جاڭا حابارلار

كوكتوعاي اۋداندىق حالىق ۇكىمەتى كەڭسەسىنەن قاراتوڭكە قالاشىعى قىزىلقۇدىق قىستاعىنا تۇسكەن « حالىق جاعدايىن ۇعىسۋ، حالىققا تيىمدىلىك  جەتكىزۋ ، حالىق تىلەگىن توعىستىرۋ»  قىزمەت اترەتى ،ولقىلىقتاردى تولىقتاپ، تۇرعىنداردى ەگىنشىلىك قۇرىلىمىن رەتتەپ «جول بويى ەكونوميكاسىن» كۇش سالا دامىتۋعا باستاپ، ديحانداردىڭ كىرىسىن ارتتىرۋ جولىن كەڭەيتتى.  

    كەلۋ قاينارى: شينجياڭ حالىق راديو ىستانسياسى    2018-09-29 12:07:10  

 التاي راديو ستانسياسىنىڭ ءتىلشىسى ياڭ شۋساي مەن كوكتوعاي اۋداندىق راديو ستانسياسىنىڭ ءتىلشىسى شالقاردىڭ وسى جونىندەگى حابارى :
كوكتوعاي اۋداندىق حالىق ۇكىمەتى كەڭسەسىنەن قاراتوڭكە قالاشىعى قىزىلقۇدىق قىستاعىنا تۇسكەن « حالىق جاعدايىن ۇعىسۋ، حالىققا تيىمدىلىك  جەتكىزۋ ، حالىق تىلەگىن توعىستىرۋ»  قىزمەت اترەتى قىستاقتا تۇرعاننان 2017- جىلدان بەرى، پارىقتى تاۋىپ، ولقىلىقتاردى تولىقتاپ، تۇرعىنداردى ەگىنشىلىك قۇرىلىمىن رەتتەپ «جول بويى ەكونوميكاسىن» كۇش سالا دامىتۋعا باستاپ، ديحانداردىڭ كىرىسىن ارتتىرۋ جولىن كەڭەيتتى.
    قىزىلقۇدىق قىستاعى كوكتوعاي اۋدان قالاشىعىنىڭ وڭتۇستىگىندەگى 10 كيلومەتر جەردەگى قالا ماڭىنداعى قىستاق. مۇنداعى تۇرعىنداردىڭ ەككەن داقىل ءتۇرى جالاڭ، قيار، جۇگەرى سياقتى ەكونوميكالىق داقىلداردى نەگىز ەتەتىندىكتەن، ساتىلىم ءورىسى تار، قىستاق تۇرعىندارىنىڭ كىرىستەرى تۇراقسىز بولىپ كەلگەن. وسى جاعدايدى كوزدەگەن  قىستاقتا تۇراتىن قىزمەت اترەتى مەن قىستاقتىڭ «ەكى كوميتەتى» قايتا-قايتا اقىلداسىپ، اۋىل شارۋاشىلىعى تەحنيكتەرىن قىستاقتا تۇرىپ دالەلدەۋگە ۇسىنىس ەتىپ، ەگىس قۇرىلىمىن رەتتەپ، ليگور، شىعىس تەرىستىك ءجۇزىمى سياقتى 12 جاڭا سورت بويىنشا جىلىجايدا كوكونىس، جەمىس-جيدەك ەگۋدى ۇيعارادى. كەزەكتە، تۇرعىن قايشا وتباسىنىڭ جىلىجايىنداعى جەمىس-جيدەك، كوكونىستەردىڭ ءوسىپ ءونۋى وتە جاقسى بولىپ، بازارعا شىعارىلا باستادى. ول بىلاي دەدى: « قىزمەت اتىرەتى ءبىزدىڭ وندىرىسىمىزگە، ونىمدەرىمىزدى ساتۋىمىزعا كومەكتەستى،  اۋا رايىندا ۇلكەن وزگەرىس بولسا جىلىجايىمىزدى جيىستىرۋىمىزعا قولعابىس ەتتى، بىرەر كۇردەلى ماسەلەگە جولىقساق قىزمەت اترەتى مامان ۇسىنىس ەتىپ اكەلىپ شەشەدى. ءبىر جىلدان بەرى، ەكى جەردەگى ءونىمدى قوسقاندا تابىسىم 70 تە 80 مىڭ يۋان مولشەرىندە بولادى.»     قىزىلقۇدىق قىستاعى ولكە تاسجولىنىڭ بويىندا، مەملەكەتتىك  5A دارەجەلى  كوكتوعاي ساياحات كورىنىس رايونىنا جاقىن، قىستاقتا تۇراتىن قىزمەت اترەتى مەن قىستاقتىڭ «ەكى كوميتەتى»  وڭىرلىك ابىزالدىلىقتان تولىق پايدالانىپ، اۋماعى 14 مۋ كەلەتىن « اۋىل شارۋاشىلىق سەيىل-سەرۋەن، ساياحاتتاپ تاماشالاۋ جانە تەحنيكالىق ۇلگى كورسەتۋدى» ۇشتاستىرعان اۋىل شارۋاشىلىعى عىلىم-تەحنيكاسى ۇلگى باقشاسىن جوسپارلاپ قۇرىپ، تۇرعىنداردى ەرەكشە ورگانيكالىق اۋىل شارۋاشىلىق ونىمدەرىن تەرۋدى-ءۇزۋدى نەگىز ەتكەن سەيىل-سەرۋەن سيپاتىنداعى اۋىل شارۋاشىلىعىن دامىتۋعا باستاپ، ەگىنشىلىكپەن شۇعىلداناتىن وتباسىلارىنىڭ كىرىسىن ەكى ەسەلەپ، قىستاق تۇرعىندارىنىڭ 2017- جىلعى كىسى باسىندىق ورتاشا كىرىسىن 14 مىڭ يۋاننان اسىردى.  

   قىستاقتىڭ جەمىس-جيدەك، كوكونىس ەگۋ تانىمالىعىن ارتتىرىپ ساتىلىم جولىن كەڭەيتۋ ءۇشىن، قىستاقتا تۇراتىن قىزمەت اترەتى بيىل، ىشكى ولكەدەن ساۋدا ماركاسىن جوبالاۋ ماماندارىن ۇسىنىس ەتۋ ارقىلى ساۋدا ماركاسى مەن ءونىم قورابىن جوبالاپ،  كورىنىس رايونىنا باراتىن ولكە تاس جولى 216-لەنياسىنىڭ بويىنان حالىققا تيىمدىلىك جەتكىزۋ نىسان قارجىسىنان 500 مىڭ يۋان اجىراتىپ «5-ۇلكەن اترەتتىڭ جەمىس-جيدەك، كوكونىس ساتۋ بازارىن»، كوكتوعاي اۋداندىق ليانچىڭ سەيىل-سەرۋەن اۋىل شارۋاشىلىعىنا امبەباپ قىزمەت وتەۋ شەكتى جاۋاپكەرلىك سەرىكتەستىگىن قۇرىپ، ەگىنشىلىكپەن شۇعىلداناتىن بىتىراندى وتباسىلارىن تۇگەلىمەن قوعامعا كىرگىزىپ، ءونىمدى ءبىر تۇتاس ۇيىمداستىرىپ، ءبىر تۇتاس باسقارىپ، ءبىر تۇتاس ساتىپ، 120 ادامنىڭ  كاسىپتەنۋىن ءونىمدى جەبەدى. قىزىلقۇم قسىتاعىنىڭ ءبىرىنشى شۋجيى، « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى شۇي شۋانتاۋ بىلاي دەدى: «جان-جاقتىلى پىكىر الىپ، قسىتاعىمىزدىڭ دامۋ وي جەلىسىن العا قويدىق، وسى ابزالدىلىقتى باسقاعا اينالدىرۋمەن ۇشتاستىرىپ،  ونى كوكتوعاي اۋدانىنىڭ باۋ-باقشالى قاقپاسىنا، ەرەكشە كاسىپ ۇلگى بازاسىنا، سەيىل-سەرۋەن اۋىل شارۋاشىلىعى ۇلگى قىستاعىنا اينالدىردىق.  بۇل تەك ءبىزدىڭ ەكونوميكالىق كىرىسىمىزدى ارتتىرىپ قانا قالماي، اۋلا شاۋاشىلىعى ەگىنشىلىگىن دامىتۋعا، ەكولوگيانى قونىستانۋعا جايلى ەتىپ، قورشاعان ورتانى جاقسارتۋعا پايداسىن تيگىزدى، ونان دا ماڭىزدىسى بۇقارانىڭ تۇرمىسىندا تىڭ بەتالىس جارىققا شىقتى.  
 
 
 


بەرىپ كەت ورامالىڭدى

دوستار

الىستاعى اق ەركە