جاڭا حابارلار

 رايونىمىز كەدەيلەردى سۇيەمەلدەۋ سالاسىنداعى فورماشىلدىققا، تورەشىلدىككە ساياتىن 8 تيپتىك دەلونى اشىق جاريالادى

    كەلۋ قاينارى: شينجياڭ حالىق راديو ىستانسياسى    2018-09-13 10:48:23  

 ستانسيامىزدىڭ حابارى: تاياۋدا، اۆتونوميالى رايوندىق ءتارتىپ تەكسەرۋ باقىلاۋ- تەكسەرۋ كوميتەتى كەدەيلەردى سۇيەمەلدەۋ سالاسىنداعى فورماشىلدىققا، تورەشىلدىككە ساياتىن 8 تيپتىك دەلونى اشىق جاريالادى، بۇل 8 تيپتىك دەلو مىنالار:
    ءبىرىنشى، اقتاۋ اۋدانى قاراكەشىك اۋىلدىق پارتكومنىڭ بۇرىنعى شۋجيى يان دۇڭنىڭ، پارتكومنىڭ بۇرىنعى ورىنباسار شۋجيى، اۋىل باستىعى اكبار امەتتىڭ كەدەيلىكتەن قۇتىلدىرۋدان قامال الۋ ساياساتى مەن شارالارىن دايەكتىلەندىرۋ، اتقارۋ شاراسىنىڭ تەبىنسىز بولۋ ماسەلەسى. 2016- جىلى 3- ايدا، قاراكەشىك اۋىلى بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا سالىناتىن  ۇيلەردىڭ ۇلگىسىن ءوز بەتىمەن وزگەرتىپ، شوعىرلى ءبىرتۇتاس سالۋ ءتاسىلى ارقىلى 161 عيمارات سالىپ، قىستاق تۇرعىندارىنىڭ وزدەرىنە 34 مىڭ يۋاننان 83 مىڭ يۋانعا دەيىن قارجى دايىنداتىپ، بۇقارانىڭ اۋىرتپالىعىن ارتتىرعان؛ قۇرىلىس قارجىسى نەداۋىر كەم بولعاندىقتان، سۋ ـ ەلەكتر، جول سياقتى قوسىمشا ينجەنەريالار قازىرگە دەيىن بىتپەي، قىستاق تۇرعىندارى كوشىپ كىرۋگە شاراسىز قالعان. بۇدان سىرت، 2015- جىلى 12- ايدان 2016- جىلى 9- ايعا دەيىن، بۇل اۋىل اۋلا شارۋاشىلىعى، تەحنيكالىق  ونەرگە تاربيەلەۋ سياقتى كەدەيلەردى سۇيەمەلدەۋ نىسانى قارجىسىنان ءبىر ميلليون 534 مىڭ 800 يۋاندى باسقاعا جۇمساپ، ونى قىزمەت شىعىمىنا جۇمساعان. 2018- جىلى 7- ايدا، ەكەۋىنە بىردەي پارتياداعى مىندەتى مەن اكىمشىلىك مىندەتىن كۇشىنەن قالدىرۋ جازاسى بەرىلىپ، دارەجەلەرى ورىنباسار ءبولىم دارەجەلى  ءجاي قىزمەتكەر قاتارىنا تومەندەتىلدى. 
  ەكىنشى، قۇلجا اۋداندىق ورمان شارۋاشىلىعى مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى ءرانا ابىلەكىمنىڭ كەدەيلەردى سۇيەمەلدەۋ نىسانىنان يگىلىكتەنەتىن وتباسىلارىن قاتاڭ تەكسەرمەۋ، باقىلاۋى پارمەنسىز بولۋ ماسەلەسى. 2015-جىلى 3- ايدا، ءرانا ابىلەكىم تۇرپان ءيۇزى اۋىلدىق پارتكومنىڭ ورىنباسار شۋجيى، اۋىل باستىعى مىندەتىن  اتقارعان كەزىندە، وسى اۋىلدىڭ تۇرپان ءيۇزى قىستاعى مالىمدەگەن ارحيۆ تۇرعىزىلىپ، كارتچكا تاراتىلعان كەدەي وتباسىلارىنىڭ ەسىمدىگىن تەكسەرۋ وتكەلەگىن قاتاڭ مەڭگەرمەي، كەدەيلەردى سۇيەمەلدەۋگە بەرىلەتىن زاتتاردى تاراتۋدى باقىلاۋدا پارمەنسىز بولىپ، كەدەيلەردى سۇيەمەلدەۋگە ارنالعان 100  سيىردى كەدەي ەمەس وتباسىلارىنا تاراتىپ بەرىپ، كەدەي وتباسىلارىنىڭ مۇددەسى زيانعا ۇشىراعان. 2018 -جىلى 8- ايدا، ءرانا ابىلەكىمگە پارتيا ىشىندە ەسكەرتۋ جازاسى بەرىلدى.
  ءۇشىنشى، قۇتىبي اۋدانى تورعايتى قالاشىعى پارتكومىنىڭ مۇشەسى، حالىق قۇرىلتايىنىڭ ءتوراعاسى مۇراتقان جانىمقان ۇلىنىڭ قىزمەتتە جاۋاپكەرلىگىن اتقارۋى پارمەنسىز بولۋى سەبەپتى كەدەيلەردى سۇيەمەلدەۋ نىسان قارجىسىنىڭ بەكەر تۇرۋ، سىراپ بولۋ ماسەلەسى. 2016- جىلى 12- ايدا، تورعايتى قالاشىعى شيگۋ قىستاعى قۇنى 500 مىڭ يۋاندىق ۇلتتىق كەستەشىلىك نىسانىن اتقارادى، مۇندا قۇنى 256 مىڭ 700 يۋاندىق 24 كەستە تىگۋ ماشيناسى مەن تورلاۋ ماشيناسىن ساتىپ الىپ، توقىما كاسىپورىندارىمەن سەلبەسۋ تاسىلىمەن، 41 وتباسىن جابدىق ارقىلى جارناعا كىرگىزىپ، پايدانى سالىستىرما بويىنشا ۇلەستىرمەك بولادى. قوسىمشا قۇرىلعى كەمەلدەنبەگەندىگى، جۇيەلى قىزمەت وتەۋ تياناقتاندىرىلماعاندىعى سەبەپتى، 24 كەستە تىگۋ ماشيناسى 13 ايدان ارتىق ۋاقىت بەكەر تۇرىپ، كەدەيلەردى سۇيەمەلدەۋ نىسانىنىڭ كەدەي وتباسىلاردى كەدەيلىكتەن قۇتىلدىرۋدان قامال الۋداعى جەبەۋ رولى ساۋلەلەنبەي قالادى. مۇراتقان جانىمقان ۇلى تورعايتى قالاشىعىنىڭ كەدەيلەردى سۇيەمەلدەۋگە جاۋاپتى باسشىسى سالاۋاتىمەن باستى جاۋاپكەرلىكتى ارقالايدى. 2018- جىلى 6- ايدا وعان پارتيا ىشىندە ەسكەرتۋ جازاسى بەرىلدى.
 ءتورتىنشى، تولى اۋداندىق ۇلت- ءدىن ىستەرى كوميتەتى پارتگرۋپپاسىنىڭ ورىنباسار شۋجيى، مەڭگەرۋشىسى دۋمان تاۋقان ۇلىنىڭ از ۇلتتار ءىسىن دامىتۋ، كەدەيلەردى سۇيەمەلدەۋ نىسانىن باقىلاپ باسقارۋدا قىزمەت مىندەتىن وتەمەۋ، جاۋاپكەرلىگىن ادا ەتپەۋ ماسەلەسى. 2017- جىلى 3- ايدا، تولى اۋداندىق ۇلت- ءدىن ىستەرى كوميتەتى وشەتى اۋىلى داربۇتى قىستاعىنا از ۇلتتاردىڭ اۋلا شارۋاشىلىعىن دامىتۋ كەدەيلەردى سۇيەمەلدەۋ نىسانىن ءتۇسىرىپ، وسى نىساندى 20 كەدەي وتباسىعا ءبولىپ، ءار وتباسىنا 25 مىڭ يۋان كومەك اقشا بەرۋدى تالاپ ەتەدى. نىساندى اتقارۋ بارىسىندا، دۋمان تاۋقان ۇلىنىڭ قۋزاپ تەكسەرۋى پارمەنسىز، باقىلاپ- باسقارۋ جاۋاپكەرلىگى كەمشىل بولعاندىعى سەبەپتى، كەدەي ەمەس 18   وتباسى وسى نىساننان يگىلىكتەنىپ، كەدەي وتباسىلارىنىڭ مۇددەسى زيانعا ۇشىرايدى. 2018- جىلى 8- ايدا، دۋمان تاۋقان ۇلىنا پارتيا ىشىندە ەسكەرتۋ جازاسى بەرىلدى.
  بەسىنشى، ۇلىقشات اۋداندىق مال شارۋاشىلىعى، مال شيپاگەرلىگى مەكەمەسى پارتگرۋپپاسىنىڭ بۇرىنعى شۋجيى،  ورىنباسار مەكەمە باستىعى گوۋ دىليننىڭ  كەدەيلەردى سۇيەمەلدەۋ نىسانىن اتقارۋ بارىسىندا مىندەتىن ادا ەتۋى پارمەنسىز بولۋ ماسەلەسى. 2017 - جىلى 4 - ايدان 11- ايعا دەيىن، گوۋ دىلين اۋداننىڭ  كەدەيلەردى سۇيەمەلدەۋگە ارنالعان ءىشتى ءماشى ساتىپ الۋ نىسانىنا جاۋاپتى بولۋ بارىسىندا، قىزمەت جاۋاپكەرلىگى ءالسىز، ستيلدە شىنايى ەمەس، تەكسەرىپ وتكىزىپ الۋدا قاتاڭ بولماعاندىعى، كەيىنگى ىندەتتىڭ الدىن الۋ جانە ونى ەمدەۋ شاراسىن تياناقتاندىرماعاندىعى سەبەپتى، ءىشتى ءماشى كەدەي وتباسلارىنا تاراتىلعاننان كەيىن، ىلگەرىندى - كەيىندى مۇنىڭ 120 دان ارتىعى ىندەت سالدارىنان ءولىپ قالادى. كەدەيلەردى سۇيەمەلدەۋگە تاراتىلعان ءىشتى ءماشىنىڭ ىندەتتەن ولگەن جاعدايىنان حابار تاپقاننان كەيىن، گوۋ دىلين توقتامداعى ۋادە بويىنشا، مەردىگەرلىككە قابىلدانعان جاقتى قۇتقارۋ شاراسىن قولدانۋعا قۋزاماي، كەرىسىنشە مەردىگەرلىككە قابىلدانعان جاققا 450 مىڭ يۋاندىق ساپاعا كەپىلدىك ەتۋ سوماسىن 4 كە ءبولىپ بەرەدى. 2018- جىلى 8- ايدا، گوۋ دىلينگە  پارتياداعى مىندەتىن، اكىمشىلىك مىندەتىن قالدىرۋ جازاسى بەرىلىپ،  دارەجەسى ورىنباسار ءبولىم دارەجەلى ءجاي قىزمەتكەر  قاتارىنا تومەندەتىلدى. 
التىنشى، اراسان اۋدانى اڭگىلىك قالاشىعى پارتكومىنىڭ مۇشەسى داڭ تۇڭ- اڭنىڭ قىزمەت مىندەتىن وتەمەۋ، جاۋاپكەرلىگىن اتقارماۋ، رەتتەپ وڭاۋدا كەرەناۋلىق ىستەۋ سياقتى ماسەلەسى. 2017- جىلى 4- ايدان بەرى، داڭ تۇڭ- اڭ اڭگىلىك قالاشىعىنىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا ءۇي سالۋ قۇرىلىسى قىزمەتىنە جاۋاپتى بولادى، ءمان بەرۋى جەتەرسىز، تەكسەرۋى ءالسىز، باقىلاپ باسقارۋ جاۋاپكەرلىگى كەمشىل بولعاندىقتان، وسى قالاشىقتىڭ تولى قىستاعىندا بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا ءۇي سالعاندا ادەتتەگى توپىراق پەن قۇمدى ارالاستىرىپ تام قالاعان اۋىر ساپا ماسەلەسى تۋىلادى. وبىلىس، اۋدان دارەجەلى قاتىستى تاراۋلار تەكسەرىپ اڭىس ەتكەننەن كەيىن دە، داڭ تۇڭ- اڭنىڭ پوزەتسياسى كەرەناۋ بولۋ، يدەيالىق جاقتا قارسىلاسۋ، ارەكەتى باياۋ بولۋ، رەتتەپ وزگەرتۋگە سەلبەسۋى جەتەرسىز بولۋ سياقتى احۋالدار بايقالادى. 2018 - جىلى، داڭ تۇڭ- اڭعا پارتيا ىشىندە قاتاڭ ەسكەرتۋ جازاسى بەرىلدى.
  جەتىنشى، شەريا اۋدانى چاقا اۋىلى اشي قىستاعى پارتيا ياچەيكاسىنىڭ شۋجيى نازار توقتىقۇرباننىڭ كەدەي وتباسىلاردى سارالاۋ قىزمەتىنە ات ءۇستى قاراۋ سياقتى ماسەلەسى. 2017- جىلدىڭ 3- ايى مەن 9- ايىندا، نازار توقتىقۇربان وسى قىستاقتاعى كەدەي حالىق سانىنىڭ ءجاي- جاپسارىن تەكسەرۋ، دالمە -ءدال سارالاۋ قىزمەتىنە جاۋاپتى بولعان كەزىندە، كەدەلىكتەن قۇتىلدىرۋان قامال الۋ قىزمەتىنە ءمان بەرۋى جەتەرسىز، تياناقتاندىرۋى پارمەنسىز، تەكسەرۋى ءالسىز بولىپ، قىستاق بويىنشا ارحيۆ تۇرعىزىلىپ، كارتچكا تاراتىلعان كەدەي وتباسىلاردى سارالاۋدا ءدال بولماي، كەدەي ەمەس وتباسىلارىن كەدەي وتباسى كولەمىنە ەنگىزىپ، كەدەي ەمەس 17 وتباسىنىڭ بەلگىلەمەگە قايشىلىق جاساپ،  210 مىڭ 500 يۋان كەدەيلەردى سۇيەمەلدەۋ قارجىسىنان يگىلىكتەنۋىنە سەبەپشى بولادى. 2018 -جىلى 8- ايدا، نازار توقتىقۇربانعا پارتيا ىشىندە قاتاڭ ەسكەرتۋ جازاسى  بەرىلدى.
  سەگىزىنشى، توقسۋ اۋدانى ۇشقات اۋىلى حوجاتۇراسى قىستاعى پارتيا ياچەيكاسىنىڭ شۋجيى قستاق تۇرعىندار كوميتەتىنىڭ مەڭگەرۋشىسى توقتى ءيميتتىڭ اۋىل- قىستاقتاعى تومەن كىرىستەگى تۇرمىسى قامتاماسىزداندىرىلاتىنداردى رەتتەۋ قىزمەتىندە جۇمىس بىتىرمەۋ ماسەلەسى. 2018- جىلى 1- ايدان 3- ايعا دەيىن، توقتى ءيميت قىزمەت مىندەتىن مۇقيات اتقارماي، قىستاقتاعى تومەن كىرىستەگى تۇرمىسى قامتاماسىزداندىرىلاتىنداردىڭ ينفورماتسياسىن تولىق يەلەمەگەن، باسقارۋى ناشار بولعان، اۋىلدىق حالىق ىستەرى كەڭسەسى بۇل جۇمىستىءبىتىرۋدى كوپ رەت  قۋزاسا دا، تالاپ جانە بەلگىمە بويىنشا تومەن كىرىستەگى تۇرمىسى قامتاماسىزداندىرىلاتىنداردىڭ تولىمدىعى شارتقا ۇيلەسپەيتىن ءىشىنارا وتباسىلارىنىڭ تولىمدىلىعىن كۇشىنەن قالدىرماي، وسى قىستاقتاعى 21 وتباسىداعى 41 قىستاق تۇرعىنىنىڭ بەلگىلەمەگە قايشىلىق جاساپ، 21 مىڭ 800 يۋان تومەن كىرىستەگىلەردى قامتاماسىزداندىرۋ قارجىسىن الۋىنا سەبەپشى بولعان. 2018 -جىلى 7- ايدا، توقتى يميتكە پارتيا ىشىندە ەسكەرتۋ جازاسى بەرىلدى.


بەرىپ كەت ورامالىڭدى

دوستار

الىستاعى اق ەركە