جاڭا حابارلار

 رايونىمىزدىڭ جەر- جەرى ەرتە باستان دايىندالىپ، جەلىلەس قيمىلدار وتكىزىپ، قىسقى ساياحات بازارىن كەڭەيتتى

    كەلۋ قاينارى: شينجياڭ حالىق راديو ىستانسياسى    2018-09-29 11:57:46  

ستانسيامىزدىڭ ءتىلشىسى جين لەي مەن پراكتيكانت ءتىلشى لو يۋانميڭنىڭ حابارى :
 رايونىمىزدىڭ جەر- جەرى ەرتە باستان دايىندالىپ، جەلىلەس قيمىلدار وتكىزىپ، قىسقى ساياحات بازارىن كەڭەيتتى. 
    ءۇرىمجى قالاسى قازىردەن باستاپ 2019- جىلعى شاعاننىڭ الدى- ارتىنا دەيىن شاڭعى تەبۋ، مۇزدا سىرعاناۋ، مۇز شوقىعا شىعۋ سياقتى ءتۇرلى جەرگىلىكتى وزگەشەلىك پەن قار- مۇز ەرەكشەلىگىن بىردەي بەينەلەيتىن ساياحات نىساندارىن شىعارادى،ءارى شينجياڭداعى تۇڭعىش قار- مۇز شاتتىعى شاتقالىن قۇرىپ، ساياحاتشىلاردىڭ  «قاردا كوڭىل اشۋعا» جان-جاقتىلى قاتىناسۋىنا مۇمكىندىك جاسايدى. « ادامزاتتىڭ بايىرعى قار شاڭعى مەكەنى بولعان»  التاي ايماعى قارى ساپالى، قالىڭ بولۋ، ۇزاق ۋاقىت ساقتالۋ، شاڭعى تەپكەندە جايلى بولۋ سياقتى وزگەشە ابزالدىلىقتارىنا سۇيەنىپ، قاناس پەن قومنىڭ تاڭعاجايىپ كوركەم قارلى اۋىلى قار- مۇز ساياحاتى دەمالىس رايونىن قامتىعان « ءتورت رايون، ءبىر بەلدەۋدى» قىسقى ساياحاتتىڭ جەتەكشى ءونىمى ەتىپ بەلگىلەدى. سونىمەن بىرگە ساياحات باسقارماسى ارقىلى تيىمدىلىك جاساۋ، سيلاۋ ادىستەرىن اتقارادى. التاي ايماقتىق ساياحات ۇگىتىن جالپىلاستىرۋ ورتالىعىنىڭ مەڭگەرۋشىسى نيە پيڭ:«قىستا  500 دەن ارتىق ساياحاتشى باستاپ كەلگەن ساياحات باسقارمالارىن سوڭىندا قاتارعا تۇرعىزىپ سيلايمىز، الدىڭعى التىعا كىرگەن ساياحات باسقارمالارىن ءبىر جولدا 200 مىڭ يۋان، 180 مىڭ يۋان، 150 مىڭ يۋان، 100 مىڭ يۋان جانە 80 مىڭ يۋانمەن سيلايمىز»،- دەدى.   « قىستا شينجياڭعا ساياحاتتاۋ» قىزمەت وتەۋىنىڭ ساپاسىنا كەپىلدىك ەتۋ ءۇشىن، 9- ايدىڭ 27- كۇنى، اۆتونوميالى رايوندىق ساياحات قوعامى شينجياڭ قار- مۇز ساياحاتىنا ساپالى قىزمەت ەتۋ  وداعىن باستاماشىلدىقپەن  قۇردى. اۆتونوميالى رايوندىق ساياحات قوعامىنىڭ باس حاتشىسى جاڭ شياۋيۇي:« 80 نەشە ساياحات باسقارماسى جانە ساياحات ونىمدەرى تيجاراتىن جۇرگىزەتىن قۇرىلىمدار  ءبىزدىڭ  وداعىمىزعا قوسىلدى. 11- ايدىڭ ورتاسى جانە سوڭعى شەنىندە  تۇتاس رايونىمىزعا باعىتتالعان قسىقى ساياحاتتى تانسىتىرۋ ءماجىلىسى وتكىزىلىپ،  ايماق- وبلىستاردى وزدەرىنىڭ قىسقى ساياحات ونىمدەرىن الىپ ۇرىمجىگە كەلىپ كورمەگە قويۋعا ۇسىنىس ەتەمىز»،- دەدى.    سونىمەن بىرگە، شينجياڭنىڭ قىسقى ساياحات ونىمدەرىن جوبالاۋ جارىسى جۋىردا باستالىپ، 10 مىڭ يۋاندىق سيلىق ورنالاستىرىلدى،  بۇكىل ەلىمىزدىڭ جەر- جەرىندەگى ساياحات كاسىبىمەن شۇعىلداناتىن ساۋداگەرلەر، ۇيىرمە قۇرعان باسقارما سياقتىلاردان ساپالى ءونىم لەنياسى جينالادى. 


بەرىپ كەت ورامالىڭدى

دوستار

الىستاعى اق ەركە