جاڭا حابارلار

 فۋكاڭ قالاسى جاڭا قالا رايونى چاڭ-سۇي-يۋان گۇلحاناسىنىڭ جاۋاپتىسى ما سۇنشي گۇل ساۋداسىمەن شۇعىلدانا ءجۇرىپ، ءوزى قىزىعاتىن الەۋمەتتىك يگىلىك ىستەرىمەن ۇزبەي شۇعىلدانىپ، ماڭىنداعىلاردى  مەيىر جەتكىزەتىن الەۋمەتتىك يگىلىك قيمىلدارىنا قاتىناسۋعا جەتەكتەپ، قيىنشىلىعى بار بۇقارانىڭ تۇرمىسىن جاقسارتۋعا كومەكتەسىپ، ءومىردىڭ  قۇنىن جاراتتى

    كەلۋ قاينارى: شينجياڭ حالىق راديو ىستانسياسى    2018-09-25 17:03:41  

 .سانجى راديو ستانسياسىنىڭ ءتىلشىسى جۋ ليجۇن، فۋكاڭ راديو ستانسياسىنىڭ ءتىلشىسى چين شۋەفاڭنىڭ حابارى :
فۋكاڭ قالاسى جاڭا قالا رايونى چاڭ-سۇي-يۋان گۇلحاناسىنىڭ جاۋاپتىسى ما سۇنشي گۇل ساۋداسىمەن شۇعىلدانا ءجۇرىپ، ءوزى قىزىعاتىن الەۋمەتتىك يگىلىك ىستەرىمەن ۇزبەي شۇعىلدانىپ، ماڭىنداعىلاردى  مەيىر جەتكىزەتىن الەۋمەتتىك يگىلىك قيمىلدارىنا قاتىناسۋعا جەتەكتەپ، قيىنشىلىعى بار بۇقارانىڭ تۇرمىسىن جاقسارتۋعا كومەكتەسىپ، ءومىردىڭ  قۇنىن جاراتتى.   ما سۇنشي:-  بۇلت ۇلگىسى 10- ايدىڭ بىرىنەن كەيىن جاسالىپ بولادى.   جۇمسشى:- مۇنى جاساۋعا كوپ ۋاقىت كەتپەيدى، 9- ايدىڭ سوڭىندا جاسالىپ بىتەدى.    بىرنەشە كۇننەن بەرى، ما سۇنشي ۋاقىتى شىعا قالسا بولعانى ءوزىنىڭ گۇل  باقشاسىنا بارىپ، جاڭادان كەلگەن جۇمىسشىلارعا گۇل ساباعىنداعى  جاپىراقتاردى شىرپىپ ءپىشىن جاساۋدى ۇيرەتتى. 1996- جىلى ما سۇنشي شينجياڭ اۋىل شارۋاشىلىق داشۋەسى گۇل ءوسىرۋ باپتاۋ كاسىبىنەن وقۋ تاۋىسادى، ءارى ءۇرىمجى گۇل - اعاش باقشا ورنىنىڭ تەحنيكا قىزمەتكەرى بولادى، ءبىر مەزگىل قىزمەت ىستەگەننەن كەيىن، ما سۇنشي اۋىلعا قايتىپ كاسىپ كوزىن اشۋ جولىن تاڭدايدى. شاعىن دۇكەن اشىلعان تۇڭعىش جىلى، تيجارات تاجىريبەسى از بولعاندىقتان، دۇكەندەگى گۇلدىڭ ءبۇلىنۋ مولشەرى %80 كە جەتىپ، 20 مىڭ يۋاننىڭ ۇستىندە زيان تارتتى. بۇعان بولا ما سۇنشي العان بەتىنەن قايتپادى، قارجىنى ۇنەمدەۋ ءۇشىن، ول كورشىسىنەن ءۇش دوڭگەلەكتى ۆەلەسيپەتتى الا تۇرىپ، قاريدارلارعا زاتتى ۇيىنە دەيىن جەتكىزۋ قىزمەتىن وتەي باستادى، بىرتىندەپ، ونىڭ ساپالى قىزمەت وتەۋى مەن سەنىمدىلىگىنىڭ ارقاسىندا، دۇكەننىڭ ساۋداسى بىرتىندەپ جاقساردى. ما سۇنشي: « العاشىندا ءۇش دوڭگەلەكتى ۆەلوسيپەتپەن جۇردىم، كەيىن شاعىن جۇك اۆتوكولىگىن ساتىپ الدىم، ونان سوڭ پيكا اۆتوموبيلىن ساتىپ الدىم. قازىر ساۋدالىق اۆتوموبيلىمەن زات جەتكىزىپ، ساۋدام فۋكاڭدا نەداۋىر تانىلىپ، جاقسارا ءتۇستى»،- دەدى.   كاسىپ كوزىن اشۋ جولىندا ما سۇنشي كوپتەگەن كومەككە دە يە بولدى. سوندىقتان، بىرتىندەپ اۋقاتتانعان ول  قوعامدىق الەۋمەتتىك يگىلىك ىستەرىنە دەن قويا كىرىستى. 2013- جىلى 5- ايدا، ما سۇنشي فۋكاڭ قالاسى تايياڭحۋا سۇيىسپەنشىلىك جەتكىزۋ الەۋمەتتىك يگىلىك قوعامىنا قاتىناسىپ، ءتۇرلى سۇيىسپەنشىلىك جەتكىزۋ الەۋمەتتىك يگىلىك قيمىلدارىنا بەلسەنە ات سالىستى. ول ءبىر رەتكى الەۋمەتتىك يگىلىك قيمىلىندا،   چىڭگۋان قالاشىعى  ۋيمين قىستاعىنىڭ تۇرعىنى مامەت ايسامەن تانىسادى، وسىدان كەيىن، ول قارتتارعا قارايلاسۋ مىندەتىن بەلسەنە ۇستىنە الادى. مامەت ايسا:« بۇل بالا وتە اقكوڭىل، ءۇش جىلدان بەرى ماعان كوڭىل ءبولىپ كەلەدى، كيىم- كەشەگىمدى جۋىپ بارلىق جۇمىسىمدى سىتەپ بەرەدى، كەيدە تاماعىمدى دا دايىندايدى»،- دەدى.       بەينەسى ەرەكشە جاقسى بولعاندىقتان، ما سۇنشي تايياڭحۋا سۇيىسپەنشىلىك جەتكىزۋ الەۋمەتتىك يگىلىك قوعامى پارتيا ياچەيكاسىنىڭ شۋجيلىعىنا سايلانادى، ونىڭ جەتەكشىلىگىندە، قوعامداعى ەرىكتىلەر ىلگەرىندى- كەيىندى كوپ رەت مەكتەپ اۋلاسىنا، يگىلىك ورنىنا، كەدەي وتباسىلارىنا بارىپ سۇيىسپەنشىلىك جەتكىزۋ الەۋمەتتىك يگىلىك قيمىلدارىن  وتكىزدى. ءۇش جىلعا تاياۋ ۋاقىتتان بەرى، تايياڭحۋا سۇيىسپەنشىلىك جەتكىزۋ الەۋمەتتىك يگىلىك قوعامى ءتۇرلى سۇيىسپەنشىلىك جەتكىزۋ، كومەكتەسۋ قارجىسىنان 600 مىڭ يۋاننان استامىن جىلۋعا اتاپ،  وسىدان يگىلىكتەنگەن وتباسىنىڭ سانى 400 دەن استى. سونىمەن بىرگە، وسى قوعامعا قاتىناسقان ەرىكتىلەردىڭ سانى 300 دەن استى. ما سۇنشي بىلاي دەدى:«الەۋمەتتىك يگىلىك ىستەرىمەن شۇعىلدانۋ باسقالارعا كومەكتەسۋدى قۋانىش سانايتىنءىس، بۇل ءبىر جاعىنان بەلسەندى دە اقاۋسىز، كوڭىلدى تۇرمىس ءتاسىلى بولسا، ەندى ءبىر جاعىنان باسقالارعا ءۇمىت سيلايتىن، ومىرشەڭدىك كۇشكە تولى تۇرمىس ءتاسىلى. كاسىپ كوزىن اشۋ جانە ەرىكتىلەر قيمىلى ارقىلى مەنىڭ تۇرمىسىم وزگەردى. كۇرەس جاساماعان بولساق، ەشتەڭەمىزدە بولماس ەدى، باقىت قاجىرلى كۇرەستەن  كەلەدى» .
 


بەرىپ كەت ورامالىڭدى

دوستار

الىستاعى اق ەركە