جاڭا حابارلار

ديڭ حۇڭ قۇمىل قالاسىندا شينجياڭ لاۋ-بۋ ساياحات سەرىكتەستىگىن قۇرىپ، جوعارى دەڭگەيدەگى تاپسىرىستىق  ساياحاتتى جالپىلاستىرىپ، شينجياڭ ساياحاتىنىڭ تىڭ ۇلگىسىن جىگەرلەنە جاراتتى

    كەلۋ قاينارى: شينجياڭ حالىق راديو ىستانسياسى    2018-09-16 08:10:17  

 ستانسيامىزدىڭ ءتىلشىسى جيڭ لەيدىڭ حابارى :
 شينجياڭنىڭ كوركەم تابيعاتىنا ءتانتى بولعان 35 جاستاعى ديڭ حۇڭ قۇمىل قالاسىندا شينجياڭ لاۋ-بۋ ساياحات سەرىكتەستىگىن قۇرىپ، جوعارى دەڭگەيدەگى تاپسىرىستىق  ساياحاتتى جالپىلاستىرىپ، شينجياڭ ساياحاتىنىڭ تىڭ ۇلگىسىن جىگەرلەنە جاراتتى.    ديڭ حۇڭ قارا تورى، ورتا بويلى،  باسىنان تاياق دوپ شاپكىسىن تاستامايدى، ونىڭ جۇزىنەن قاتاڭدىعى مەن مۇقياتتىلىعى ءبىلىنىپ تۇرادى. ول بەيجيڭدەگى كينو فيلمگە قارجى قوسۋ سالاسىندا 10 جىل قۇلشىنىس جاساپ، بىرتىندەپ قارىم- قاتىناس جۇيەسى مەن ينفورماتسياسى، قارجى قاينارى مول كاسىپ سالاسىنداعى قايراتكەرگە اينالدى. ونىڭ شينجياڭعا دەگەن ەرەكشە سەزىمى ساياحات بارىسىندا پايدا بولدى.    2015- جىلى « 1- مامىر» دەمالىسى كەزىندە، ديڭ حۇڭ جۇگىن كوتەرىپ، جالعىز ءوزى شينجياڭعا كەلىپ، قۇمىلداعى داحايداۋعا قادام قويدى، ەرەكشە حيكىمەتتى جاردوڭ جەر بەدەرى ونى  قايران قالدىردى، وسىلايشا، تىڭ قۇلشىنس بارىسى كەزدەيسوق ساياحاتپەن باستالىپ كەتتى. ىشكەرلەي تەكسەرۋ- زەرتتەۋ جانە وي جۇگىرتۋ ارقىلى  ديڭ حۇڭ قۇمىل داحايداۋ جاردوڭ جەر بەدەرىنە سۇيەنىپ، جەكەلىك تاپسىرىستىق جوعارى دەڭگەيدەگى ساياحات ونىمدەرىن جاراتۋدىڭ بولاشاعىنىڭ نۇرلى ەكەنىن اڭعاردى. 2016- جىلى، ول 10 ميلليون يۋاننىڭ ۇستىندە قارجى قوسىپ، شينجياڭ لاۋ- بۋ ساياحات سەرىكتەستىگىن قۇرىپ، داحايداۋ مارىس بازاسىن قۇردى  ءارى 10 قۇراما عارىش بولمەسى ۇلگىسىندەگى قوناق بولمەسىن ەنگىزدى، بيىل ەكى ايدان استام ۋاقىتتا جوعارى دەڭگەيدەگى ساياحاتقا تاپسىرىس بەرگەن 500 ادامدى باۋرادى. ول: « تابىسىم زور ، بۇل ومىرىمدەگى ەڭ ۇمتىلماس كەشىرمە، دەن قويا تيجارات جۇرگىزۋ جانە اشۋ ارقىلى  حاريدارلارعا ەرەكشە اسەر بەردىم، سول سەبەپتى مەن قۇمىلدىڭ جوعارى دەڭگەيدەگى ساياحات جاعىنداعى كومەسكى كۇشىنىڭ زور ەكەنىنە كامىل سەنەمىن»،- دەدى.      قۇمىلدىڭ داحايداۋىنداعى مارىسقا ۇقساپ كەتەتىن جاردوڭ جەر بەدەرى بايلىعىنا قاراتا ديڭ حۇڭ اناعۇرلىم ۇزاق بولاشاقتىق جوبا ويلاستى. ول  جاردوڭ  جەر بەدەرى بايلىعى مەن كينو فيلمدى بىرلەستىرۋ، ساياحات پەن مادەنيەتى بىردەي ماڭىزدى ورىنعا قويۋ، توڭىرەكتەگى كاسىپتەردىڭ دامۋىن ىلگەرلەتىپ، جەبەۋدى جوسپارلادى. ول: « قۇمىلدىڭ تۇتاس  وڭىرلىك جوعارى دەڭگەيدەگى تاپسىرىستىق ساياحات جوسپارىنىڭ ۇزاق بولاشاعىن ويلاستىم، مۇندا بەس جۇلدىزدان جوعارى مەيمانسارايدان ەكى مەيمانساراي، سونداي- اق ەكى كينو فيلم ءتۇسىرۋ بازاسى، ءۇش جاردوڭ سىرىن اشۋ كوڭىل اشۋ باقشاسى، ءبىر دالالىق جارىس الاڭى، اۋەلى ءبىر ەرەسەن ۇلكەن تەاترحانا قامتىلادى، جۇڭگونىڭ دۇنيە جۇزىندەگى ءارقانداي ۇلگىدەن وزگەشە جوعارى دارەجەلى ساياحات نىسانىن جاراتۋىن ءۇمىت ەتەمىن»،- دەدى.   ديڭ حۇڭ ءوزىنىڭ سوڭعى جارىم ومىرىندەگى كۇرەس جاساۋ جولى مەن باقىتتى تۇرمىسىنىڭ  شينجياڭدا ساياحاتتىڭ تىڭ ۇلگىسىن جاراتۋ ەكەنىن ايتا كەلىپ: « قۇمىلدىڭ ساياحات مادەنيەت كاسىبىن جۇڭگو مادەنيەت ساياحات كاسىبىنىڭ ولشەمىنە اينالدىرۋدى ءۇمىت ەتەمىن. مەن نەگىزدىك بولجام جاسادىم، الداعى 50 جىلدا عىلىم- تەحنيكا قانشاما دامىسادا، ءداۋىر قانشالىق وزگەرسەدە، ءبىز كورىنىسى كورىكتى جەرگە بارۋدى قاجەت ەتەمىز، عىلىم- تەحنيكانىڭ دامۋى، تەحنيكانىڭ العا باسۋى  ساياحاتتىڭ بۇرىنعىدان دا تارتىمدى بولۋىن جەبەيدى، مەن وسى ءىستى تاباندىلىقپەن ىستەيمىن»،- دەدى.
 


بەرىپ كەت ورامالىڭدى

دوستار

الىستاعى اق ەركە