جاڭا حابارلار

 قۇتىبي اۋدانى ءارشىليديان قالاشىعىنىڭ «تيانفۋ» قالامشا ەگىنشىلىگى ديحاندار كوپەراتيۆىندەگى 500 مۋلىق تاس الما باعى كوپتەگەن ساياحاتشىنى ءماندى دە ءساندى اۋىل-قىستاق تۇرمىسىن سەزىنۋگە باۋرادى

    كەلۋ قاينارى: شينجياڭ حالىق راديو ىستانسياسى    2018-09-22 17:42:07  

   قۇتىبي اۋداندىق راديو ستانسياسىنىڭ ءتىلشىسى ۋاڭ جۋاننىڭ  حابارى  :
كۇز كىرگەلى، قۇتىبي اۋدانى ءارشىليديان قالاشىعىنىڭ «تيانفۋ» قالامشا ەگىنشىلىگى ديحاندار كوپەراتيۆىندەگى 500 مۋلىق تاس الما باعى كوپتەگەن ساياحاتشىنى ءماندى دە ءساندى اۋىل-قىستاق تۇرمىسىن سەزىنۋگە باۋرادى. :    حوش ءيىستى تاس الما باعىن ارالاساڭىز، سامسىعان قىپ- قىزىل تاس المالاردى كورەسىز، ساياحاتشىلار شارباقتارىن كوتەرىپ تاس الما تەرىپ قالماستان،  تاس الما اعاشىنىڭ ساياسىندا تۋىس-تۋعان، دوس-جاراندارىمەن بىرگە وتىرىپ تۇز تاماعىنان ءدام تاتادى.  سىچۋاننان كەلگەن ساياحاتشى ءلان ياڭ بىلاي دەدى:  تاس الماتى جەپ كورسەم وتە ءدامدى ەكەن، قانت قۇرامى دا نەداۋىر جوعارى،  قاربىز مەرەكەسى دە تاياپ قالدى، تاس المادان ءبىراز تەرىپ الىپ، اۋىلداعى تۋىس-تۋعان، دوس-جاراندارىما بەرەمىن.    تاس الما تەرۋ جانە تۇزدە تاماقتانۋدان سىرت،  حوش ءيىستى تاس الما باعى ساياحاتشىلارعا ۆەلوسيپەت ازىرلەدى. كوپتەگەن ساياحاتشى  كورىنىسى كوز تارتاتىن سايالى جولدى بويلاي ۆەلوسيپەتپەن سەرۋەندەپ، قوڭىر كۇزدەن بارىنشا  راحات تابادى. . 

    وسى ارادا ەگىلگەن حوش ءيىستى تاس المالار كوپەراتيۆتىڭ 2014- جىلى ەنگىزگەن جاڭا سورتتى الماسى. تاس الما باعى ساياحاتشىلاردىڭ  سەرۋەندەيتىن تاماشا جەرى بولىپ قالماستان، ءدامى دە ءتىل ۇيىرەتىندىكتەن، بازارى دا  كۇسەت بولىپ  كيلوگرامىن 50 يۋاننان ساتۋعا بولادى ەكەن. بيىل كوپەراتيۆ جىجياڭنىڭ لۇيباي يۋاننۇڭ اۋىل شارۋاشىلىق  ونىمدەرى شەكتى جارنا سەرىكتەستىگىمەن 3 ميلليون يۋاندىق تاپىسىرىسقا قول قويدى، سەرىكتەستىك ساتۋ ءبولىمىنىڭ مەڭگەرۋشىسى بيڭ ۋىنجي بىلاي دەدى:  الداعى كەزدە، تاس المانىڭ وسى سورتىن  جياڭسۋ، جىجياڭ، شاڭحايلاردىڭ جوعارى دەڭگەيلى جەمىس-جيدەك تولايىم ساتۋ بازارىنا كىرگىزەمىز، ونان كەيىن ءار جىلى سەرىكتەستىگىمىز  جەمىس باعىنىڭ ءونىم مولشەرىنىڭ جوعارىلاۋىنا قاراي، بازارمەن بىرلەستىرىپ  تاپسىرىستى، ساتىپ الۋ مولشەرىن  ارتتىرىپ، تاس الما سىندى جەمىس -جيدەكتىڭ سورتىن   قۇتىبيدىڭ ەرەكشە كاسىبىنە اينالدىرامىز.


بەرىپ كەت ورامالىڭدى

دوستار

الىستاعى اق ەركە