جاڭا حابارلار

جاۋدى تىكسىندىرگەن جالعىز قول گەنارال ـــــ ليۋ چوۋشي

    كەلۋ قاينارى: شينجياڭ حالىق راديو ىستانسياسى    2018-10-02 12:41:58  
ليۋ چوۋشي 1897-جىلى دۇنيەگە كەلگەن، حۋناننىڭ چاڭشاسىنىڭ ۋاڭچىڭىنىڭ ادامى. 1920-جىلى، حۋنان ولكەلىك ءبىرىنشى پەداگوگيكا مەكتەبىنە ەمتيحان بەرىپ ءوتىپ ، سول جىلى جۇڭگو سوتسياليستىك جاستار وداعىنا كىرىپ، 1922-جىلى جازدا، جۇڭگو كوممۋنيستىك پارتياسىنا كىرەدى.
1925-جىلى، ليۋ چوۋشي چىن جيۇڭميڭدى جازالايتىن شىعىسقا جورىققا قاتىناسقاندا اۋىر جارالانىپ، سول قولى كەسىلەدى. 1927-جىلى جازدا، ۇلتتىق توڭكەرستىك ارميا 11-جۇنى 24-شىسىنىڭ سانموۋلىعىنا تاعايىندالىپ، نانچاڭ كوتەرىلسىنە قاتىناسىپ، سوڭىنان يىڭجاڭدىق، تۋاننىڭ سانموۋجاڭدىق مىندەتتەرىن اتقارادى.
1930-جىلى قىستا، 1-رەتكى « قورشاپ جويۋعا» قارسى تۇرۋ شايقاسىندا، قىزىل ارميا ءبىرىنشى باعىت ارمياسى لۇڭگاڭدا توسقاۋىل قويادى، قارسى جاعىنان توسقاۋىلداپ سوققى بەرۋ مىندەتىن ارقالاعان قىزىل ارميا 3-جۇنى 8-شىسىنىڭ باستىعى لۇڭ جىداۋ قۇربان بولىپ، قىزىل ارميا باس شتابى دەرەۋ ليۋ چوۋشيدى ونىڭ ورنىنا قولباسشىلىق ەتۋگە بۇيرادى. ليۋ چوۋشي قىزىل ارميا 8-شىسىن باستاپ، دۇڭشاۋدا جاۋدى ورتاسىنان ءۇزىپ، شايقاستا جەڭىسكە جەتۋگە كەپىلدىك ەتۋدە ماڭىزدى رول اتقارادى. سوڭىنان كەلە، اسكەري ءبولىمدى باستاپ، 2-، 3-رەتكى قورشاپ جويۋعا قارسى تۇرۋعا قاتىناسادى. ليۋ چوۋشي ەرلىكپەن شايقاس جاساپ، جەڭىستى تۇردە قولباسشىلىق ەتىپ، ءۇرتىس ەرەكشە ۇلەس قوسقاندىقتان، ورتالىق بازا حالقى وعان جاۋدى تىكسىندىرگەن «جالعىز قول گەنارال» دەگەن اتاق بەرەدى.
1933-جىلى، ليۋ چوۋشي فۋجيان-جىجياڭ-جياڭشي اسكەري رايونىنىڭ سىليڭيۋاندىعىنا، قوسىمشا قىزىل ارميانىڭ جاڭادان قۇرعان 10-جۇنىنىڭ جۇنجاڭدىعىنا تاعايىندالىپ، فۋجيان-جىجياڭ-جياڭشي سوۆەتتىك ۇكىمەتىنىڭ اتقارۋشى مۇشەسىنە تاعايىندالىپ، فۋجيان-جىجياڭ-جياڭشي بازاسىندا ارميا مەن حالىقتى باستاپ، ورتالىق بازانىڭ 5-رەتكى «قورشاپ جويۋعا» قارسى تۇرۋ كۇرەسىن كۇش سالا قولدايدى.
1934-جىلى 7-ايدا، ورتالىق شۇن حۋايجوۋ باستاعان قىزىل ارميا 7-جۇنتۋانىنىڭ سولتۇستىككە قاراي بەت الىپ، جاپونعا قارسى تۇرۋ شولعىنشى اترەتىن قۇرۋىن ۇيعارادى. 11-ايدا، قىزىل ارميا 7-جۇنتۋانى مەن ليۋ چوۋشي، فاڭ جىمين باستاعان قىزىل ارميا 10-ءجۇنى كەزدەسىپ، ەكى ارميا بىرىگىپ، قىزىل ارميا 10-جۇنتۋانىن قۇرىپ،تاعى دا سولتۇستىككە قاراي بەت الىپ، جاپونعا قارسى تۇرۋ شولعىنشى قوسىنى بولىپ، ليۋ چوۋشي جۇنتۋانجاڭ، قوسىمشا 20-شىنىڭ باستىقتىعىنا تاعايىندالادى.
سول جىلى 12-ايدا، قىزىل ارميا 10-جۇنتۋانىن جىجياڭ-جياڭشي شەكاراسىنداعى حۋاييۇيشان رايونىندا گومينداڭ ارمياسى قورشاۋعا الادى. ليۋ چوۋشي اسكەري ءبولىمدى باستاپ، قايتا-قايتا اتويلاپ شابۋىلعا ءوتىپ، قاندى شايقاسقا تۇسەدى، ونىڭ جالعىز وڭ بىلەگىن جاۋلار جارالايدى دا، سوڭىندا توسقاۋىلدى بۇزا الماي، 1935-جىلى 1-ايدا قولعا تۇسەدى. 1935-جىلى 8-ايدىڭ 6-كۇنى، ليۋ چوۋشي جياڭشيدىڭ نانچاڭىندا ەرلىكپەن قۇربان بولادى، سول كەزدە ول 38 جاستا بولاتىن.

بەرىپ كەت ورامالىڭدى

دوستار

الىستاعى اق ەركە