جاڭا حابارلار

 رايونىمىزدىڭ جەر- جەرى اسا مول ساياحات بايلىعىنا سۇيەنىپ، ساياحات لەنياسىن، ساياحات ونىمدەرىن ۇزدىكسىز اشىپ، ساياحات كاسىبىنىڭ مازمۇنىن بايىتىپ، شيجياڭنىڭ ساياحاتتاعى باۋراۋ قۋاتىن كۇشەيتتى

    كەلۋ قاينارى: شينجياڭ حالىق راديو ىستانسياسى    2018-09-14 11:07:10  

   ستانسيامىزدىڭ ءتىلشىسى حاميت، فۋكاڭ راديو ستانسياسىنىڭ ءتىلشىسى تان شۋەفاڭ، بۋىرشىن راديو ستانسياسىنىڭ ءتىلشىسى لو ياڭشۋەنىڭ حابارى :
رايونىمىزدىڭ جەر- جەرى اسا مول ساياحات بايلىعىنا سۇيەنىپ، ساياحات لەنياسىن، ساياحات ونىمدەرىن ۇزدىكسىز اشىپ، ساياحات كاسىبىنىڭ مازمۇنىن بايىتىپ، شيجياڭنىڭ ساياحاتتاعى باۋراۋ قۋاتىن كۇشەيتتى.   كۇز باسىندا، تيانشان بوعدا كولى كورىنىس رايونىنداعى ورمان الۋان تۇسكە بويالىپ، تۇپ-تۇنىق سۋ، اشىق اسپاننىڭ رەڭى بەينە قانىق سىزىلعان تابيعات سۋرەتىنە ۇقساپ كەتتى، رايونىمىزدىڭ ءىشى- سىرتىنداعى ساياحاتشىلار مەن فوتو سۋرەت اۋەسكەرلەرىن بارىپ تاماشالاۋعا، سۋرەتكە الۋعا باۋرادى. ءبىر ساياحاتشى:« بوعدا كولىنىڭ اتىن ەستىگەنىمەن ۇزاق بولدى، كورىنىسى شىنىندا كوركەم ەكەن، كىسىگە اسقاق سەزىم بەرەدى ەكەن»،- دەسە، تاعى ءبىر ساياحاتشى:« كورىنىسى كوز سۇرىندىرەدى، تاۋى دا ، كولى دە ادەمى، وسى جولعى ساپارىم ءساتتى بولدى»،- دەدى.   بيىل تيانشان بوعدا كولى كورىنىس رايونىنىڭ كۇندىك قابىلدايتىن ساياحاتشى سانى تۇڭعىش رەت 20 مىڭ ادام رەتتەن استى. ءمولدىر سۋ، جاسىل تاۋ كورىكىنىڭ ۇزاق ۋاقىت ساقتالۋى ءۇشىن، تيانشان بوعدا كولى كورىنىس رايونى سوڭعى جىلدارى نەشە جۇز ميلليون يۋاننىڭ ۇستىندە قارجى قوسىپ، 300 مىڭ مۋلىق ەكولوگيالىق ورمان قۇرىلىسى، ءتابيعي ورماندى قورعاۋ، سازدىقتى قورعاۋ سياقتى ينجەنەريالاردى اتقارىپ، كورىنىس رايونىنىڭ  ورمانمەن كومكەرىلۋ مولشەرىن 2002- جىلعى %25 تەن %41.5 كە جەتكىزدى. شالعىنمەن كومكەرىلۋ مولشەرىن %34 تەن  %89 عا جەتكىزدى. تيانشان بوعدا كولىن باسقارۋ كوميتەتىنىڭ ورىنباسار مەڭگەرۋشىسى ۋاڭ چي: «تەبىندى ونان ارى ارتتىرىپ، بوعدا كولىنىڭ جاراتىلسىتىق بايلىعىن ويداعىداي ساۋلەلەندىرىپ، قۇرىلعى جابدىقتاردىڭ دەڭگەيىن جوعارىلاتۋ جانە جاقسارتۋ ارقىلى  بايلىقتى اناعۇرلىم ۇقىپتى، ورنىقتى، ءونىمدى قورعاۋعا مۇمكىندىك جاسايمىز»،- دەدى.  ءمولدىر سۋ، جاسىل تاۋ شار- تاراپتاعى ساياحاتشىلاردى باۋرادى، ءارى ماڭىنداعى ەگىنشى- مالشىلاردىڭ تاعامجايىنىڭ ساۋداسىن جانداندىردى، جەر- جەر  كوپەراتيۆ قۇرۋ ارقىلى جۇيەلى تيجارات جۇرگىزدى. باي اۋدانى كاڭچي  سازدىق كورىنىس رايونىن ارقاۋ ەتىپ، 50 نەشە قىستاق تۇرعىنى وتباسى ۇلتتىق سالت- سانا ساياحات كوپەراتيۆىن قۇردى. كاڭچي اۋىلى ارال قىستاعىنىڭ تۇرعىنى نيساگۇل اسەننىڭ كيىز ۇيىندە، ساياحاتشىلار ءان- بيلەردى تاماشالاۋمەن بىرگە، تاعامداردانءدام تاتتى، سونىمەن بىرگە كيىز ءۇي سىندى اۋىل قونالقىجايىن كورىپ ءبىلدى. نيساگۇل اسەن تىلشىگە، ساياحاتتىڭ قاۋىرت كەزىندە ، وتباسىنىڭ كۇنىنە مىڭ يۋانداي كىرىس تاپقانىن ايتىپ:«  پارتيا مەن ۇكىمەتتىڭ بىزگە وسىنشاما جاقسى تەكشە دايىنداپ بەرگەنىنە، دامۋ ورايىن جاراتقانىنا، ءتىپتى جاقسى تۇرمىسقا كەنەلتكەنىنە  العىس ايتامىز»،- دەدى.    ءمولدىر سۋ، جاسىل تاۋدىڭ ماڭىزىن كۇشەيتۋ ءۇشىن، رايونىمىزدىڭ جەر ـ جەرى ساياحات بايلىعىنا سۇيەنىپ، ءبىر توپ وزگەشە ساياحات نىسانىن ىركەس - تىركەس جۇرگىزدى  ءارى بۇرىنعى «جول الىس، سەيىلدەۋ ۋاقىتى قىسقا » بولعان جاعدايدى ءونىمدى وزگەرتىپ،  ساياحاتشىلاردىڭ ساپارىنداعى تىكە كورىپ ءبىلۋ مازمۇنىن مولايتتى. قاناس، قوم كورىنىس رايونىنا بارارداعى دامىلداۋ  بەكەتى بولعان بۋىرىشىن اۋدانى مەرەكەنى قۇتتىقتاۋ قيمىلى، ساپالى تاپسىرىستى ساياحاتتى جالپىلاستىرۋ سياقتى تاسىلدەر ارقىلى وڭىرلىك ساياحاتتى كۇش سالا دامىتتى. 9 - ايدىڭ 10 - كۇنى، بۋىرشىن اۋدانى ەلامان جاڭا قىستاعىنىڭ 3 - كەزەكتى «ەرتەگىدەگى شەكارا قالا ــ بۋىرشىن ءدامى» اتتى ءدامدى تاعامدار مەرەكەسىندە، جەر - جەردىڭ ساياحاتشىلارى الاۋ ساۋىق كەشىنە قاتىناسىپ، ەرەكشە ساياحات تاۋارلارىن ساتىپ الىپ قالماستان، تاعى گاز شارىنا، شاعىن ۇشاققا وتىرىپ، ساپالى تاپسىرىستى ساياحاتتان ءلازاتتانىپ، بۇرىنعى ساياحاتشىلاردىڭ اۋدانعا تەك ءبىر كۇن قانا تۇنەپ كەتۋ جاعدايىن ءونىمدى وزگەرتتى. بۋىرشىن اۋداندىق ساياحات مەكەمەسىنىڭ ورىنباسار باستىعى جۋ باۋيان تىلشىگە بىلاي دەدى: «بۋىرشىن اۋدانى وڭىرلىك ساياحاتتى كۇش سالا دامىتتى، ساپالى تاپسىرىستى ساياحات وتە ماڭىزدى ساياحات اۋقىمى، ول اۋىل - قىستاقتى كوركەيتۋگە تىڭ وراي اپەردى».  


بەرىپ كەت ورامالىڭدى

دوستار

الىستاعى اق ەركە