جاڭا حابارلار

 قاعىلىق اۋدانىنىڭ ديحانى ءراشيتتىڭ كاسىپ كوزىن اشىپ، باقىتتى تۇرمىسقا قادام تاستادى

    كەلۋ قاينارى: شينجياڭ حالىق راديو ىستانسياسى    2018-09-14 11:20:46  

 
 قاعىلىق ستانسيامىزدىڭ ءتىلشىسى سۇن ۋيدىڭ حابارى:  اۋدانىنىڭ ديحانى ءراشيت  قۇلشىنا ۇيرەنىپ، قاجىرلىلىقپەن جاتتىعۋدىڭ ارقاسىندا، تەحنيكانىڭ تەتىگىن يگەرىپ، شارۋاشىلىق قۇرۋ جولىندا تابىسقا جەتتى.    2006-جىلى 7-ايدا، 16 جاستاعى ءراشيت  ورتالاۋ مەكتەپتى تاۋىسقاننان كەيىن، ءبىر ونەردىڭ تىزگىنىن ۇستاۋ ويىنا كەلىپ، اعاسىنىڭ قاڭىلتىر مانەرلەۋ دۇكەنىنە بارىپ، شاكىرت بولادى. ەكى جىل قۇلشىنا ۇيرەنىپ، قاجىرلىلىقپەن جاتتىعۋدىڭ ناتيجەسىندە، ءراشيت  قاڭىلتىر مانەرلەۋ ونەرىنە ىسىلا تۇسەدى،ءبىراق ۇزاق ۋاقىتتىق تەمىر بۇيىمداردى دانەكەرلەۋ جۇمىسى، ونىڭ كوزىن زيانداپ، كورۋ قۋاتىن السىرەتىپ جىبەردى. ءبىراق ول بۇعان بولا ۇنجىرعاسىن تۇسىرمەيدى. كوپ وتپەي ول پلاستيكالىق بولاتتان جاسالعان ەسىك-تەرەزەنىڭ باعاسىنىڭ نەداۋىر جوعارى ، ورناتۋدىڭ دا قولايلى ءارى تەز ەكەنىن، جۇرتتىڭ قىزۋ قارسى الۋىنا بولەنىپ وتىرعانىن ۇعىسادى. سونىمەن ول قاعىلىق اۋدانىنداعى پلاستيكالىق بولاتتان تەرەزە جاساۋ مانەرلەۋ زاۆودتىنا قابىلدانىپ، وسى ارادا جۇمىس ىستەدى. ول: «العاشىندا ەشتەمە بىلمەيمىن، ونەردى ويداعىداي ۇيرەنۋ بەكىمىنە كەلدىم، قۇلشىنا ۇيرەنگەندە عانا، تابىسقا جەتۋگە بولادى»،-دەدى.   نەگىزگى ونەردى تەز ارادا يگەرۋ ءۇشىن، ءراشيت قىزمەتتەن تۇسكەننەن كەيىن دە، ۇنەمى زاۆودتا قالىپ، جاراقسىز ماتەريالداردى جيناپ الىپ، ۇستازدارىنىڭ ايتۋى بويىنشا، ونى قايتا قيىپ، قۇراپ جاساپ، ءاربىر بۋىندى دەن قويا يگەردى. ءراشيتتىڭ مۇقيات سۇراپ ۇيرەنۋ، جاپا-ماشاقاتتان قورىقپاۋ رۋحى، زاۆودتاعى ۇستازدارىن اسەرلەندىردى. ول ءار جولى تەرەزە ورناتۋ جاعىنداعى تەحنيكانى يگەرە الماسا، ۇستازدارى وعان سابىرلىلىقپەن جەتەكشىلىك ەتۋمەن بىرگە، وعان شەشۋشى تەحنيكانى ۇيرەتتى. ۇستازدارىنىڭ كومەگىندە، جارىم جىلعا جەتپەيتىن ۋاقىتتا، ءراشيت  كاسىپكە ىسىلىپ، پلاستيكالىق بولاتتان جاسالعان تەرەزەنى ورناتۋدىڭ مايتالمانىنا اينالدى. كەيىن، ءراشيت جۇمىس ىستەي ءجۇرىپ، مانەرلەۋ زاۆودتىنىڭ جاۋاپتىسىنان دۇكەن باسقارۋ تاجىريبەسىن ۇيرەنىپ، شارۋاشىلىق قۇرۋعا ازىرلەندى. ول بىلاي دەدى: «دۇكەن اشۋدى ويلاعام، قىزمەتتەن تۇسە سالىپ، جان-جاققا شاپقىلاپ بازاردان  دۇكەن  قاراستىرىپ، دۇكەن اشۋدىڭ ءراسيماتتارى مەن بارىسىن ۇعىستىم، ءوز كۇشىمە سۇيەنىپ، كوبىرەك اقشا تاۋىپ، تۇرمىسىمدى جاقسارتۋعا كۇش سالدىم. »    ءراشيتتىڭ قۇلشىنۋىندا، 2011-جىلى 9-ايدا ونىڭ «اعايىندىلاردىڭ پلاستيكالىق بولاتتان تەرەزە جاساۋ- ورناتۋ دۇكەنى» اقىرى جۇمىس باستادى. العاشىندا وسى شاعىن دۇكەندە ەشقانداي ساۋدا بولمادى. بازار ارالاپ تاپسىرىس قابىلداۋ، تەرەزەنى وتە مۇقيات ورناتۋ جۇمىسىمەن شاپقىلاعان ءراشيت ءار كۇنى تاڭ اتقاننان كەش باتقانعا دەيىن جۇمىس ىستەپ، ساپا مەن سەنىمدىلىكتى ماڭداي الدى ورىنعا قويدى. ونىڭ دۇكەنى بىرتىندەپ حاريدارلاردىڭ سەنىمىنە يە بولىپ، ساۋداسى بارعان سايىن جاندانا ءتۇستى. ءراشيت : «قازىر دۇكەنىمدە وتباسىندا قينشىلىعى بار ءتورت ادام كاسىپتەنىپ وتىر، الدا دۇكەن مەن كاسىپ كولەمىن ۇزدىكسىز كەڭەيتىپ، بۇرىنعىدان دا كوپ ادامدى كاسىپتەندىرمەكشىمىن. قازىر مەملەكەتتىڭ ساياساتى جاقسى، كوپشىلىكتىڭ بىرگە قۇلشىنىپ، كۇرەس جاساۋىندا، تۇرمىسىمىزدىڭ، ءسوزجوق، بارعان سايىن جاقساراتىنا سەنەمىم كامىل»،-دەدى.


بەرىپ كەت ورامالىڭدى

دوستار

الىستاعى اق ەركە