جاڭا حابارلار

 حوتان قالاسىنىڭ كەشكى بازارىنداعى ءار ۇلت ساۋداگەرى  بەرەكەلى ۇلكەن شاڭىراق قۇردى

    كەلۋ قاينارى: شينجياڭ حالىق راديو ىستانسياسى    2018-09-25 17:04:05  

   ستانسيامىزدىڭ ءتىلشىسى ليۋ چياڭنىڭ حابارى حوتان قالاسىنىڭ كەشكى بازارىنداعى  260 ءار ۇلت ساۋداگەرى  بەرەكەلى ۇلكەن شاڭىراق قۇردى. وسىنىڭ ىشىندە تيجاراتشى مامەت الي مەن تان ليجۇن ءبىر - بىرىنە كوڭىل ءبولىپ،  كومەكتەسىپ، تاتۋ - ءتاتتى تۋعان اعالى - قارىنداستاي وتەدى. «قانەكي، قاقتاعان بالىق ەتىنەن اۋىز تيىڭىزدەر، ءدامى ءتىل ۇيىرەدى، قانەكي، قانشا  الاسىز؟» ــ دەپ  سىچۋان اكسەنتى مەن شينجياڭ اۋەنىن ارالاستىرا سويلەيتىن ساۋداگەر مامەت الي حوتان كەشكى بازارىنداعى جۇرت اۋزىنان تاستامايتىن« اق ەدىل جان»، ول سىچۋان اكسەنتىندە سويلەۋدى راڭپيزى ساۋداسىن ىستەيتىن «قارىنداسى» تان ليجۇننەن ۇيرەنگەن. حوتان كەشكى بازارىنىڭ كاسىپ باسقارۋشىسى بولعاننان باستاپ مامەت الي ءار كۇنى جول - جونەكەي ساۋداگەرلەرمەن امانداسىپ  جۇرەدى.ـــــ  (ەر): « سالەمەتسىڭ بە قارىنداسىم؟» ـــــ   (ايەل): « امان تۇردىڭسىز با؟»  ـــــ (ەر): ساۋداڭ قانداي ؟ ـــــ  ـــــ (ايەل):  «  وتە جاقسى»ـــــ  (ەر): «تازالىققا كوڭىل ءبول، راڭپيزىنىڭ بەتىن جاۋىپ قوي»  ـــــ (ايەل):سۋىق كەسپەنى ءار كۇنى تۇراقتى مولشەر بويىنشا قالدىرماي ساتامىن. ـــــ (ەر):كومەك قاجەت بولسا ايت؟ـــــ (ايەل): قازىرشە قاجەتسىز، جۇمىس بولسا سىزگە تەلەفون بەرەم عوي .ـــــ (ەر): جارايدى.   تان ليجۇن وتكەن جىلى جولداسىمەن بىرگە حوتان كەشكى بازارىنا راڭپيزى ساۋداسىن ىستەۋگە كەلەدى، ءبىرىنشى كۇنى توك جالعاۋ جۇمىسىمەن مامەت ءاليدى ىزدەپ بارادى، مامەت الي دە  ونىڭ بۇل ماسەلەسىن  كومەكتەسىپ شەشىپ بەرەدى. كەيىن، ەكى جاقتىڭ بارىس - كەلىسىنىڭ ۇزدىكسىز كوبەۋىنە ساي، مامات ءالي مەن  تان ليجۇن تۇرمىستاعى جاقسى دوستارعا اينالادى، ادەتتە ەكەۋى ءبىرىن - ءبىرى اعا - قارىنداس دەپ اتاسادى، ەكى وتباسىنىڭ قاتىناسى دا بارعان سايىن قويۋلاي تۇسەدى.  تان ليجۇن بىلاي دەدى: « ءبىز كەشكى بازاردا كوپ ماسەلەگە جولىعامىز، تەلەفون بەرسەك بولعانى جەتىپ كەلەدى، بەينە اعام سياقتى. كەشكى بازارداي وسى ۇلكەن شاڭىراققا كىرگەنىمىزگە ەرەكشە قۋانىشتامىز. كەشكى بازارداعى 200 دەن ارتىق ساۋداگەر ءبىر ءۇيلى جانداي وتەدى».      ءار كۇنى كەشتە، حوتان كەشكى بازارى دۋمانعا بولەنەدى، ارناۋلى ارتيىستەر تاماشا ويىن نومىرلەرىن قويادى، بۇل جەردەن قاقتالعان  ءبۇتىن قوي ەتى، قۇيعان وكپە، كاۋاپ، سامسا سياقتىلاردىڭ ءبارى تابىلادى، بارلىق جەردەن قۋانىشتىڭ، جاراسىمدىلىقتىڭ لەبى ەسەدى. مامەت ءالي بىلاي دەدى: « كەشكى بازار وتباسىم، كەشكى بازارداعى ساۋداگەرلەر ءىنىلەرىم، قارىنداستارىم سياقتى، اناعۇرلىم كوپ ساياحاتشى كەشكى بازارعا كەلىپ، كوركەم حوتاندى بىلسە دەيمىن».    حوتان قالالىق بازار باقىلاۋ - باسقارۋ مەكەمەسى پارتگرۋپپاسىنىڭ شۋجيى ساۋ ۋيجۇن بىلاي دەدى: « حوتان كەشكى بازارى حوتاننىڭ تاماشا تانىسقىسى، حوتان كەشكى بازارى ءار ۇلتتىڭ ءوزارا ارالاسقان، ىشتەسكەن، توعىسقان تاماشا بەينەسىن ايگىلەيدى، سونىمەن بىرگە وسى كەشكى بازار حوتاننىڭ بەرەكەلى قوعامدىق جاعدايىن ايگىلەپ تۇر ».         


بەرىپ كەت ورامالىڭدى

دوستار

الىستاعى اق ەركە