جاڭا حابارلار

شي جينپيڭ ۆيەتنامنىڭ مەملەكەت ءتوراعاسى چىن داگۋاڭنىڭ قايتىس بولعاندىعى جونىندە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭعا كوڭىل ايتۋ تەلەگرامماسىن جولدادى

    كەلۋ قاينارى: شينجياڭ گازەتى    2018-09-23 12:37:54  
 شينحۋا اگەنتتىگىنىڭ 9 - ايدىڭ 21 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 9 - ايدىڭ 21 - كۇنى ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭعا كوڭىل ايتۋ تەلەگرامماسىن جولداپ، جۇڭگو پارتياسى، ۇكىمەتى، حالقى ءارى ءوز اتىنان ۆيەتنامنىڭ مەملەكەت ءتوراعاسى چىن داگۋاڭنىڭ قايتىس بولعاندىعىنا اسا قايعىلى سەزىممەن ازا بىلدىرەتىندىگىن، وتباسىنان ەرەكشە شىنايى حال سۇرايتىندىعىن ءبىلدىردى. تەلەگراممانىڭ تولىق مازمۇنى تومەندەگىدەي:
  ۆيەتنام سوتسياليستىك رەسپۋبليكاسىنىڭ ءتوراعاسى چىن داگۋاڭ جولداستىڭ باقىتقا قارسى قايتىس بولعاندىعى جونىندە توسىن حابار الدىم، مەن جۇڭگو كوممۋنيستىك پارتياسى، ۇكىمەتى، حالقى ءارى ءوز اتىمنان سىزگە ءارى ءسىز ارقىلى ۆيەتنام كوممۋنيستىك پارتياسىنا، ۇكىمەتىنە، حالقىنا چىن داگۋاڭ جولداستىڭ قايتىس بولعاندىعىنا اسا قايعىلى سەزىممەن ازا بىلدىرەتىندىگىمدى جەتكىزەمىن. ءبىز ول كىسىنىڭ قايتىس بولعاندىعىنا ايرىقشا قايعىرامىز.
  چىن داگۋاڭ جولداس ۆيەتنام پارتياسى مەن مەملەكەتىنىڭ تاڭداۋلى باسشىسى، ۆيەتنام ەلىنىڭ دامۋ، جاڭالىق اشۋ، رەفورما جاساۋ ىستەرىنە ماڭىزدى ۇلەس قوستى. چىن داگۋاڭ جولداس جۇڭگو حالقىنىڭ جاقىن جولداسى جانە دوسى رەتىندە، جۇڭگو مەن ۆيەتنامنىڭ ءداستۇرلى دوستىعىنا مۇراگەرلىك ەتۋگە جانە ونى ساۋلەلەندىرۋگە كۇش سالىپ، ەكى ەلدىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن بەلسەنە ىلگەرىلەتتى.
  مەن باس شۋجي جولداستىڭ پارمەندى باسشىلىعىندا ۆيەتنام پارتياسىنىڭ، ۇكىمەتىنىڭ، حالقىنىڭ قايعىنى قايراتقا اينالدىرىپ، سوتسياليستىك قۇرىلىس ىستەرىندە ۇزدىكسىز تىڭ تابىستارعا قول جەتكىزەتىندىگىنە سەنەمىن.
  چىن داگۋاڭ جولداستىڭ بالا - شاعاسىنا مەنىڭ ايرىقشا شىنايى سالەمىمدى جەتكىزىپ قويعايسىز.

بەرىپ كەت ورامالىڭدى

دوستار

الىستاعى اق ەركە