جاڭا حابارلار

 موري قازاق اۆتونوميالى اۋدانى   توراڭعى ورمانى، ايعاي قۇم، ەرەكشە قونالقى، ءداستۇرلى دەنە- تاربيە جارىسى سياقتى ساياحات بايلىقتارىن بىرىكتىرىپ، «مادەنيەت، ساياحات جانە دەنە- تاربيە  بىرلەستىرىلگەن» كاسىپتى توعىسپالى دامىتۋ جاڭا جۇلگەسىن قالىپتاستىرىپ، جەر- جەردىڭ ساياحاتشىلارىن وسى جەرگە ساياحاتتاپ تاماشالاۋعا باۋرادى

    كەلۋ قاينارى: شينجياڭ حالىق راديو ىستانسياسى    2018-09-17 18:02:56  

 
 ستانسيامىزدىڭ ءتىلشىسى جيڭ لەي مەن سانجى راديو ستانسياسىنىڭ ءتىلشىسى جۋ ليجۇننىڭ  حابارى:  موري قازاق اۆتونوميالى اۋدانى   توراڭعى ورمانى، ايعاي قۇم، ەرەكشە قونالقى، ءداستۇرلى دەنە- تاربيە جارىسى سياقتى ساياحات بايلىقتارىن بىرىكتىرىپ، «مادەنيەت، ساياحات جانە دەنە- تاربيە  بىرلەستىرىلگەن» كاسىپتى توعىسپالى دامىتۋ جاڭا جۇلگەسىن قالىپتاستىرىپ، جەر- جەردىڭ ساياحاتشىلارىن وسى جەرگە ساياحاتتاپ تاماشالاۋعا باۋرادى.      التىن كۇز 9- ايدا، موريدىڭ ايعاي قۇم كورىنىس رايونىندا، شانشيدەن كەلگەن حان مىرزا قۇمدا سىرعاناۋدىڭ قىزىعىن سەزىندى، ول بىلاي دەدى: « قۇم توبەشىكتەن سىرعىما تاقتايمەن سىرعىعاندا، ادام كەڭىستىكتە ۇشىپ جۇرگەندەي سەزىمدە بولادى ەكەن. ءبىز كوپ سۋرەت تارتىپ، دوستىق شەڭبەرىنە جولداپ ەدىك، القاعان ادامدار ەرەكشە كوپ بولدى. ولاردىڭ ءبارى بۇل قاي جەر؟ نەدەگەن جاقسى جەر، ــ دەپ سۇراپ جاتىر». ايعاي قۇم، توراڭعى ورمانى كورىنىس رايونى سياقتى ايگىلى كورىنىس رايوندارىن اشۋدان سىرت، سوڭعى جىلدارى، موري اۋدانى مادەنيەت مازمۇنىن مولايتۋ ارقىلى جالپى وڭىرلىك ساياحاتتى كۇشەيتسە، ال جالپى وڭىرلىك ساياحات ارقىلى ۇلت مادەنيەتىن ساۋلەلەندىرىپ جانە جالعاستىرىپ، مادەنيەتتى، دەنە - تاربيەنى جانە ساياحاتتى  بارىنشا توعىستىرىپ دامىتۋدى جەبەدى، 8- ايدىڭ 11- ، 12- كۇندەرى، ەكى كۇندىك «موري اۋدانىنىڭ ۇلتتىق سالت- سانا ساياحات مادەنيەت كورمەسى مەرەكەسى جانە بايگە، تۇيە جارىسى» قازانات حالىقارالىق بايگە الاڭىندا وتكىزىلىپ، ەلىمىزدەگى بايگە اۋەسكەرلەرىن جارىستى تاماشالاۋعا باۋرادى. حالىقارالىق بايگە الاڭى «اۋىل ەرەكشەلىگىنە يە سالت- سانا شاعىن قالاشىعى» سىندى كوركەم كورىنسىمەن، بۇكىل اۋداننىڭ ساياحات كاسىبىنىڭ دامۋىن جەبەدى ءارى جەرگىلىكتى بۇقارانىڭ رۋحاني مادەنيەت تۇرمىسىن بارىنشا بايىتتى.  سونىمەن بىرگە، موري اۋدانى ەرەكشە قونالقى جانە اس- سۋ سياقتىلاردى بەلسەنە دامىتىپ، «تاماقتانۋ، قونۋ، ساپارلاۋ، ساياحاتتاۋ، زات ساتىپ الۋ، كوڭىل اشۋ» جاعىندا قىزمەت وتۋ جۇيەسىن كەمەلدەندىرىپ، اۋدان بويىنشا ساياحات كاسىبىنىڭ «جالپى كورىنىستى تاماشالاۋ، جاپپاي كاسىپتەنۋ، بارلىق ۋاقىتتى پايدالانۋ، حالپى حالىق قاتىناسۋ» باعىتىنا قاراي قادام تاستاۋىن جەبەدى. يگەنبۇلاق اۋىلى يۋەلياڭدي قىستاعىنا بارعاندا، كوز الدىڭا ەرەكشە قويۋ اۋىل تىنىسى مادەنيەتىنە يە بايىرعى قاراپايىم قىستاق كەلەدى، ءدالىز بولمەلى ۇيلەردى نەگىزگى ەرەكشەلىك ەتكەن قونالقى  ساياحاتشىلارعا تىڭ اسەر بەردى. شانشي تەاترىن كورىپ، «جۇڭگونىڭ ءداستۇرلى قىستاعىنىڭ» تاريحى مەن قازىرگى جاعدايىن كورگەن ۇرىمجىلىك ساياحاتشى گو شيڭيۇڭ وسى جولعى ساياحاتىنىڭ ءماندى بولعانىن ايتا كەلىپ بىلاي دەدى: «بۇل جەردىڭ قىزمەت وتەۋى مەن قۇرىلعىلارى مەيمانسارايدا جاتقاننان دا جاقسى ەكەن، تەرەزەنىڭ سىرتىنان باقشاعا ەگىلگەن كوگونىستەر كورىنىپ تۇرادى، وتباسىممەن بىرگە اۋىلدىڭ ءدامىن تاتىپ، شۇيىركەلەسىپ، ءشاي ءىشىپ، جىرعاپ قالدىق».ساياحات ورىندارىنىڭ داڭقى شىعىپ، ساياحاتشىلار ريزا بولىپ، اۋىل-  قىستاق جانداندى. شار-  تاراپتىڭ ساياحاتشىلارىنىڭ وسى جەرگە جينالۋىنا ساي، بۇرىن ەلەپ - ەسكەرىلمەيتىن جەلگە كەپتىرىلگەن بۋ نان، جەرگىلىكتى تاۋىق جۇمىرتقاسى، دالا كوگونىستەرى ساياحاتشىلاردىڭ تالاسا- تارماسا الاتىن دۇنيەسىنە اينالدى، قازاقتىڭ كەستەلى سومكالارى، كەستەلى شىتى جاقىندارىنا بەرەتىن تارتۋ رەتىندە ەلىمىزدىڭ جەر- جەرىنە ساتىلدى، ال تيانشان نۇقاتى سياقتى جەرگىلىكتى ونىمدەردىڭ ساۋدا ماركاسى «شينجياڭ تارتۋى» ايگىلى ماركاسى قاتارىنان ورىن الدى. موري اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ايگۇل ءشارىپحان قىزى تىلشىگە، بيىل موريدىڭ قابىلداعان ساياحاتشى سانى ءبىر ميلليون ادامنان اسىپ، وتكەن جىلدىڭ وسى مەزگىلىندەگىدەن %30 تىڭ ۇستىنە ارتقانىن ايتا كەلىپ بىلاي دەدى: «ساياحاتشىلار وسى جەرگە ايعاي قۇمنىڭ جاڭعىرىعىن، مىڭ جىلدىق توراڭعى ورمانى بايلىعىن كورىپ - سەزىنۋگە كەلەدى، ءار ۇلت بۇقاراسى   اۋىل ەرەكشەلىگىنە يە  سالت-سانا شاعىن قالاشىعىنان ءدامدى تاعامداردى جەي الادى، تاعى بايگە، تۇيە جارىسىن تاماشالايدى. ساياحاتتى، دەنە- تاربيەنى، تاعى باسقالاردى بىرلەستىرۋ ءتاسىلى جانە وسى قيمىلداردى ىشكەرىلەي جۇرگىزۋ بارىسىندا، موريدىڭ حالىقتى اۋقاتتاندىرىپ، قۇدىرەتتى اۋدان قۇرۋ جانە ساياحاتتى سايكەستىرۋ دارەجەسى بارعان سايىن جوعارىلادى».   


بەرىپ كەت ورامالىڭدى

دوستار

الىستاعى اق ەركە