جاڭا حابارلار

شينجياڭ داشۋەسىنىڭ «قوس تاڭداۋلى» قۇرىلىسىن ىلگەرىلەتەيىك

    كەلۋ قاينارى: شينجياڭ گازەتى    2018-09-23 12:24:47  

2018-جىلى شينجياڭ داشۋەسىنە باعىتتامالى كومەكتەسۋ قىزمەتى ءماجىلىسى اشىلدى

 ءتىلشىمىز لي ياڭ 9 - ايدىڭ 21 - كۇنى ۇرىمجىدەن حابارلايدى. 9 - ايدىڭ 20 - كۇنى تۇستەن كەيىن، 2018 - جىلعى شينجياڭ داشۋەسىنە باعىتتامالى كومەكتەسۋ قىزمەتى ءماجىلىسى اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.
  ءماجىلىس بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، نازاردى شينجياڭ قىزمەتىنىڭ باس نىساناسىنا مىقتاپ اۋدارىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» ويداعىداي جۇرگىزىپ، شينجياڭدا جالپى جاعداي ورنىقتى، اۋقىمى مەڭگەرىمدى، بەتالىسى جاقسارعان كۇي جارىققا شىقتى، ەكونوميكا، قوعام جالپى جاقتان ورنىقتىلىقتى ساقتادى، بۇقارانىڭ تۇرمىسى ۇزدىكسىز جاقساردى، ۇلتتار ىنتىماعى ۇزدىكسىز كۇشەيدى. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل شينجياڭداعى ءار ۇلت حالقىنىڭ ءبىر جاعادان باس، ءبىر جەڭنەن قول شىعارىپ، ىنتىماقتاسا كۇرەس جۇرگىزۋىنىڭ ناتيجەسى، ىشكى ولكە، قالالارىنىڭ، ىشكى ولكەلەردەگى جوعارى مەكتەپتەردىڭ قالتقىسىز كومەگىنىڭ جانە زور كۇشپەن قولداۋىنىڭ ناتيجەسى. اسىرەسە، ءبىر جىلدان بەرى، 12 جوعارى مەكتەپ نازاردى شينجياڭ داشۋەسىنىڭ «قوس تاڭداۋلى» قۇرىلىسىنا شوعىرلاندىرىپ، توپتاسىپ باعىتتامالى كومەكتەسۋ ۇلگىسىن ۇزدىكسىز كەمەلدەندىرىپ، ەرەكشە ءونىمدى ءبىر قىدىرۋ قىزمەت ورىستەتىپ، شينجياڭ داشۋەسىنىڭ «قوس تاڭداۋلى» قۇرىلىسىنىڭ كەزەڭدىك ونىمدىلىككە قول جەتكىزۋىن ىلگەرىلەتتى.
  ءماجىلىس مىنانى تالاپ ەتتى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جوباسىمەن جانە شينجياڭعا وقۋ - اعارتۋ ارقىلى كومەكتەسۋ قىزمەتىنىڭ ورنالاستىرۋلارىمەن بىرلىككە كەلتىرىپ، باس نىسانانى مىقتاپ ارقاۋ ەتىپ، «قوس تاڭداۋلى» قۇرىلىسىنىڭ، «مينيسترلىك پەن اۆتونوميالى رايون بىرلەسىپ قۇرۋدىڭ» كەلەلى ورايىن مىقتاپ يگەرىپ، قاشاندا پارتيانىڭ باسشىلىعىنان جازباي، سوتسياليستىك مەكتەپ باسقارۋ باعىتىنان جازباي، وقىتۋشىلار قوسىنى قۇرىلىسىن كۇشەيتىپ، اناعۇرلىم جوعارى ساپالى دارىندىلاردى باۋلۋ جۇيەسىن ورناتىپ، پارتيانىڭ تۋىن وقۋ - اعارتۋ، وقىتۋ شەبىندە جەلبىرەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن پارمەندى تىرەك ازىرلەۋ كەرەك.
  ءماجىلىس مىنانى باسا دارىپتەدى: قازىر شينجياڭ داشۋەسى «قوس تاڭداۋلى» قۇرىلىسىنىڭ شەشۋشى مەزگىلىندە تۇر، باعىتتامالى كومەكتەسەتىن ءارقايسى جوعارى مەكتەپتەردىڭ شينجياڭنىڭ جوعارى وقۋ - اعارتۋىنىڭ دامۋىنا بۇرىنعىداي ءمان بەرىپ جانە مۇنى قولداپ، جوعارى ساپالى ادام باۋلۋ جۇيەسى قۇرىلىسى مەن «ءبىر بەلدەۋ، ءبىر جول» قۇرىلىسىنىڭ دامۋ قاجەتىن كوزدەي وتىرىپ، جان - جاقتى، جۇيەلى، «ۇيىرمە فورماسىندا» شينجياڭعا كومەكتەسۋدى ورىستەتىپ، سەلبەستىك جاساسۋ كەلىسىمدەرىنىڭ تياناقتاندىرىلۋىنا، ءونىمدى بولۋىنا كەپىلدىك ەتۋ كەرەك. شينجياڭ داشۋەسى تۇلعالىق جاۋاپكەرشىلىكتى كۇشەيتىپ، دۇنيە جۇزىندە تاڭداۋلى، جۇڭگولىق ەرەكشەلىككە يە بولۋعا، شينجياڭنىڭ قاجەتىن قاناعاتتاندىرۋعا كۇش سالىپ، «قوس تاڭداۋلى» قۇرىلىسىنىڭ ءىس جۇزىندىك جەتىستىكتەرىمەن جۇڭگوشا سوتسياليستىك شينجياڭ قۇرۋعا جاڭا، اناعۇرلىم زور ۇلەس قوسۋ كەرەك.
  ماجىلىستە چيڭحۋا داشۋەسى پارتكومىنىڭ شۋجيى چىن شۇي باعىتتامالى كومەكتەسەتىن 12 جوعارى مەكتەپ اتىنان شينجياڭ داشۋەسىمەن باعىتتامالى كومەكتەسۋدىڭ جالپى كەلىسىمىنە قول قويدى. شي - ان قاتىناس داشۋەسى پارتكومىنىڭ شۋجيى جاڭ مايزىڭ قاتارلى باعىتتامالى كومەكتەسەتىن جوعارى مەكتەپتەردىڭ باسشىلارى پىكىر اۋىستىرىپ، ءسوز سويلەدى.
  اۆتونوميالى رايوننىڭ ورىنباسار ءتوراعاسى، اۆتونوميالى رايوندىق پارتكوم وقۋ - اعارتۋ قىزمەتى كوميتەتىنىڭ ورىنباسار شۋجيى رىن حۋا ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە