جاڭا حابارلار

قاراقاش اۋدانى جاھانباق اۋىلى قارا قۇشقاچلا قىستاعىنىڭ تۇرعىنى تۇرسۇنمامەت توحتىمامەت قسىتاقتاعى كەدەي وتباسى ەدى. بۇگىنگى كۇنى ول كەدەيلەردى سۇيەمەلدەۋگە بەرىلەتىن شاعىن سومالى قارىز اقشا الىپ بالاپان شىعارۋ زاۆودىن قۇرىپ، كەدەيلىكتەن قۇتىلىپ قالماستان، ماڭىنداعى تۇرعىنداردى كاسىپتەنىپ، كىرىسىن ارتتىرۋعا باستادى

    كەلۋ قاينارى: شينجياڭ حالىق راديو ىستانسياسى    2018-09-26 12:09:06  

   ستانسيامىزدىڭ ءتىلشىسى ليۋ چياڭنىڭ حابارى:
ەكى جىلدىڭ الدىندا، قاراقاش اۋدانى جاھانباق اۋىلى قارا قۇشقاچلا قىستاعىنىڭ تۇرعىنى تۇرسۇنمامەت توحتىمامەت قسىتاقتاعى كەدەي وتباسى ەدى. بۇگىنگى كۇنى ول كەدەيلەردى سۇيەمەلدەۋگە بەرىلەتىن شاعىن سومالى قارىز اقشا الىپ :بالاپان شىعارۋ زاۆودىن قۇرىپ، كەدەيلىكتەن قۇتىلىپ قالماستان، ماڭىنداعى تۇرعىنداردى كاسىپتەنىپ، كىرىسىن ارتتىرۋعا باستادى.  تۇرسۇنمامەت توحتىمامەتتىڭ بالاپان شىعارۋ زاۆودىنا بارعاندا، ول  جۇمىرتقادان ەندى عانا شىققان شوجەلەرگە ۆاكسينا قۇيىپ جاتىر ەكەن.   بيىل، تۇرسۇنمامەت توحتىمامەتتىڭ بالاپان شىعارۋ زاۆودى مولشەرمەن 15 مىڭ بالاپان شىعاراتىندىعى، ال كىرىسىنىڭ 70 مىڭ يۋانعا جەتەتىندىگى مەجەلەندى. ەكى جىلدىڭ الدىندا، ول قىستاقتاعى كەدەي وتباسى بولاتىن، وتباسىندا 5 جان سانى بار، كىرىس قاينارى 3 مۋ جەردەگى جاڭعاق پەن ءبىر مۋ جەردەگى ءبيداي  عانا ەدى. كەدەي وتباسى دەگەن اتتان تەز ارادا ارىلۋ ءۇشىن، كەزىندە اۋدانداعى  بالاپان شىعارۋ زاۆودىندا قىزمەت ىستەگەن  تۇرسۇنمامەت توحتىمامەت كاسىپ كوزىن اشۋ ويىنا كەلگەنىن ايتا كەلىپ بىلاي دەدى: «كەدەي وتباسى دەگەن اتتان ءوزىم دە ۇيالاتىنمىن، قازىر، ساياسات جاقسى، كەدەيلەردى سۇيەمەلدەۋگە بەرىلەتىن شاعىن سومالى قارىز اقشادان پايدالانىپ، بالاپان شىعارۋ ماشيناسىن ساتىپ الۋدى ويلادىم، بۇل جاعىندا ءوزىمنىڭ دە تەحنيكام بار ەدى، سونىمەن اۋالادان شاعىن بالاپان شىعارۋ زاۆودىن قۇردىم»   ونىڭ بۇل ويىن « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىمەن قىستاققا تۇسكەن قىزمەت اترەتى مەن قىستاق تۇرعىندار كوميتەتى قۋانا قۇپتادى. كەدەيلەردى سۇيەمەلدەۋگە بەرىلەتىن شاعىن سومالى قارىز اقشاسى تياناقتانعاننان كەيىن، تۇرسۇنمامەت توحتىمامەت دەرەۋ اتتانىسقا كەلىپ، بالاپان شىعارۋ ماشيناسىن ساتىپ الىپ، زاۆود قۇرىپ، بالاپاندارعا ۆاكسينا قۇيۋمەن ءار كۇنىن قاربالاس وتكىزەدى. ول بىلاي دەدى: «قارىز اقشاعا بالاپان شىعارۋ زاۆودىن قۇردىم، اۋىرتپالىعىم دا از ەمەس، جۇمىستى جالعاستى قۇلشىنا ىستەۋىم كەرەك. بالاپان شىعارۋ زاۆودىن قۇرعاننان كەيىنگى العاشقى تابىسىم قولعا تيگەندە ەرەكشە قۋاندىم، قازىر، بالاپان شىعارۋ، بالاپاندارعا قاراۋ تەحنيكاسىن يگەردىم، بىلتىر، زاۆود قۇرعان العاشقى جىلى 50 مىڭ يۋاننان ارتىق كىرىس كىرگىزىپ، كەدەي وتباسى دەگەن اتتان دا قۇتىلدىم.»   قازىر، بالاپان شىعارۋ زاۆودىنىڭ تاپسىرىسى بارعان سايىن مولايۋدا،  تۇرسۇنمامەت توحتىمامەت تاعى 5 تۇرعىندى وسى بالاپان شىعارۋ زاۆودىنا قىزمەتكە ۇسىنىس ەتتى، ول بىلاي دەدى: «باس شۋجي شي جينپيڭ باقىت كۇرەس جاساۋدان كەلەدى دەگەن بولاتىن، وسى ءسوزدى ەرەكشە قۇپتايمىن. بۇرىن كەدەي وتباسى بولاتىنمىن، قارىز اقشا الىپ شوجە جەتىلدىرۋ زاۆودىن قۇرىپ، قۇلشىنا كۇرەس جاساۋ ارقىلى تۇرمىسىمدا زور وزگەرىس بولدى، مۇنى  باقىت سانايمىن.  الدا، جالعاسى قۇلشىنىپ، مۇنان دا ۇلكەن بالاپان شىعارۋ  زاۆودىن سالىپ، اناعۇرلىم كوپ ادامدى اۋقاتتانۋعا باستاۋعا كۇش سالامىن.» 
 


بەرىپ كەت ورامالىڭدى

دوستار

الىستاعى اق ەركە