوڭعى جىلداردان بەرى، بيڭتۋان 13-شىسى قىزىلجۇلدىز رۋحىن ۇزبەي ساۋلەلەندىردى ءارى اسكەري تىڭ يگەرۋ مادەنيەتىن ارقاۋ ەتىپ، ءبىر توپ توڭكەرىستىك ساياحات كورىنىس ءتۇيىنىن قالىپتاستىردى. جەر كەپە جۇرتى، اسكەري تىڭ يگەرۋ كورمەسى، قىزىلجۇلدىز 1-فەرماسى تاريحى كورمەسى سياقتىلار 13-شىداعى، ءتىپتى، قۇمىل قالاسىنداعى ءتۇيىندى ساياحات كورىنىس رايونىنا اينالدى. كەلەسى قادامدا، 13-شى ساياحات پەن اۋىل شارۋاشىلىعىن، ساياحات پەن ونەركاسىپتى، ساياحات پەن قىزمەت وتەۋ كاسىبىن ۇشتاستىرعان ۇلگىدەن پايدالانىپ، بيڭتۋان ەرەكشەلىگىنە يە ءبىر توپ ساياحات كورىنىس ءتۇيىنىن قالىپتاستىرۋدى جوسپارلاۋدا. بيڭتۋان 13-شى ساياحات مەكەمەسىنىڭ قىزمەتكەرى سۇڭ يۇي بىلاي دەدى: «توڭكەرىستىك اسكەري تىڭ يگەرۋ مۇراجايى قۇرىلىسىن كورنەكتى ءتۇيىن ەتىپ، جەر كەپە ەسكى جۇرتى، اسكەري تىڭ  يگەرۋ مادەنيەت الاڭى، اسكەري تىڭ يگەرۋ كينو-تەلەتەاتر بازاسى سياقتى توڭكەرىستىك ساياحات كورىنىس تۇيىندەرىن اشۋ قۇرىلىسىن  بىرتىندەپ جۇزەگە اسىرىپ، ءبىر توپ توڭكەرىستىك ساياحات  ءتۇيىنى لەنياسىن كۇش سالا قالىپتاستىرىپ، توڭكەرىستىك ساياحاتتى ەكولوگيالىق ساياحات، اۋىل شارۋاشىلىق كورىنىسى ساياحاتى، كوڭىل اشۋ ساياحاتى سياقتىلارمەن ۇشتاستىرۋمەن قاتار، بيڭتۋان توڭكەرىستىك كينو-تەلەتەاتر بازارىن سالىپ، ەلىمىزدەگى ءتۇرلى  كينو-تەلەتەاتر سەرىكتەستىكتەرىمەن سەلبەسىپ، تۋان الاڭىنىڭ توڭكەرىستىك مادەنيەتىنىڭ ىقپالىن كەڭەيتۋىمىز ءتيىس.» 
 


بەرىپ كەت ورامالىڭدى

دوستار

الىستاعى اق ەركە