جاڭا حابارلار

سولتۇستىك شانشيدەگى قىزىل ارميا  جانە توڭكەرىستىك رايوندى قۇرۋشىلاردىڭ ءبىرى ـــ شيە زىچاڭ 

    كەلۋ قاينارى: شينجياڭ حالىق راديو ىستانسياسى    2018-09-14 11:16:05  

  «سولتۇستىك شانشيدەگى قىزىل ارميا  جانە توڭكەرىستىك رايوندى قۇرۋشىلاردىڭ ءبىرى ـــ شيە زىچاڭمەن ( 谢子长 )     شيە زىچاڭ ـــ 1897-جىلى دۇنيەگە كەلگەن، شانشي ولكەسى ءان-ديڭ اۋدانىنان، 1925-جىلى جۇڭگو كوممۋنيستىك پارتياسىنا مۇشە بولعان.  1928-جىلى 5-ايدا، شيە زىچاڭ  ۋي-حۋا كوتەرىلىسىنە قاتىناسىپ جانە وعان باسشىلىق ەتىپ، باتىس سولتۇستىك جۇمىسشى-ديقان توڭكەرىستىك ارمياسى اسكەري ىستەر كوميتەتىنىڭ مۇشەسى قوسىمشا توڭكەرىستىك ارميا 3-ۇلكەن اترەتىنىڭ باستىعى بولعان. كەيىن ج ك پ سولتۇستىك شانشي ەرەكشە كوميتەتى اسكەري ىستەر كوميتەتىنىڭ مۇشەسى بولادى. 1930-جىلى شيە زىچاڭ سولتۇستىك شانشي ارەكەت كوميتەتىنىڭ اسكەري ىستەر قولباسشىلىق شتابىنىڭ باس قولباسشىسى مىندەتىنە تاعايىندالىپ، سولتۇستىك شانشي، نيڭشيا، گانسۋ سياقتى جەرلەردە اسكەر تاسۋ قىزمەتىن ىستەيدى. 1931-جىلى 10-ايدا، شيە زىچاڭ مەن ليۋ جىداندار ( 刘志丹)  نانلياڭ پارتيزاندار اترەتى مەن سولتۇستىك شانشي پارتيزاندار تارماق اترەتىن بىرىكتىرىپ، باتىس سولتۇستىك يمپەراليزمگە قارسى وداقتاس ارميانى قۇرادى، 1932-جىلى 2-ايدىڭ 12-كۇنى ونى جۇڭگو جۇمىسشى-ديقان قىزىل ارمياسىنىڭ شانشي مەن گانسۋدەگى پارتيزاندار اترەتى ەتىپ وزگەرتەدى، شيە زىچاڭ باس قولباسشىلىق مىندەتىنە تاعايىندالىپ، اسكەري ءبولىمدى باستاپ شانشي مەن گانسۋدىڭ شەكاراسىندا سوعىس جۇرگىزىپ، توڭكەرىستىك بازا قۇرادى.    1933-جىلى جازدا، شيە زىچاڭ چاحار-سۇييۋان جاپون شاپقىنشىلارىنا قارسى وداقتاس ارميانىڭ 18-شىسىنا جىبەرىلىپ، ج ك پ-نىڭ ۇيىمداستىرۋ قىزمەتىنە جاۋاپتى بولىپ، شىنىڭ باستىعى شۇي چۋانجۇڭعا ( 许权中 ) سايكەسىپ، سوعىسقا قولباسشىلىق ەتەدى. سول جىلى 11-ايدا شانشيعا قايتىپ، ج ك پ ورتالىق كوميتەتىنىڭ سولتۇستىكتەگى ۋاكىلىنىڭ باتىس سولتۇستىككە ارنايى جىبەرىلگەن اسكەري ىستەر ەرەكشە قىزمەتكەرى بولىپ، ەرەكشە جاپالى شارت-جاعدايدا، سولتۇستىك شانشي قىزىل ارميا پارتيزاندار اترەتىنىڭ 5 تارماق اترەتىن قالپىنا كەلتىرىپ، قۇرىپ، ءان-ديڭ، يان-چۋان بازاسىن قۇرادى.  1934-جىلى شيە زىچاڭ جۇڭگو جۇمىسشى-ديقان قىزىل ارمياسى سولتۇستىك شانشي پارتيزاندار اترەتىنىڭ باس قولباسشىلىق شتابىنىڭ باس قولباسشىسى، قىزىل 26-ارمياسى 42-شىسىنىڭ ساياسي كوميسسارى، ج ك پ سولتۇستىك شانشي توڭكەرىستىك اسكەري ىستەر كوميتەتىنىڭ ءتوراعاسى مىندەتىنە تاعايىندالىپ، اسكەري بولىمگە  قولباسشىلىق ەتىپ، گومينداڭ ارمياسىنىڭ سولتۇستىك شانشيدەگى توڭكەرىستىك رايونعا باعىتتاعان «قورشاپ جويۋ» ارەكەتىن تالقاندايدى. شيە زىچاڭ ۇزاق ۋاقىتتىق سوعىستا، كوپ رەت جارالانىپ، قاتتى شارشاپ، ناۋقاستانادى. سوڭىندا  جاراقاتى مەن ناۋقاسى اسقىنىپ، 1935-جىلى 2-ايدىڭ 21-كۇنى  38 جاسىندا ءان-ديڭ اۋدانىنىڭ دىڭ-جان-ۋان دەگەن جەرىندە دۇنيەدەن وزادى.


بەرىپ كەت ورامالىڭدى

دوستار

الىستاعى اق ەركە