جاڭا حابارلار

اۆتونوميالى رايونىمىز جاستار مەن ورەندەردىڭ قوس ءتىل جارىسىنىڭ تابىستارىن كورسەتۋ جانە سيلىق تاراتۋ سالتىن وتكىزدى

    كەلۋ قاينارى: شينجياڭ حالىق راديو ىستانسياسى    2018-10-01 12:14:15  
ستانسيامىزدىڭ حابارى: «كۇننىڭ شۇلەن شۇعىلاسىندا جايقالا اشىلايىق»-«شۇنفەي ساۋىتى» بويىنشا اۆتونوميالى رايوندىق 2018-جىلعى «قول ۇستاسۋ» اتىنداعى جاستار مەن ورەندەردىڭ قوس ءتىل جارىسىنىڭ تابىستارىن كورسەتۋ جانە سيلىق تاراتۋ سالتى كەشە، شينجياڭ تەلەۆيزياسىنىڭ ستۋدياسىندا وتكىزىلدى، بۇكىل رايونىمىزدىڭ 15 ايماق-وبلىس-قالاسىنان جانە جوعارى مەكتەپتەرىنەن كەلگەن سيلانعان شەبەرلەر جانە وقىتۋشىلار وسى اراداعى كورەرمەندەرگە تارتىمدى قورتىندى ويىنىن تارتۋ ەتتى.
اۆتونوميالى رايوندىق پارتكومنىڭ ورىنباسار شۋجيى، وقۋ-اعارتۋ قىزمەتى كوميتەتىنىڭ شۋجيى لي پىڭشين مەن 600 كادر، وقىتۋشى-وقۋشى ۋاكىلى سيلىق تاراتۋ سالتىن بىرگە كوردى.
وسى ارادا وقىتۋشىلار ءان-ءبي ورىنداۋ، ولەڭدى مانەرلەپ وقۋ، تەاتر قويۋ، سۇحبات جۇرگىزۋ سياقتى فورمالارمەن رايونىمىزداعى ءار ۇلت جاستارى مەن ورەندەرىنىڭ مەملەكەتتە ورتاق قولدانىلاتىن ءتىل-جازۋدى جەتىك يگەرگەن قابىلەتىن تولىق ايگىلەپ، سوڭعى جىلداردان بەرگى رايونىمىزدىڭ وقۋ-اعارتۋ جاعىندا حالىققا تيىمدىلىك جاساۋ ينجەنەرياسىن پارمەندى اتقارىپ، اۋىل-قىستاقتاردا وقۋعا تۇسۋدەن بۇرىنعى ءۇش جىلدىق تەگىن تاربيەنى ىلگەرلەتكەنىن، كادرلاردىڭ وقۋ-اعارتۋدى قولداۋ قىزمەتىن باستاعانىن، وقۋعا تۇسۋدەن بۇرىنعى جانە مىندەتتى وقۋ-اعارتۋ كەزەڭىندەگى مەملەكەتتە ورتاق قولداتىلاتىن ءتىل-جازۋ وقىتۋىن جاپپاي اتقارۋدا قول جەتكىزگەن تابىستارىن شوعىرلى بەينەلەدى.
ۇعىسۋعا قاراعاندا، 2006-جىلدان بەرى، رايونىمىز جاستار مەن ورەندەردىڭ قوس ءتىل جارىسىن 9 كەزەك ءساتتى وتكىزىپ، جارىستىڭ ىقپالى جىل سايىن كۇشەيىپ، جارىسقا قاتىناسۋشىلاردىڭ كولەمى ءۇرتىس كەڭەيىپ، جارىسقا قاتىناسقان شەبەرلەردىڭ مەملەكەتتە ورتاق قولدانىلاتىن ءتىل-جازۋ دەڭگەيى كەزەك سايىن جوعارىلاپ وتىرعان. بيىلعى جاستار مەن ورەندەردىڭ قوس ءتىل جارىسى 4-ايدىڭ ورتا شەنىندە باستالىپ، بالدىرعاندار، باستاۋىش مەكتەپتىڭ تومەن جىلدىقتارىنداعى وقۋشىلار جانە جوعارى مەكتەپ وقۋشىلارى بويىنشا، بۇكىل شينجياڭنان جالپى ءبىر ميلليون 200 مىڭ ءار ۇلت وقۋشىسى تىزىمدەلىپ جارىسقا قاتىناسىپ، جارىسقا قاتىناسۋشىلار سانى تاريحتاعى تىڭ دەڭگەيگە جەتكەن.

بەرىپ كەت ورامالىڭدى

دوستار

الىستاعى اق ەركە