جاڭا حابارلار

ءدوربىلجىن اۋدانىنداعى باعىمشىلىقتاعى ايتۋلى وتباسى فاڭ رۇيچيننىڭ اۋىلداستارىن باستاپ، عىلىم-تەحنيكا ارقىلى اۋقاتتاندى  

    كەلۋ قاينارى: شينجياڭ حالىق راديو ىستانسياسى    2018-09-15 22:11:05  

  ستانسيامىزدىڭ ءتىلشىسى حاميتتىڭ حابارى :ءدوربىلجىن اۋدانى قۇيعانسۋ   مال فەرماسىنداعى حاۋيۇن باعىمشىلىق كوپەراتيۆىنىڭ باس القاسى فاڭ رۇيچين نەگىزگى ساتىعا تامىر تارتىپ، جاستىق كوكتەمى ارقىلى «جارتى الەمنىڭ»  داۋىرلىك ماداق جىرىن جازدى.  ايەل: (فاڭ رۇيچين) بۇزاۋىڭدى ساتتىڭ با؟      ەر:( جەلحان)  8 مىڭ 650 يۋانعا ساتتىم .    بىرنەشە كۇننەن بەرى، فاڭ رۇيچيننىڭ كوڭىل - كۇيى وتە جاقسى، سەبەبى كوپەراتيۆتە باعىلعان ءبىر مىڭنان ارتىق انگوس سيىرىنا حوتان، قاشقار سياقتى جەرلەر كوپتەگەن تاپسىرىس بەرگەن ەدى، وكىل ۇلى جەلحاننىڭ بۇزاۋى دا جاقسى باعاعا ساتىلىپتى. قۇيعانسۋ   مال فەرماسى جەل ءوتى اتانعانىمەن، فاڭ رۇيچيننىڭ باعىمشىلىق كوپەراتيۆىنىڭ اۋلاسى جاسىل اعاشپەن كومكەرىلگەن. فاڭ رۇيچين تىلشىگە، ءوزىنىڭ ءاسىلى سانجى قالاسى ىرليۋگۇڭ قالاشىعىنىڭ عىلىم - تەحنيكاعا جاۋاپتى ورىنباسار باستىعى ەكەنىن ايتادى. 1997 -جىلى 4 - ايدا، 23 جاستاعى ول وسى جەردە وتكىزىلگەن قىزمەت ماجىلىسىنە قاتىناسقاندا، بوس تۇرعان كولەمدى سورتاڭ جەردە، ازىناپ جەل سوعىپ تۇراتىنىن، اعاش اتاۋلى جوق ەكەنىن كورىپ،  اعاش ەگىپ، جاسىل جامىلعى كولەمىن كەڭەيتۋ بەكىمىنە كەلەدى. فاڭ رۇيچين سول جىلى قىزمەتىن تاستاپ، كوتەرمەگە العان بالىق كولشىگىن ساتىپ، اۋىل شارۋاشىلىق داشۋەسىندە وقىعان اتىز-سۋ يگىلىگى كاسىبى بىلىمىنەن پايدالانىپ، 30 نەشە ەگىنشى- مالشى وتباسىن اعاش ەگۋگە باستايدى، ول بىلاي دەدى: «ءبىز بۇل جەرگە كەلگەندە، بارلىق جەر اپپاق سور بولىپ جاتاتىن، بوران قاتتى سوعاتىن. سور ىعىستىرۋ توعانىن، سۋ جيناۋ كولشىگىن قازدىق، ازىناعان جەلدەن سول كەزدە بەتىمنىڭ ءبىر قابات تەرىسى دە تۇلەپ ءتۇسىپ قالدى، ودان كەيىن ءار كۇنى اعاش ەگەمىز،مۇنى 6 جىل جالعاستىردىق،  ەككەن اعاشىمىز قۇراپ  قالادى، ونى قايتا ەگەمىز، ءسويتىپ ءجۇرىپ جيىنى 3 مىڭ مۋ جەرگە 410 مىڭ ءتۇپ اعاش ەگىپپىز، قازىر وسى جاپ - جاسىل بولىپ تۇرعان اعاشتاردىڭ ءبارى ءبىزدىڭ كەزىندە ەككەن اعاشتارىمىز».   جەل وتىندەگى  جاپ-جاسىل بولىپ تۇرعان   اعاشتاردى  كورگەندە، جەرگىلىكتى ورىنداعى ەگىنشى - مالشىلار فاڭ رۇيچيننىڭ باتىلدىعىنا ءسۇيىنىپ، وعان ىلەسىپ ىستەۋگە بەل بۋدى. فاڭ رۇيچين اۋىلداستارىن باستاپ، قاعىر جەردى اشىپ، ەكونوميكالىق داقىل ەكتى، تاعى كوپەراتيۆ قۇرىپ، باعىمشىلىق كاسىبىمەن شۇعىلداندى. ەكى جىلدان بەرى، فاڭ رۇيچين اۆستراليادان انگوس سيىرىن ەنگىزدى. بۇل سيىردىڭ تۇرقى ۇلكەن، ەتىنىڭ ساپاسى جاقسى، بۇزاۋىنىڭ باعاسى جەرگىلىكتى ورىنداعى سيىردىڭ باعاسىمەن بارابار. انگوس سيىرىنىڭ بازارداعى بولاشاعىنا ۇمىتپەن قاراعان  جەرگىلىكتى ورىنداعى مالشىلار دا انگوس سيىرىن باعا باستادى. جەلحاننىڭ وتباسى بۇرىن قىستاقتاعى كەدەي وتباسى بولاتىن، كىشكەنتايىنان فاڭ رۇيچينگە ىلەسىپ كاسىپ ىستەگەن ول انگوس سيىرىن باعۋعا سۇيەنىپ، كەدەيلىكتەن ءساتتى قۇتىلدى، ول بىلاي دەدى: « 20 نەشە جىل بولدى، فاڭ رۇيچين بەينە شەشەمدەي بولىپ كەتتى، قازىر 600   قويىم، 60   سيىرىم بار، ول كىسىنىڭ كومەگىندە قازىر ءبىر جىلدا 100 مىڭ يۋان كىرىس كىرگىزەتىن بولدىم».     سوڭعى جىلدارى ، فاڭ رۇيچين ىلگەرىندى - كەيىندى تارباعاي ايماعى بويىنشا «كەدەيلەردى سۇيەمەلدەۋ ۇلگىسى»، «8 - ناۋرىز قىزىلتۋشىسى» سياقتى داڭقتى اتاقتارعا يە بولدى، ول تىلشىگە: «العان بەتتەن قايتپاساق، ءومىرىمىز ءماندى وتەدى. مەن ءبىر بەكىمگە كەلگەن ەكەم، العان بەتىمنەن قايتپاي، جاقسى ىستەۋگە قۇلشىنامىن. جەرگىلىكتى ورىنداعى تۇرعىنداردى اۋقاتتانۋعا باستاۋ مەن ءۇشىن وتە باقىتتى، جان سۇيىنەرلىك ءىس»، ــ دەدى. 


بەرىپ كەت ورامالىڭدى

دوستار

الىستاعى اق ەركە