جاڭا حابارلار

نورجا شاتقالى ساياحاتشىلاردى باۋرادى

    كەلۋ قاينارى: شينجياڭ حالىق راديو ىستانسياسى    2018-10-01 11:50:15  

سانجى راديو ستانسياسىنىڭ ءتىلشىسى چاڭ ي-يدىڭ حابارى: سانجى قالاسىنان 35 كيلومەتر شالعايداعى نورجا شاتقالى ۋاكىلدىك سيپات الاتىن قىزىل نەفەليىن (تاۋ جىنىسى) ياعني دانشيالىق جەر بەدەرى ەرەكشەلىگىنە باي بولعاندىقتان، كينو-تەلە فيلىم تۇسىرەتىن جەرگە جانە ماڭىنداعى ساياحاتشىلاردى مولىنان باۋرايتىن كورىنىس تۇيىنىنە اينالدى.
9-ايدىڭ 29-كۇنى، كولەمدى تاريحى تاقىرىپتاعى تەلە فيلم «ۇلى چين پاتشالىعى ءداۋىرى» سانجى قالاسىنىڭ اشىلى اۋىلى نورجا شاتقالىندا كەسكىنگە الۋ سالتىن وتكىزدى، باس رەجيسسەر يان-ي بىلاي دەدى: كەسكىنگە الۋدىڭ الدىندا ەلىمىزدىڭ كوپ جەرلەرىندە كورىنىس تاڭدادىق، نورجا شاتقالىنىڭ اسەم كورىنىسىن كورىپ قاتتى تاڭعالدىق، اقىرىندا وسى جەردى تەلە فيلم الۋ بازاسى ەتىپ تۇراقتاندىرىق، كورىنىسى وتە تاماشا، كەڭ بايتاق، بەينە سىزعان سۋرەت ىسپەتتى، وسى تەلە فيلىمدى الۋعا ەرەكشە دارا كورىنىس سيلادى، كوپ كورىنسىتەر وسى جەردە الىنادى، ءدال ءبىز ويلاعانداي جەر بولدى.
نورجا شاتقالى وڭتۇستىكتەن سولتۇستىككە قاراي ءيىر-قيىر بولىپ 10 نەشە كيلومەتر سوزىلىپ جاتىر، شاتقالدىڭ ەكى جاعى قۇزار شىڭ، عاجايىپ شىڭدارى مەن وزگەشە تاستارى الۋان ءتۇستى، ءپىشىنى وزگەشە. ءار رەت كەشكى شاپاق اياسىندا قىزىل نەفەليىن ياعني دانشيالىق جەر بەدەرى نەشە ءتۇرلى تۇسكە بولەنەدى. سانجى قالاسى اشىلى اۋىلدىق پارتكومىنىڭ ورىنباسار شۋجيى، اۋىل باستىعى قۋانىش تانىستىرا كەلىپ بىلاي دەدى: 2016-جىلى «تاڭ ءداۋىرىنىڭ موناحى ـــ شۋان زاڭ» فيلمى نورجا شاتقالىنان كورىنىس العان؛ بىلتىر، «باۋ چيڭتيان» فيلمى دە وسى جەردەن كورىنىس الدى. قازىر، كوپتەگەن ساياحات سەرىكتەستىكتەرى، كينو-تەلە سەرىكتەستىكتەرى وسى جەرمەن تىعىز بايلانىس ورناتۋدا، الدا، وسى كينو كورىنىستەرى مەن جەر بەدەرىنەن ۇتىمدى پايدالانىپ، دەرەكتى فيلم، كينو-تەلە فيلم، كينولاردى كەسكىنگە الۋدان ءۇمىت ەتەمىن.
شاتقالدىڭ شەتىندە تۇرىپ سوناۋ الىسقا كوز جىبەرسەڭىز، شالعايداعى تەڭگەر شىڭى، ورتا بولەگىندەگى جاپ-جاسىل قاتپارلى تاۋلار، كەڭ بايتاق ساحارا، ونداعى تابىن-تابىن سيىرلار مەن قورا-قورا قويلاردىڭ ايبىندى دا ءتىلسىم كورىنىس قالىپتاستىرعانىن كورەسىز. تۇتاس شاتقال اسا تابيعي كەسكىنىمەن ساياحاتشىلاردى ەرىكسىز باۋراۋدا. قازىر، سانجى قالاسى نورجا شاتقالىن ارقاۋ ەتىپ قاتىستى ساياحات جوسپارلارىن جاساپ، كورىنىس تۇيىندەرىنىڭ ساياحات ىقپالىن جوعارىلاتۋعا كۇش سالدى. سانجى قالالىق ساياحات مەكەمەسىنىڭ ورىنباسار باستىعى ۋاڭ گوفىڭ تانىستىرا كەلىپ بىلاي دەدى: «نورجا ۇلكەن شاتقالىنىڭ تابيعي كورىنىسىنەن ۇتىمدى پايدالانىپ، سانجى قالاسىنىنىڭ ساياحات مادەنيەتىن ىشكەرلەي ءارى كەڭ كولەمدە ايگىلەپ، ساياحاتشىلاردى سانجى قالاسىنا مولىنان كەلىپ ساياحاتتاۋعا، سەيىل-سەرۋەن قۇرۋعا باۋرايمىز».


بەرىپ كەت ورامالىڭدى

دوستار

الىستاعى اق ەركە