جاڭا حابارلار

 اۆتونوميالى رايوندىق  حالىق ۇكىمەتى ۇنەمىلىك ىستەر ءماجىلىسىن اشتى

    كەلۋ قاينارى: شينجياڭ حالىق راديو ىستانسياسى    2018-09-14 10:41:33  

 ستانسيامىزدىڭ حابارى: اۆتونوميالى رايوننىڭ ءتوراعاسى شوكىرات زاكىر كەشە اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، « شينجياڭنىڭ بوعدا كولى، بوعدا شىڭى جاراتىلىستىق قورىعىنىڭ 2018- جىلدان 2027- جىلعا دەيىنگى جالپى تۇلعالىق جوباسىن»، « اۆتونوميالى رايوننىڭ توپىراقتىڭ لاستانۋىنان ساقتاۋ جانە ونى وڭاۋ قىزمەتى جوباسىن اتقارۋ احۋالىن سىناق رەتىندە باعالاۋ- تەكسەرۋ ءادىسىن»، « اۆتونوميالى رايوننىڭ اشىق اسپاندى قورعاۋ شايقاسىنىڭ جەڭىسىنە قول جەتكىزۋدىڭ 2018- جىلدان 2020- جىلعا دەيىنگى 3 جىلدىق ارەكەت جوسپارىن» جانە «اۆتونوميالى رايوننىڭ قاۋىپتى، جاراقسىز زاتتاردى ءبىر ءجايلى ەتىپ پايدالانۋ قۇرىلعى قۇرىلىسىن ورنالاستىرۋ جونىندەگى جەتەكشى پىكىرىن» اقىلداستى.    

  ماجىلىستە مىنالار اتاپ كورسەتىلدى: « شينجياڭنىڭ بوعدا كولى، بوعدا شىڭى جاراتىلىستىق قورىعىنىڭ 2018- جىلدان 2027- جىلعا دەيىنگى تۇلعالىق جوباسىن» بەلگىلەۋدە، جاراتىلىستىق قورىقتى جۇيەلەندىرۋ قۇرىلىسىن باسقارۋ قىزمەتىن شىن مانىندە كۇشەيتىپ، جاراتىلىستىق قورىقتىڭ كولەمى، سيپاتى، ءتيپى سياقتىلاردى اناعۇرلىم ايقىنداۋ؛ سونىمەن قاتار، جاراتىلىستىق قورىقتاعى جاراتىلىستىق بايلىقتان لايىقتى پايدالانىپ، ەكولوگيالىق يقۋاتىن ءدالمە-ءدال تۇراقتاندىرۋعا تاماشا نەگىز دايىنداپ بەرۋ كەرەك.  

  ماجىلىستە مىنالار باسا دارىپتەلدى: توپىراقتىڭ لاستانۋىنان ساقتانۋ جانە ونى وڭاۋ ــ شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان لاستانۋدان ساقتانۋ جانە ونى وڭاۋداعى « 3 ءىرى شايقاستىڭ» ءبىرى، مەملەكەتتىڭ قاتىستى بەلگىلەمەلەرىن دايەكتىلەندىرۋ، تياناقتاندىرۋ ءۇشىن، رايونىمىز « اۆتونوميالى رايوننىڭ توپىراقتىڭ لاستانۋىنان ساقتانۋ جانە ونى وڭاۋ قىزمەتى جوباسىن اتقارۋ احۋالىن سىناق رەتىندە باعالاۋ- تەكسەرۋ ءادىسىن» بەلگىلەپ، ءارقايسى ايماق، وبىلىس، قالاداعى حالىق ۇكىمەتتەرىنىڭ توپىراقتىڭ لاستانۋىنان ساقتانۋ جانە ونى وڭاۋ قىزمەت نىساناسىن ورىنداۋ جاعدايىن ، توپىراقتىڭ لاستانۋىنان ساقتانۋ جانە ونى وڭاۋ ءتۇيىندى قىزمەتىن ورىنداۋ احۋالىن تەكسەرىپ باعالايدى.  ايماق، وبىلىس، قالالاردىڭ حالىق ۇكىمەتتەرى، قاتىستى تاراۋلار توپىراقتىڭ لاستانۋىنان ساقتانۋ جانە ونى وڭاۋ قىزمەتى جاۋاپكەرلىگىن مۇقيات اتقارىپ، قىزمەت مىندەتىن ۋاعىندا ورىنداۋعا كەپىلدىك ەتۋى ءتيىس.       ماجىلىستە مىنالار اتاپ كورسەتىلدى: اشىق اسپاندى قورعاۋ شايقاسىنىڭ جەڭىسىنە قول جەتكىزۋ ــ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكولوگيالىق ورتانى قورعاۋدى اناعۇرلىم كۇشەيتۋ  جونىندە شىعارعان ۇندەۋى، وسىعان وراي، رايونىمىز « اۆتونوميالى رايوننىڭ اشىق اسپاندى قورعاۋ شايقاسىنىڭ جەڭىسىنە قول جەتكىزۋدىڭ 2018- جىلدان 2020- جىلعا دەيىنگى 3 جىلدىق ارەكەت جوسپارىن» بەلگىلەدى. جەر-جەر مۇنى شىن مانىندە مۇقيات تياناقتاندىرىپ،اشىق اسپاندى قورعاۋ شايقاسىنىڭ جەڭىسىنە باتىل قول جەتكىزۋى كەرەك.
 
 
 


بەرىپ كەت ورامالىڭدى

دوستار

الىستاعى اق ەركە