جاڭا حابارلار

گو چۋاڭحاۋ: «مەيىر - شاپاعات بىرلەستىگىن» قۇرىپ، وڭ ەنەرگيا تاراتتىق

    كەلۋ قاينارى: شينجياڭ گازەتى    2018-09-18 17:30:41  

ءتىلشىمىز فۋ شياڭلۇڭ
 


 «وسى بىرنەشە كۇندە، ءبىز بالالاردى ەرتىپ تاعى دا قارتتار ۇيىندەگى قارتتاردى كورۋگە بارايىق». 9 - ايدىڭ 8 - كۇنى تاڭەرتەڭ ەرتە گو چۋاڭحاۋ ءوز ءۇيىنىڭ كوكونىس دۇكەنىندە سويلەي ءجۇرىپ، ماڭىنداعىلاردى ورنالاستىرىپ جاتتى: «بۇرىنعى داعدىمىز بويىنشا، لي چيجۇن، سەن جىلۋ اقشانى جيۋعا جاۋاپتى بول، شۇي جىندۇڭ زات ساتىپ الۋعا جاۋاپتى بولسىن، ما حۇڭتاۋ كولىك ازىرلەسىن».  گو چۋاڭحاۋ جانە ول اتىن اتاعان بىرنەشە ادام «شينجياڭعا سۇيىسپەنشىلىك. مەيىر - شاپاعات بىرلەستىگىنىڭ» تىرەكتىلەرى. وسى حالىقتىق قايىرىمدىلىق ۇيىمىنىڭ قۇرىلعاندىعىنا 3 جىل بولدى، مۇشەلەرى تۇگەلدەي الەۋمەتتىك اۋماقتىڭ تۇرعىندارى، جەكە - جەكە تەلەفون دۇكەنى، ەرەن بازار، جەدەل جولدامانى تاپسىرىپ الۋ ءتۇيىنى جانە اسحانا سياقتىلاردى جۇرگىزەدى.  

 27 جاستاعى گوچۋاڭحاۋ قوسىننان قايتقان جاۋىنگەر. «2008 - جىلى ارمياعا قاتىناسىپ شينجياڭعا كەلگەم، بۇل ارانىڭ كليماتى جاقسى، ادامدارى قاراپايىم، اق كوڭىل ءارى باۋىرمال، مەن شينجياڭدى ۇناتىپ قالدىم. قوسىننان قايتقاننان كەيىن وسىندا قالۋعا بەكىدىم»، - دەدى گو چۋاڭحاۋ.  2015 - جىلى قوسىننان قايتقاننان كەيىن، گو چۋاڭحاۋ ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) باتىس پويەز ۆوكزالى شاعىن رايونى باسقارۋ كوميتەتىنىڭ شيلين الەۋمەتتىك اۋماعىندا الەۋمەتتىك اۋماقتىڭ كوكونىس قولايلى دۇكەنىن اشادى. «قاربالاستاپ كەتكەندە، شىنىمەن، كۇننىڭ اتىپ، ءتۇننىڭ باتقانىن بىلمەي قالاسىڭ، ول كەزدە بويداقپىن، تاماقتاناتىن دا تۇراقتى ورىن جوق. دۇكەننەن كەلىپ كوكونىس ساتىپ الاتىن اعاي - اپايلار مەنى جاپا شەكتى دەپ ويلاپ، اقىلداسىپ العانداي - اق كەزەكپەن ۇيلەرىنەن ماعان تاماق الا كەلەتىن، بۇل مەنى قاتتى اسەرلەندىردى».  اسەردىڭ جەتەگىندە، گو چۋاڭحاۋ دا الەۋمەتتىك اۋماقتاعى تۇرعىندار ءۇشىن ءىس ىستەپ بەرگىسى كەلەتىن. كوكونىس قولايلى دۇكەنىندە ءار كۇنى تۇستەن كەيىن الارماننىڭ تاڭداۋىنان اسىپ، ساتىلماي قالعان كوكونىستەر بولۋشى ەدى، گو چۋاڭحاۋ دۇكەن ىشىنەن ورىن اجىراتىپ، وسىنداي كوكونىستى جيىپ قويىپ، جوعارى جاعىنا تاقتايشا اسىپ وعان «تەگىن بەرەمىز!» دەپ جازىپ قويدى.  

 «الەۋمەتتىك اۋماقتاعى ادامدار ماعان وسىنشاما كۇيىنەدى، العىس ايتىپ، قارىمجىسىن قايتارۋىم كەرەك قوي. بۇل كوكونىستەر ءار ايدا 100 نەشە كيلوگرامنان اسادى»، - دەدى گو چۋاڭحاۋ.  بىرتە - بىرتە گو چۋاڭحاۋ مۇنان دا كوپ قايىرىمدىلىق ىستەردى ىستەۋ ويىنا كەلەدى.   2015 - جىلى 10 - ايدا گو چۋاڭحاۋ الەۋمەتتىك اۋماقتاعى باسقا ساۋداگەرلەرمەن اقىلداسىپ، بوس ۋاقىتتان پايدالانىپ بىرلىكتە الەۋمەتتىك يگىلىك ىستەرىمەن اينالىسۋدى ايتادى.  «ىستەيتىن بولساق شىنايى ءىس ىستەيىك»، «بىزدە ۇيىم بولۋى كەرەك»، «ەڭ جاقسىسى، ءبىر ءۇنحات توبىن قۇرايىق، جۇمىس بولسا اقىلداسۋعا قولايلى»، «مەنىڭ كولىگىمدى تەگىن پايدالانساڭدار بولادى»، «ءبىزدىڭ دۇكەندەگى كۇرىش، ۇن، مايدى الىپ شىعۋعا بولادى، باعاسىنا ۇستەمە قوسپايمىن»... كوپشىلىك جامىراي سويلەپ، بارعان سايىن كوڭىلدەنىپ، تىڭعىلىقتى ءىس تىندىردى. 

 الەۋمەتتىك اۋماقتىڭ جانە مۇگەدەكتەر بىرلەستىگىنىڭ كومەگىمەن، گو چۋاڭحاۋ مەن ونىڭ مەيىر - شاپاعات الەۋمەتتىك يگىلىك توبى قارتتار ۇيىنە، مۇگەدەك بالالارعا الەۋمەتتىك كومەك جاسادى. «وسى جىلدارى 7 قارتتار ۇيىمەن، 2 مۇمكىندىگى شەكتەۋلى بالالار ۇيىمەن ۇزاق ۋاقىتتىق بايلانىس ورناتتى، ولارعا ۇسىنعان زاتتاردىڭ ءبارى كوپشىلىكتىڭ اقشا قۇراۋىمەن ساتىپ الىنعان، تاپتەشتەي ەسەپ جاساماعان، نەشە ون مىڭ يۋاننىڭ نارسەسى ەكەنى انىق»، - دەيدى ما حۇڭتاۋ.  ءبىراق گو چۋاڭحاۋ ىلعي دا «بىرلەستىكتى» ءالى دە تولىسپادى دەپ قارادى. قايتكەندە اناعۇرلىم كوپ ادامدى الەۋمەتتىك يگىلىك ىستەرىنە ات سالىسۋعا قاتىستىرۋعا بولادى، قايتكەندە كومەككە ءزارۋ اناعۇرلىم كوپ ادامدى كومەككە يە ەتۋگە بولادى دەپ ويلاۋمەن بولدى. 

 ءۇرىمجى قالالىق ەرىكتىلەر قوعامى، شينجياڭ ساياحات كولىكتەرىن جالعا بەرۋ سەرىكتەستىگىنىڭ مەيىرىمدىلىك اۆتوكولىك اترەتى، 949 مەيىرىم بىرلەستىگى، ءۇرىمجى قالالىق مۇگەدەك دوستار مەيىرىم الەۋمەتتىك يگىلىك بىرلەستىگى... گو چۋاڭحاۋ مەن ونىڭ مەيىر - شاپاعات الەۋمەتتىك يگىلىك توبى كوپتەگەن الەۋمەتتىك يگىلىك ۇيىمدارىمەن سەلبەسىپ، بىرگە قايىر - ساحابات ىستەرىمەن شۇعىلداندى.  «بىرلەستىگىمىزدىڭ مۇشەلەرى باستابىنداعى ون نەشە ادامنان كوبەيىپ، قازىر 60 ادامعا جەتتى. ءاربىر ادام ءبىر تامشى سۋ سياقتى، جينالا كەلە مەيىرىمنىڭ تەڭىزىنە اينالامىز»، - دەيدى گو چۋاڭحاۋ.
جاۋاپتى رەداكتورى : ريزا حاميت قىزى
 


بەرىپ كەت ورامالىڭدى

دوستار

الىستاعى اق ەركە