جاڭا حابارلار

 قۇلجا قالاسى قازانشى ۇلتتىق سالت-سانا ساياحات رايونى ۇلتتىق سالت-سانا مادەنيەت ساياحات ماركاسىن جاراتىپ، كورىنىس رايونىن ەلىمىز ءىشى-سىرتىنان ساياحاتتاي كەلگەن ساياحاتشىلار، ءسوزجوق، باراتىن جەرگە اينالدىردى

    كەلۋ قاينارى: شينجياڭ حالىق راديو ىستانسياسى    2018-09-21 12:04:53  

  ىلە راديو ستانسياسىنىڭ ءتىلشىسى يۇي تياننىڭ حابارى :
قۇلجا قالاسى قازانشى ۇلتتىق سالت-سانا ساياحات رايونى ۇلتتىق سالت-سانا مادەنيەت ساياحات ماركاسىن جاراتىپ، كورىنىس رايونىن ەلىمىز ءىشى-سىرتىنان ساياحاتتاي كەلگەن ساياحاتشىلار، ءسوزجوق، باراتىن جەرگە اينالدىردى.  .   قازانشى ۇلتتىق سالت-سانا ساياحات رايونىنا باراتىن بولساڭىز، جولدىڭ ەكى جاعالاۋىنداعى ادەمى اشەكەيلەنگەن ات اربالار كوزدىڭ جاۋىن الادى. قوڭىراۋ تاققان اتتىڭ اسەم جۇرىسىمەن، ساياحاتشىلار ات ارباعا وتىرىپ ساياحاتتادى. ات اربادان سىرت، از ۇلتتاردىڭ ۇلتتىق سالت-سانا، عۇرىپ-ادەتىن نەگىز ەتكەن بايىرعى ەكولوگيالىق گۋمانيتارلىق كورىنىس رايونى جۇرتتى باۋرادى. وسىنداعى تۇرعىن ۇيلەردىڭ كەيبىرەۋى ءجۇز جىلدان ارتىق تاريحقا يە، قانىق رەڭدەگى، ساندەپ جاسالعان ادەمى ەسىك پەن تەرەزەلەردى، ساياحاتشىلار قول تەلەفوندارىمەن سۋرەتكە تارتتى. ءبىر ساياحاتشى: «تۇرعىن ۇيلەر وزگەشە ەكەن، ءبىزدىڭ جاقتاعى تۇرعىن ۇيلەرگە ۇقسامايدى، مۇنداعى ۇيلەر دەمالۋعا لايىقتى شاعىن اۋلالى تۇرعىن ۇيلەر، ونىڭ ۇستىنە ۇلگىسى دە وزگەشە،-دەسە؛ تاعى ءبىر ساياحاتشى: «ۇيلەردىڭ اشەكەيلەنۋى بولسىن ءبارى دە وتە ادەمى، دوستار شەڭبەرىنە جولداپ قويدىم،-دەدى.»   جەرگىلىكتى ورىننىڭ ۇلتتىق عۇرىپ-ادەت سالت-ساناسىن ءتىپتى دە سەزىنۋ ءۇشىن، ات اربادان ءتۇسىپ، جەرگىلىكتى ورىنداعى تۇرعىنداردىڭ ۇيلەرىن ارالاۋ كەرەك. وزگەشە قۇرىلىس پەن تۇرعىن ۇيلەردىڭ اۋلاسىن نەگىز ەتىپ، قازانشى ۇلتتىق سالت-سانا ساياحات رايونى تۇرعىن ءۇي، اۋلا ساياحاتى، ءان-ءبي ويىن ءنومىرى سياقتى كوپتەگەن ساياحات تۇرلەرىن شىعارۋدان سىرت، تاعى ساياحاتشىلارعا جەرگىلىكتى ورىننىڭ ءدامدى تاعامدارىنىڭ ءدامىن تاتتىردى. تۇرعىن ازيان يزىز ءجۇز جىلدىق تاريحقا يە تۇرعىن ءۇي ساياحاتىن اشىپ، ساياحاتشىلاردىڭ قىزۋ قارسى الۋىنا يە بولدى، ول تىلشىگە: «قازىر ساۋدا جاقسى، 7-ايدان باستاپ، ساياحاتشىلار وتە كوپ، قازىر كۇنىنە ءۇش تە ءتورت ءجۇز ادام قابىلدايمىز، كىرىسىمىزدە جاقسى، كۇننەن كۇنگە جوعارلاۋدا،-دەدى.»   بيىل 7-ايدان باستاپ، قازانشى ۇلتتىق سالت-سانا ساياحات رايونى كۇنىنە 2 مىڭ ادام رەتتەن ارتىق ساياحاتشى قابىلداپ، وتكەن جىلداعىدان %30 ارتتى. ساياحاتشى كوبەيسە، قونالقىعا قويىلاتىن تالاپ تا جوعارلايدى. كورىنىس رايونى قونالقىنى ءبىر تۇتاس باسقارىپ، جەرگىلىكتى ورىننىڭ وزگەشە كورىنسىن ساقتاۋ العى شارتىندا، وسىزاماندانعان قىزمەت ەتۋ قۇرىلعىسىن مولايتىپ، جەر-جەردەن بارعان ساياحاتشىلاردىڭ ەڭ جاقىن ارالىقتان جەرگىلىكتى ورىنداعىلاردىڭ تۇرمىسىن سەزىنۋىنە مۇمكىندىك جاساۋدان سىرت، تاعى قونالقىنىڭ جانعا جايلى  بولۋىنا مۇمكىندىك جاسادى. قۇلجا قالاسى قازانشى قونالقى نىسانىنىڭ جاۋاپتىسى ۋاڭ حۇڭتاۋ تىلشىگە، قازىر قوناق ۇيلەرگە 10-ايدىڭ سوڭىنا دەيىن تاپسىرىس بەرىلىپ بولعانىن ايتا كەلىپ، بىلاي دەدى: اسىقپاي ايالداپ جاتا - جاستانىپ  ساياحاتتاۋ فورماسىن اتقارىپ، كوپشىلىكتىڭ اسىقپاي جەرگىلىكتى ورىننىڭ سالت-سانا، عۇرىپ-ادەتىن شىنايى سەزىنۋىنە مۇمكىندىك جاساۋ، بۇل ءبىزدىڭ باستى ماقساتىمىز.  قۇلجا قالاسى قازانشى كورىنىس رايونىنىڭ باس مەڭگەرۋشىسى حاليمان اۋىت بىلاي دەدى: سوڭعى جىلداردان بەرى، كورىنىس رايونىندا جەكە - دارا  ساياحاتتايتىندار مەن جەكە اۆتوكولىكپەن ساياحاتتايتىندار ۇزدىكسىز كوبەيگەندىكتەن، ساياحات فورماسى دا بارعان سايىن ەركىن بولدى، بۇل كورىنىس رايونىنىڭ قىزمەت ەتۋ ساپاسىن ۇزدىكسىز جوعارلاتۋىن تالاپ ەتتى. قازىر شينجياڭعا باعىتتامالى كومەكتەسۋ قارجىسىنان 12 ميلليون 147 مىڭ 700 يۋان قارجى قوسىپ، قازانشى ۇلتتىق سالت-سانا ساياحات رايونىنىڭ نانمىن 2-مەرزىمدىك ساياحاتشىلارعا قىزمەت ەتۋ ورتالىعىن سالۋ نىسانى قاۋىرت جۇرگىزىلۋدە، بيىل 10-ايدىڭ سوڭىندا پايدالانۋعا بەرۋ جوسپارلاندى. ساياحاتشىلارعا قىزمەت ەتۋ ورتالىعى كوك جانە اق ءتۇستى نەگىز ەتۋمەن بىرگە، توبەسىن ۇيعۇر ۇلتىنىڭ ەرەكشەلىگىنە يە تۇرعىن ۇيلەردى نەگىز ەتىپ،زەردەلى ساياحات تەكشەسى قۇرىلىس نىسانىن اتقارىپ، ساياحاتشىلاردى ساياحاتتاۋعا ورنالاستىرۋ جانە ءتۇسىندىرۋ جول باستاۋ جاقتارىنان قىزمەت وتەيدى. حاليمان اۋىت: «بۇرىنعى تەك كورىنىستى تاماشالاۋ، سەيىلدەپ ساياحاتتاۋ  ساياحاتتى سەزىنۋگە وزگەردى، بۇل ءبىزدىڭ كورىنىس رايونىمىز جونىنەن العاندا دا ءبىر رەتكى ۇلكەن سىناق، بۇرىنعىدان دا جاقسى قىزمەت ەتۋىمىزگە تۋرا كەلەدى،-دەدى.»


بەرىپ كەت ورامالىڭدى

دوستار

الىستاعى اق ەركە